Luki 7:12 - The Keyagana NT and 25 OT books

¹² Yesuʼa uno taonimo lafi kipa haopaleʼmo neʼvigeʼapaeʼmo mago kogu a kanomoʼa magokeʼageʼmo alino ateʼniya mafaʼneʼamo faliʼnigeʼa hiʼyopa maleʼa aliniʼa eʼnae. Kogu aʼne anagaʼe asole vayaʼmo ani taonifiʼmo maiʼnaya vayaʼeʼmo magokepi lokaeʼa eʼnae.

Luki 7:12 ပူးပေါင်းရင်းမြစ်များ

Aepa Gemae 22:12

Ha paiʼnigenoʼaeʼmo enisole vekamoʼmo, mafaʼnekamo lugoʼamo ohatagauka agaetegamo mago agufa kavaʼmo osuvo. Kagaemo ani magoke mafaʼnekamo namisanafeʼmo agegeka oʼateʼnanaʼmofeʼmo nagaemo kageʼnovana Gotifeʼmo kaipafatiʼmo koli huʼneka mono nehane, huno ha paiʼniye.

Aepa Gemae 22:2

Huno huʼnigenoʼaeʼmo inagi Gotiʼa ha painoʼaeʼmo, magoke mafaʼnekamo lusi kava huno kahau kayamopafiʼmo kahauʼniya mafaʼnekamo Aisakiʼmo Molaiya haopalegamo avalelikugeʼna mago aveeʼmo kaha paiguve. Ani aveleʼmo kagaemo Aisakiʼmo amagika atafiʼmo kaeka ofalinimo namigane, huno ha paiʼniye.

1 Kini 17:12

Kogu a kanomoʼmo, Ala kava neʼmo Gotikamoʼmo afaʼa maiʼniye, huʼna alagi lama gemo nehuva kava huʼna ina gemo huʼnaeʼmo, Peleti mayaʼnimo alagi ohaneʼniye. Nagaemo mago talamufiʼmo aise falaovageʼmo hanete aise olivi uvelimo alu samofiʼmo hanete huʼniye. Hemenimo nagaemo ani falaovaʼmo kaesuvafeʼmo yosa akopa atamo aliniʼna visuvafeʼmo neʼaluve. Inagi laʼagaemo mafaʼneʼniʼeʼmo ani atupa neʼyaʼmo netetaʼaeʼmo faliguʼae, huno ha paiʼniye.

1 Kini 17:18

Faliʼnigenoʼaeʼmo a kanomoʼmo Ilaiyafeʼmo hunoʼaeʼmo, Goti vekamogae, huno, na kava higekaeʼmo nagaetegamo ani kavaʼmo huʼnane. Nagaemo hosu kavaʼnieʼmo nagesamo afisugeka mafaʼneʼnimo amagisanafeʼmo eʼnapiye, huno ha paiʼniye.

1 Kini 17:23

Ilaiyaʼmo avalelino uno lamino itaʼamoʼmo amitenoʼaeʼmo, Ago, huno, mafaʼnekamo he tino afaʼa maiʼniye, huno ha paiʼniye.

1 Kini 17:9

Kagaemo he tika uka Yalefati taonimo Sainoni koʼmo haopaleʼmo maiyo. Ani taonifiʼmo mago kogu a kanoeʼmo, yagaika ato, huʼna ha paiʼnove, huno ha paiʼniye.

2 Kini 4:16

Ilaisaʼmo a kanoeʼmo ina gemo huno ha painoʼaeʼmo, Henaga kafugamo mani agufa kaileʼmo ve mafaʼnekamo anu kigane, huno ha paiʼnigeno, Haʼao, huno, Ala vekaʼnimogae, Goti vekaʼamogae, huno, nagaefeʼmo aigofe gemo osuvo, huno ha paiʼniye.

2 Kini 4:20

Agaemo avalelino itaʼamotegamo uʼnigeno mafaʼnemo itaʼamo aluteʼmo havaeno maime uno feluga kukuʼmo faliʼniye.

Luki 7:11

Mago afinaʼmo utegeʼa Yesuʼagi geʼamo neʼafiya vayanagi asole vayanagi huʼa Neni taonifiʼmo uʼnae.

Luki 7:13

Ala kava neʼmoʼa kogu a kanomo agetenoʼaeʼmo hau huno ateteno, aviʼyaʼmo osuvo, huno ha paiteno

Luki 8:42

Magokeʼatomo alino ateʼniya aʼmafaʼnemo tuolofuʼa kafugamo maiʼniya aʼmafaʼnemo kaita hauʼnigeno faligefeʼmo huʼniye. Inagi Yesuʼa neʼvigeʼapaeʼmo asole vayaʼmogi maleʼa apalime apalime uʼnae.

Luki 8:52

Muki vayaʼmogi faiyosago faiʼa aviʼyaʼmo huge huge huʼa maiʼnagenoʼaeʼmo Yesuʼa hunoʼaeʼmo, aviʼyaʼmo osiyo. Ani aʼmafaʼnemo alagi ofaliʼnifa afaʼa au kaleno maiʼniye, huno hapa paiʼnigeʼapaeʼmo,

Yoni 11:19

Asole Yu vayaʼmo Mataʼe Maliyaʼeʼmo anasaʼanimoʼmo ago faliʼniya kavafeʼmo hapau huʼa anatesayafeʼmo anakaetegamo eʼnae.

Apa 9:39

Pitaʼa ani gemo afitenoʼaeʼmo anakaeʼeʼmo uno avaʼyi huʼnigeʼapaeʼmo avaleliʼuʼa anaga aeno hanagi maleʼniya nopiʼmo uʼa haiʼnae. Muki kogu aʼne anagaʼmogimo eʼa Pita haopaleʼmo lokaeʼa maiʼneʼa aviʼyaʼmo nehuʼapaeʼmo Nokasiʼa apakaeʼeʼmo magokepi lokaeno maiʼniya afinaʼmo alo huʼniya siotiʼe kukenaʼeʼmo aliʼa ave liʼnae.

Apa 9:41

Pitaʼa ayateʼmo alino he tino ateʼnigeno he tiʼniye. Pitaʼa apaote vayaʼe kogu aʼne anagaʼeʼmo ge huʼnigeʼa eʼa hai eʼa maiʼnagenoʼaeʼmo Pitaʼa hunoʼaeʼmo, afaʼa maiʼniye, huno alino apaveliʼnigeʼa ageʼnae.

Yemisi 1:27

Gotiʼa muki yaʼmo afoʼamo aulagaleʼmo alagepa monoʼmo nehaya kavaʼmo haneʼniyana kogu aʼnemogiʼe megusa mafaʼne anagaʼmogiʼeʼmo kana yaʼmo neʼaliya afinaʼmo uʼa hapa maege ma mopafi vayaʼmogimo aliʼa hosu huʼa oʼapatesayafeʼmo apakaiʼapileʼmo alagepa huʼa yagaiʼa apatege nehaya kavaʼmo haneʼniye.