Luki 7:13 - The Keyagana NT and 25 OT books

¹³ Ala kava neʼmoʼa kogu a kanomo agetenoʼaeʼmo hau huno ateteno, aviʼyaʼmo osuvo, huno ha paiteno

Luki 7:13 ပူးပေါင်းရင်းမြစ်များ

Samu 103:13

Afoʼapimogi mafaʼne anagaʼapieʼmo hapau huʼa neʼapataya kava huno Ala kava neʼmoʼa agaefeʼmo koli huteʼa mono nehaya vayaʼaifeʼmo hau huno neʼapate.

Aiyeya 63:9

Apakaemo muki kana yaʼmo aliʼnagenoʼaeʼmo ani kana yaʼmo aipafiʼmo asagauno aiʼnigeno agaeʼeʼmo aliʼniye. Goti aulagaleʼmo maiʼniya enisole vekamoʼmo apakufamo alino katino apateʼniye. Hau ayamopafiʼmo hauʼnigeno hau huno apateteno miya faino hatu maeno apateʼniye. Akeyaʼvilagamo muki afinaʼae afinaʼaeʼmo apasagauno apavalelino uʼniye.

Maki 8:2

muki vayaʼmo nagaegiʼeʼmo loleʼe magoʼe afinaʼmo lokaeʼa maiʼnageno neʼyaʼapimo ohaneʼniyaʼmofeʼmo nahau huʼna neʼapatove.

Luki 10:1

Ala kava neʼmoʼa sevetiʼa vayaʼmo lekana paino apateteno lole vekalaʼmo alino lokaeno anatete anatete hutenoʼaeʼmo, muki uʼneʼna hisuva taonifiʼe kotegaʼeʼmo uta hogotetegeʼna vino.

Luki 11:1

Yesuʼa nunumuʼmo huno hano huteno maiʼnigenoʼaeʼmo mago vekamo geʼamo neʼafiya vekamoʼmo hunoʼaeʼmo, Ala kava nene, huno, Yoniʼa nunumuʼmo hisayafeʼmo geʼamo neʼafiya vayaʼmo alino apaya maleʼniya kava huka alika laya malo, huno ha paiʼnigenoʼaeʼmo,

Luki 11:39

Ala kava neʼmoʼa hunoʼaeʼmo, Falasi vayaʼmogitapamo kapumo agotofuʼalegaʼe yuvapamo agotofuʼalegaʼeʼmo sese nehayaʼmonanafa lapaipafiʼmo lapaʼye nehiya kavaʼe hosu kavatapiʼeʼmo havai teʼniye.

Luki 12:42

aliʼyaʼmo afoʼamoʼmo alino amufa amiʼnisiya vekamo alagepa huno ageʼnisiya vekamoʼmo aliʼyaʼamo neʼaliya vayaʼaiteʼmo yagaiʼneno neʼyaʼapimo alino fako huno apamisiyafeʼmo lekana paino ategaiye.

Luki 13:15

Ala kava neʼmoʼa geʼaleʼmo aeno atagaina huno hapa painoʼaeʼmo, aeta ati nekaya vayane, huno, Sapati afinaʼae afinaʼaeʼmo pulumakatapimofi hositapimofi hutapa noʼapifatiʼmo hatu maeta apateteta aniʼmo nesayafeʼmo apavalelita neʼvae.

Luki 17:5

apa vayaʼamogi huʼapaeʼmo, lagesamo afita fatago huʼnona kavatileʼmo magoʼe huka alika ko sika ato, huʼa ha paiʼnageno

Luki 17:6

Ala kava neʼmoʼa hunoʼaeʼmo, lapakesamo afita fatago huʼnaya kavaʼmo aise avina yakana huno haneʼnisiyaʼmoʼmo mago yosaeʼmo hutapaeʼmo, kagaemo kahafuʼyaʼaʼeʼmo aika lamika halagatika uka anipatiʼmo halate hageka uka haiyo, hutapa hisagenoʼaeʼmo getapimo afaʼa afigiye, huno hapa paiʼniye.

Luki 18:6

Ala kava neʼmoʼa hunoʼaeʼmo, hosu vekamoʼmo agoti gemo neʼafisiya vekamo geʼamo afiyo.

Luki 19:8

Sakiyasiʼa muki vayaʼai apaulagaleʼmo he tino maiʼnenoʼaeʼmo, Ala kava nene, huno, ago, huno, kagemi yaʼnimo folagapatiʼmo aliʼna fako huʼna kagemi yaʼapimo ohaneʼnisiya vayaʼaina apamiteʼna mago vayaʼaifeʼmo aigofe gemo huteʼna kumayaʼmo aliʼnisuvana foʼa afinaʼmo aliʼna fako huʼna anonaʼapilefeʼmo apamite apamite huʼna neʼapamuve, huno ha paiʼnigeno

Luki 22:61

Ala kava neʼmoʼa aino afe leno Pitana ageʼniye. Ala kava neʼmoʼa hogoteno Pitafeʼmo hunoʼaeʼmo, kokolemoʼmo age oʼaiʼnisigeka loleʼe magoʼe afinaʼmo nagaefeʼmo hukaeʼmo, oʼageʼnova vekae, huka hugane, huno ha paiʼniya geeʼmo agesamo afino ho hutenoʼaeʼmo

Luki 24:3

yafakapiʼmo uʼa haiʼa ageʼnayana agufaʼamo ohaneʼnigeʼa ageʼnae.

Luki 24:34

apakaemo huʼapaeʼmo, alagi lama ge huʼa Ala kava neʼmo ago he tiʼniye. He titenoʼaeʼmo Saimonitegamo afole aiʼnigeno ageʼniye, huʼa hana paiʼnageʼanaeʼmo

Luki 7:12

Yesuʼa uno taonimo lafi kipa haopaleʼmo neʼvigeʼapaeʼmo mago kogu a kanomoʼa magokeʼageʼmo alino ateʼniya mafaʼneʼamo faliʼnigeʼa hiʼyopa maleʼa aliniʼa eʼnae. Kogu aʼne anagaʼe asole vayaʼmo ani taonifiʼmo maiʼnaya vayaʼeʼmo magokepi lokaeʼa eʼnae.

Luki 7:14

uno hiʼyopaleʼmo ayaʼmo maleʼnigeʼapaeʼmo aliniʼa eʼnaya vayaʼmo anile he tiʼa maiʼnae. Agaemo ge hunoʼaeʼmo, neya vekae, huno, kaha paiʼnaeʼmo he tiyo, huʼna kaha nepauve, huno nehigenoʼaeʼmo

Luki 7:19

Yoniʼa geʼamo neʼafiʼa vekalaʼanifeʼmo ge huʼnigeʼana eʼnaʼageno Yesutegamo utanaeʼmo, afole aigiye, huʼa huʼnaya vekamo maiʼnapi alu vekaeʼmo agava maisune, hutana ge hutana afi geʼao, huno hana paiteno alino anateʼnigeʼana Yesutegamo uʼnaʼae.

Luki 8:52

Muki vayaʼmogi faiyosago faiʼa aviʼyaʼmo huge huge huʼa maiʼnagenoʼaeʼmo Yesuʼa hunoʼaeʼmo, aviʼyaʼmo osiyo. Ani aʼmafaʼnemo alagi ofaliʼnifa afaʼa au kaleno maiʼniye, huno hapa paiʼnigeʼapaeʼmo,

Yoni 11:2

Ani Maliyaʼa hogoteno alagepa atumo neʼaiya uvelimo Ala kava neʼmo aiyaleʼmo lakino faleno ateteno ayokatetiʼmo alino hau huno ateʼniye. Asaʼamoʼmo Layosiʼmo kaita hauʼniye.

Yoni 11:3

Asaʼalaʼmoganimo Yesutegamo ge huʼana atalaʼageno uʼniya gemo huʼanaeʼmo, Ala kava nene, huʼana, ani kahau kayamopafiʼmo kahauʼniya vekamo kaita hauʼniye, huʼana huteʼana mago vekamo aliʼana ateʼnaʼageno uʼniye.

Yoni 20:13

Anakaemo huʼanaeʼmo, Ane, huʼana, na kava higekaeʼmo aviʼyaʼmo nehane, huʼana ge huʼana afi geʼnaʼageno Ala kava vekaʼnimo alini uʼa haiyaʼaleʼmo maleʼnafi huʼna oʼagove, huno hana paiteno

Yoni 20:15

Yesuʼa hunoʼaeʼmo, Ane, huno, na kava higekaeʼmo aviʼyaʼmo nehane. Ina lafeʼmo kahauya nehane, huno afi geʼnigeno Maliyaʼa hoyafiʼmo aliʼyaʼmo neʼaliya vekamo maiʼniye, huno agesa afitenoʼaeʼmo, kagaemo haiya kava hane, huno huteno, kahao ke hovanagi agufaʼamo alinika uka maleʼnisana yategaeʼmo naha paiyo. Uʼna aliniʼna ugesuve, huno afi geʼnigeno

Yoni 4:1

Falasi mono vayaʼmogi afiʼnayana Yesuʼa asole vayaʼmo apavalelineno geʼamo neʼafiya vayaʼmo alino hamaleno apateteno aniʼmo faleno apateʼniye. Ani kava huʼniya kavatetiʼmo Yoniʼa ago aeno agaseʼniye, huʼa hapa paiʼnageʼa afiʼnae.

Yoni 6:23

Magoʼe sipimo Taipiliyasi kotegatiʼmo eʼa Yesuʼa neʼyaʼmo Gotifeʼmo hao ke heteno apamiʼnigeʼa neʼnayategamo eʼnae.

1 Kolitiyani 7:30

Ma mopafi kavafeʼmo yulagefa neʼaisaya vayaʼmogimo yulagefa noʼaiya vayakana huʼa maime maime visaya kavaʼmo haneʼniye. Ma mopafi kavafeʼmo apamogaga neʼaisaya vayaʼmogimo apamogaga noʼaiya vayakana huʼa maisaya kavaʼmo haneʼniye. Miya faiʼa aliʼnisaya vayaʼmogimo miya faiʼa oʼaliʼnaya vayakana huʼa maisaya kavaʼmo haneʼniye.

1 Tesaloniyani 4:13

Inagi konagatimogitapae, huta, mago vayaʼmogimo, faliʼnaya vayaʼmo he otigae, huʼa apakesamo neʼafiyaʼmofeʼmo apakava oʼmaige apavayagunagu osuge huteʼa lusi kava huʼa yulagefa neʼaiye. Ani agufa kavaʼmo osutapa faliʼnaya vayaʼaifeʼmo lama gemae, hutapa afisayafeʼmo nahauʼniye.

Himulu 2:17

Hogote mono vekamo Gotitefeʼmo mono aliʼyaʼmo aliteno mono huno neʼapateya vekamoʼmo hau huno apateteno aliʼyaʼamo oʼataleno alagepa aliʼyaʼmo alisiyafeʼmo aganaʼamogigana huno alino hamaleno ateʼniye. Hosu kavaʼapimo alino atalesigeno Gotiʼa aipamo leno oʼapatesiyafeʼmo muki kavatefeʼmo magoke aiyaya vekamo hamaleʼniye.

Himulu 4:15

Hogote ala vekatimo mono huno nelateya vekatimoʼmo himamutimo ohaneʼniya vayaʼmogitaeʼmo hau huno nelate. Muki alu hosu kava alu hosu kavaʼmo hisunafeʼmo lamalageka nehaya kava huʼa amalageka huʼnayaʼmofeʼmo hau huno nelate. Amalageka huʼnayaʼmonanafa hosu kavaʼmo alagi osuʼniye.