Luki 7:2 - The Keyagana NT and 25 OT books

² Mago Lomu gamani vekamoʼmo ati vayaʼaiteʼmo yagaino neʼapateya vekamo aliʼyaʼamo neʼaliya vekaeʼmo hauʼniya vekamo kaita hauʼnigeno faligefeʼmo huʼniye.

Luki 7:2 ပူးပေါင်းရင်းမြစ်များ

Aepa Gemae 24:27

Mono hunoʼaeʼmo, Ala vekaʼnimo Emalehamu Ala kava neʼamo Gotifeʼmo aliʼna auleʼna ategauve. Gotiʼa ala vekaʼnimo oʼataleno hau huno atege lama geʼamo alagi akame huge huteno ha maeʼniye. Nagaemo kategamo eʼnogenoʼaeʼmo Ala kava neʼmoʼa kaʼmo alino ho huno nateʼnigeʼna ala vekaʼnimo nofi vayaʼalegamo eʼnove, huno mono huʼniye.

Aepa Gemae 35:8

Inagi Lipeka aliʼyaʼamo neʼaliya a kanomo agiʼamo Nemolaʼmo faliʼnigeʼa Meto taonimo afelagaʼmo alopa yosamo aepafiʼmo kiʼa ateteʼa agiʼamo Aloni Makuta yosae huʼa ateʼnae. Ani agimo aepaʼamo aviʼyaʼmo huʼnaya yosamo aepafiʼmae.

Mai'naya kavane 29:21

Kagaemo aliʼyakamo neʼaliya mafaʼnemo aise mafaʼnemo maiʼniya afinatetiʼmo yagaika oʼateʼneka muki hauʼniya yaʼmo alika amisanaʼmoʼmo henagaʼamo kagaika mafaʼnemo maigiye.

Matiyu 27:54

Ati vayaʼaiteʼmo yagaino neʼapateya vekaʼe ati vayaʼaʼeʼmo Yesuteʼmo yagaiʼa maiʼneʼa ageʼnayana imima aliʼnigeno muki kavaʼmo afole aiʼnigeʼa ageteʼapaeʼmo lusi kava huʼa koli huteʼapaeʼmo, alagi lama gemo hune, huʼa, ani vekamo Goti mafaʼneʼamo maiʼniye, huʼa huʼnae.

Luki 23:47

Ati vayaʼaiteʼmo yagaino neʼapateya vekamoʼmo ani gemo afitenoʼaeʼmo, lama gemo nehuve, huno, mani vekamo fatago vekamo maiʼniye, huno hapa paiteno Goti agiʼaleʼmo alino asaga huno ateʼniye.

Luki 7:1

Yesuʼa mani muki geʼamo vayaʼaifeʼmo aeno hakalo huno hapa paino hano huteno ataleno Kapeneyamu taonifiʼmo uʼniye.

Luki 7:3

Yagaino neʼapateya vekamoʼmo Yesufeʼmo ava gemo afitenoʼaeʼmo Yu vayatama vayaʼaifeʼmo hapa painoʼaeʼmo, uta Yesufeʼmo hutapaeʼmo, eka aliʼyaʼnimo neʼaliya vekamo kaitaʼamo alika hageka ato, huta ha paiyo, huno hapa paiteno alino apateʼnigeʼa Yesutegamo uʼnae.

Luki 8:42

Magokeʼatomo alino ateʼniya aʼmafaʼnemo tuolofuʼa kafugamo maiʼniya aʼmafaʼnemo kaita hauʼnigeno faligefeʼmo huʼniye. Inagi Yesuʼa neʼvigeʼapaeʼmo asole vayaʼmogi maleʼa apalime apalime uʼnae.

Apa 10:1

Mago vekamo agiʼamo Koniliyasiʼa Sisaliya taonifiʼmo maiʼnenoʼaeʼmo ami ati vayaʼaiteʼmo yagaino apateʼniye. Ami ati vayaʼaifeʼmo apaki aeʼapaeʼmo Itali kotega vayane, huʼa apaki aeʼnae.

Apa 10:7

enisole vekamo ataleno uʼniye. Inagi Koniliyasiʼa noʼafiʼmo aliʼyaʼmo neʼaliʼa vekalaʼe ami ati vekamo mono nehiya vekamo agaeʼeʼmo muki afinaʼmo lokaeno neʼmaiya vekaʼefeʼmo ge huʼnigeʼa eʼnageno

Apa 22:26

Yagaino neʼapateya vekamoʼmo ani gemo afitenoʼaeʼmo uno hogote vekamo yagaino neʼapateya vekaeʼmo hunoʼaeʼmo, Nehana kavafeʼmo alagepa huka kagesamo afiyo. Ani vekamo Lomu vayaʼmogi yagaiʼa neʼataya vekamo maiʼniye, huno ha paiʼniye.

Apa 23:17

Poloʼa ani gemo afitenoʼaeʼmo mago ati vayaʼaiteʼmo yagaino neʼapateya vekaeʼmo hunoʼaeʼmo, Ani neya vekamoʼmo mago gemo huʼnigi hogote vekamo yagaino neʼapateya vekalegamo eka avalelika uvo, huno ha paiʼnigeno

Apa 27:1

Itali kotegamo sipifiʼmo apavaleliʼa ugae, huʼa huteʼa Poloʼe mago kalavusi huʼa apateʼnaya vayaʼeʼmo apavaleliʼuʼa mago ati vayaʼaiteʼmo yagaino neʼapateya vekamo agiʼamo Yuliyasifeʼmo, yagaika apato, huʼa ha paiʼnae. Yuliyasiʼa hogote vekamo Sisa ati vayapati vekamo maiʼniye.

Apa 27:3

Egamo Saitoni taonifiʼmo uta avaʼyi huteta Yuliyasiʼa Polofeʼmo hunoʼaeʼmo, kagaemo kao vayaʼmo afaʼa uka apakegane. Mago kaha maesiya yaʼmo kamisageka aligane, huno ha paiʼnigeno Poloʼa mopafiʼmo uno lamiʼniye.

Apa 27:43

ati vayaʼaiteʼmo yagaino neʼapateya vekamoʼmo Polo agufamo alino katino atesiyafeʼmo hunoʼaeʼmo, haʼao, huno hapa paitenoʼaeʼmo nagosa neʼaiya vayaʼaifeʼmo hunoʼaeʼmo, Anipiʼmo asagautapa aiteta nagosa aime aime utapa ani agiʼnaleʼmo avaʼyi hiyo, huno hapa paiteno

Kolosi 3:22

Aliʼyaʼmo neʼaliya vayaʼmogitapae, huʼna, fiku yanagetapa aliʼyaʼmo afoʼamogimo amuse huʼa lapatesayafeʼmo apaulagaleʼmo maiʼnetapaeʼmo geʼapimo neʼafiye. Gotifeʼmo koli hutetapa muki afinaʼmo lapaipafatiʼmo geʼapimo afiyo.