Luki 6:49 - The Keyagana NT and 25 OT books

⁴⁹ Ki maleʼniyaʼmonanafa geʼnimo fiku afiteʼa akame nosaya vayaʼmo mago vekamoʼmo noʼamo yafaʼmo faino oʼateʼneno ki maleʼniya vekagana huʼa maiʼnae. Mopalafateʼmo ki maleʼnigenoʼaeʼmo aniʼmoʼa aeno agoʼya faino ataleʼnigeno malage huno anipiʼmo asagauno aiʼnigeno alagi aeno halagape vaino alino hosu huno ataleʼniye, huno hapa paiʼniye.

Luki 6:49 ပူးပေါင်းရင်းမြစ်များ

Mai'naya kavane 28:18

Gotiʼa vaiʼmo noʼalisiya vekamo agufamo alino katino ategaiyaʼmonanafa himuʼnamu kavaʼmo nehisiya vekamo malage huno asagauno aigiye.

Matiyu 23:3

muki nehaya geʼapimo afiteʼa akame hiyo. Akame hiyo, huʼa nehayaʼmonanafa apakaiʼapimo akame nosayaʼmofeʼmo nehaya kavaʼapimo akame osiyo.

Matiyu 24:10

Ani afinaʼmo afole aisigeʼapaeʼmo muki asole vayaʼmo apakesamo afiʼa fatago huʼnaya kavaʼapimo ataleteʼa konagaʼapimogi kutulu yaʼmo neteʼa apakaefeʼmo apaini hugae.

Maki 4:17

Apamogaga neʼaiyaʼmonanafa hafuʼya oʼaeʼniyaʼmofeʼmo aise afinaʼmo maiʼnagenoʼaeʼmo hanageke kavaʼmo afole neʼaifi Goti geʼamo noʼafiya vayaʼmogi apaini huʼa neʼapatafi huʼa nehageʼapaeʼmo malage huʼa asagauʼa neʼaiye.

Luki 12:47

Aliʼyaʼmo neʼaliya vekamoʼmo aliʼyaʼmo afoʼamoʼmo geʼamo ago afiʼniyana alo huteno akame nosisiyana lusi kava huno amagigiyaʼmonanafa

Luki 19:14

Hapa paiteno uʼniyaʼmonanafa vayaʼamogimo agaefeʼmo apaini huteʼa mago vayaʼmo aliʼa apateʼnageʼa uʼa Ala kini vekaeʼmo huʼapaeʼmo, ani vekamoʼmo yagaino latesiyafeʼmo olahauʼniye, huʼa ha paiʼnae.

Luki 19:27

inagi kame vayaʼnimogi agaemo yagaino latesiyafeʼmo olahauʼniye, huʼa huʼnaya vayaʼmo apavaleliteta naulagaleʼmo kamitimo apamagiyo, huno hapa paiʼniye, huno Yesuʼa hapa paiʼniye.

Luki 6:46

Na kavaʼmo higetapaeʼmo nagaefeʼmo hutapaeʼmo, Ala kava nene, Ala kava nene, huta nehutapaeʼmo geʼnimo noʼafiye.

Luki 6:48

Apakaemo no kiʼniya vekagana huʼa maiʼnae. Ani vekamoʼmo noʼmo kisiyafeʼmo hogoteno yatala kelimo kafilino lami maleʼneno alopa yafaʼmo faino ateʼneno noʼmo ki maleʼniye. Ki maleʼnigenoʼaeʼmo lusi kava huno aniʼmo heteno noʼmo aeno agoʼya faigefeʼmo huʼniyana alopa yafaʼmo faino ateʼneno ki maleʼniyaʼmofeʼmo alino kanage osuʼniye.

Luki 7:1

Yesuʼa mani muki geʼamo vayaʼaifeʼmo aeno hakalo huno hapa paino hano huteno ataleno Kapeneyamu taonifiʼmo uʼniye.

Yoni 15:2

Agaemo nagaepatiʼmo aeʼniya nofi akopamoʼmo alagamo noʼaeya nofi akopamo hatagauno alino alagepa nehiye. Ani agufa kavakeʼmo huno alagamo neʼaeya nofi akopafatiʼmo magoʼe huno alagamo aesiyafeʼmo hatagauno alino alagepa nehiye.

Apa 20:29

Ago afiʼnovana lapataleʼna visugeʼapaeʼmo vayaʼmo nehapaya afela kalamogimo lapakaetegamo eʼa magoke anaga sipisipi vayaʼamo lahapaesayafeʼmo maiʼa halove osuʼa muki afinaʼmo lapaegae.

Apa 26:11

Umenitata huʼna muki Yu vayaʼai mono nopiʼmo kayoʼmo apamiteʼna Yesufeʼmo huʼa faipa huʼa atesayafeʼmo apamagiʼnove. Lusi kava huno naipamo leʼnigeʼnaeʼmo alu nofi vayaʼai taoniʼapifiʼe taoniʼapifiʼeʼmo umenitata huʼna kayoʼmo apamiʼnove.

1 Tesaloniyani 3:5

Ani kavafeʼmo nahausoli huʼnigeʼnaeʼmo, magoʼe huʼna afaʼa oʼmaiguve, huʼna huteʼna Timotifeʼmo, apakesamo afiʼa fatago nehafigi uka apako, huʼna ha paiʼnove. Sataniʼmo apamalageka huteno aliʼyatimo alino hano huno ataleʼnisifi, huʼna huteʼna lusi kava huʼna koli huteʼna aliʼna ateʼnogeno uʼniye.

2 Pita 2:20

Apakaemo Ala kava neʼmoʼa apakufamo alino katino neʼapateya vekamo Yesu Kalaisiʼmo ageʼnaya kavatetiʼmo ma mopafi hosu oʼaniʼya kavategatiʼmo faiʼa kasalo paetaleʼa eʼnayanageno halate hosu kavaʼapimoʼmo nofi aegekana huno apatafauno apateʼneno aeno apakasesiyaʼmoʼmo aepa faiʼniya afinaʼmo hosu kava huʼa neʼmaiyaʼmonanafa atupa afinaʼapimo magoʼe huʼa alagi hosu kavaʼmo huʼa maigae.

1 Yoni 2:19

Apakaemo ago lataleʼa uʼnayaʼmonanafa vayatimo oʼmaiʼnae. Apakaemo lagaepatiʼmo maiʼnaesinana olataleʼa lagaeʼeʼmo magokepi lokaeʼa maiʼnaesine. Ani vayapatiʼmo mago vayaʼmogi vayatimo oʼmaiʼnae, huta apakesunafeʼmo ago lataleʼa uʼnae.