Luki 7:20 - The Keyagana NT and 25 OT books

²⁰ Lole vekalaʼmoganimo uʼana Yesufeʼmo huʼanaeʼmo, Yoniʼa aniʼmo faleno neʼapateya vekamoʼmo alino laʼateʼnigetaʼa eʼnoʼae. Agaemo hunoʼaeʼmo, agaetegamo utanaeʼmo, afole aigiye, huʼa huʼnaya vekamo maiʼnapi alu vekaeʼmo agava maisune, hutana ge hutana afi geʼao, huno laʼaha paiʼniye, huʼana ha paiʼnaʼae.

Luki 7:20 ပူးပေါင်းရင်းမြစ်များ

Matiyu 3:1

Ani afinaʼmo aniʼmo faleno apateʼniya vekamo Yoniʼa eno Yutiya kotegamo kaʼme koteʼmo maiʼneno aepa faino aeno hakalo huno hapa paiʼniye.

Luki 7:19

Yoniʼa geʼamo neʼafiʼa vekalaʼanifeʼmo ge huʼnigeʼana eʼnaʼageno Yesutegamo utanaeʼmo, afole aigiye, huʼa huʼnaya vekamo maiʼnapi alu vekaeʼmo agava maisune, hutana ge hutana afi geʼao, huno hana paiteno alino anateʼnigeʼana Yesutegamo uʼnaʼae.

Luki 7:21

Ani afinaʼmo Yesuʼa muki vayaʼmo alu kaita alu kaitaʼmo hapauʼniya vayaʼmo alino hapageno apatege hosu apaune vayaʼmo vayaʼai apaipafatiʼmo alino hapa faino apatalege apaulagamo ali huʼniya vayaʼmo apaulagamo alino ayakeno apatege huno maiʼniye.