Luki 6:45 - The Keyagana NT and 25 OT books

⁴⁵ Inagi mago alagepa vekamo aipafiʼmo alagepa kavaʼmo haneʼnigeno alagepa kavaʼmo aipafatiʼmo afole neʼaiye. Hosu vekamo aipafiʼmo hosu kavaʼageʼmo haneʼnigeno hosu kavaʼmo aipafatiʼmo afole neʼaiye. Ani agufa yaʼmo aipafiʼmo havai teʼneno eno haineno avayafatiʼmo afole neʼaiye, huno hapa paiʼniye.

Luki 6:45 ပူးပေါင်းရင်းမြစ်များ

Samu 140:5

Himuʼnamu vayaʼmogimo natafausiyafeʼmo aneʼaiʼmo hanagi malege kaʼnileʼmo umenimo malege nehae.

Samu 59:12

Apavayaletiʼmo hosu gemo nehayaʼmofeʼmo apakiʼapileʼmo aliʼa asaga hisagekaeʼmo apata fauvo. Lifana gemo huge kasu ge huge nehayaʼmofeʼmae.

Samu 59:7

Geʼapimoʼmo aveʼmo neʼneya naipegana huno haneʼniye. Apakaemo faipa huʼa apatege apamagigune, huʼa huge nehae. Apakaemo huʼapaeʼmo, Ina lagimo getimo afigae, huʼa nehae.

Mai'naya kavane 12:18

Naipemoʼmo vayaʼai apaipafiʼmo neʼaeya kava huʼa mago vayaʼmogi lokiya gefatiʼmo huʼnagenoʼaeʼmo apakafu nekiya gemo nehayaʼmonanafa afiteʼa ageʼnaya vayaʼmogimo geʼapiletiʼmo vayaʼmo hapa maeʼa aliʼa alagepa huʼa neʼapatae.

Mai'naya kavane 15:23

Mago vekamoʼmo geʼaleʼmo alagepa gemo huno aeno atagaina huno ha paisigenoʼaeʼmo aipafiʼmo amogaga aigiye. Mago vekamoʼmo alu vekamoʼmo alagepa huno gemo afisiya afinaʼmo alagepa gemo ha paisiyaʼmoʼmo kanale gemo haneʼniye.

Mai'naya kavane 4:23

Muki agufa kavakamo aepaʼamo kaipafatikeʼmo afole neʼaiyanagi hogote kavaʼmo huka kayamukiki huka kaipaleʼmo alagepa huka yagaika ato.

Yoni 7:38

Nagaefeʼmo apakesamo afiʼa fatago nehaya vayaʼai apaipafatiʼmo alopa aniʼmo afaʼa maisaya yaʼmo alino neʼapamiya aniʼmo havai teteno aino vali lamigiye, huno aeno hakalo huno hapa paiʼniye.

Apa 5:3

Pitaʼa hunoʼaeʼmo, Ananaiyasiyo, huno, Na kava higeka Sataniʼmo ateʼnanageno kaipafiʼmo faleno uno haiʼnigeka mago vekamoʼmo mago mopamo miya faiʼniya monimo alika fako huka maleteka eka Goti Aunemeʼaeʼmo aigofe gemo huʼnane.

Efasasi 3:8

Muki apaote vayaʼamogimo aeʼa naga seʼnageʼna henaga vekamo maiʼnovaʼmonanafa kanale yaʼmo ageta lekana opaisuna agufa yaʼmo Kalaisiʼa neʼapamiya kagemi yaʼalefeʼmo ava gemo alu nofi vayaʼaifeʼmo aeʼna hakalo huʼna hapa paisuvafeʼmo fikumo naha maeno namiʼniye.

Efasasi 4:29

Alino hosu huno apatesiya agufa gemo osutapa hapa maesiya agufa gemo lokiya vaino apatesiya gemo alagepa huʼa oʼafiʼnisaya gemo hapa paigenoʼao alino alagepa huno apateno.

Efasasi 5:19

Maiʼnetapaeʼmo konagatapimogifeʼmo Samu gemo huge mono yokemo huge lapaunelapametetiʼmo yokemo huge huta hapa paiyo. Lapaipafiʼmo mono yokemo huge Ala kava nefeʼmo Samu yokemo huge hutapa maiyo.

Kolosi 3:16

Lapaipamo alo higenoʼao Kalaisifeʼmo ava gemo lapaipafiʼmo magoʼe huno hanege hanege huno alagi haneno. Alagepa huta lapakesamo afiʼnetapa konagatapimo afalu afalu kavaʼmo hutapa alita apaya maletapaeʼmo hosu kavaʼmo osisayafeʼmo ehetapiye, huta hapa paiyo. Lapaipafiʼmo Gotifeʼmo hao ke nehetapaeʼmo samu yokemo huge mono yokemo huge Ala kava neʼmo agiʼaleʼmo aliʼa neʼasagaya yokemo huge hutapa maiyo.

Kolosi 4:6

Haga gemo nehane, huʼa hisayafeʼmo ge hugefeʼmo alagepa geʼageʼmo hiyo. Geʼapileʼmo aeta atagaina hutapa hapa paisayafeʼmo alagepa huta lapakesamo afitetapa hapa paiyo.

Himulu 8:10

Inagi ani afinaʼmo hano hutesigeʼnaeʼmo Isaleli vayaʼeʼmo kotalakemo hu maleteʼnaeʼmo keʼaepa geʼnimo aliʼna apakesafiʼmo maleteʼna apaipafiʼmo avoʼmo kae malegauve. Gotiʼapimoʼnamo maisugeʼa nagaiʼni vayaʼnimo maigae.

Yuti 1:15

Muki vayaʼmo agoti huno apateteno agaefeʼmo mono nosaya vayaʼai apaipafatiʼmo mono nosaya hosu kavaʼapimo alino apave liteno mono nosaya vayaʼmogi lokiya geʼapimo kame huʼa ateʼnaya geʼapimo alino apave lisigeʼapaeʼmo hosu kavaʼmo huʼnone, huʼa hisayafeʼmo eminegaiye.