Luki 6:35 - The Keyagana NT and 25 OT books

³⁵ Lapakaemo kame vayatapieʼmo lapau lapayamopafiʼmo lahapauʼnisigetapa alagepa kavaʼmo huteta anonatapileʼmo halate alisayafeʼmo lapakesamo oʼafita fikumo apamiyo alopa yatapimo aligae. Ala kava neʼmo anaga hogote vekamoʼmo muki yaʼamo neʼapamigeʼa aliteʼapaeʼmo kahao ke hove, huʼa osuʼa fiku neʼaliya vayaʼe hapaku ataleʼneʼa neʼaliya vayaʼeʼmo alagepa kavaʼmo huno yagaino neʼapateyaʼmofeʼmo ani agufa kavaʼmo hisayaʼmoʼmo mafaʼneʼamo maigae.

Luki 6:35 ပူးပေါင်းရင်းမြစ်များ

Samu 112:5

Fatago vekamoʼmo kanale kavaʼmo huno vayaʼai anonaʼapilefeʼmo neʼapamiye. Aigofe kavaʼmo huno aliʼyaʼamo noʼalifa fatago kavaʼmo huno aliʼyaʼamo neʼaliye.

Samu 145:9

Agaemo muki vayaʼaitegamo alagepa kavaʼmo huteno muki alo hu maleʼniya yategaʼeʼmo hau huno neʼapate.

Samu 37:26

Fatago vayaʼmogimo muki afinaʼmo hapau huʼa apateteʼa magoʼe yaʼmo apamiteʼa anonaʼapilefeʼmo neʼapamiye. Ala kava neʼmoʼa mafaʼneʼapimo fiku hapa maeno neʼapamiye.

Samu 58:11

Vayaʼmogimo ina ge huʼapaeʼmo, Fatago vayaʼmogimo alagepa miyaʼapimo alagikeʼmo aligae. Gotiʼa ma mopafi vayaʼmo alagikeʼmo alino fako nehiye, huʼa hugae.

Mai'naya kavane 19:17

Kagemi yaʼapimo ohaneʼniya vayaʼaifeʼmo hau huno apateteno fikumo neʼapamiya vekamoʼmo Ala kava nekeʼmo neʼamiyaʼmofeʼmo anonaʼalefeʼmo amigiye.

Mai'naya kavane 22:9

Vayaʼmo nekaiya vekamoʼmo kafu nehaya vayaʼaina neʼapamiyaʼmofeʼmo Gotiʼa alino auleno ategaiye.

Matiyu 5:9

Gotiʼa aliʼa nanu aeʼa neʼapataya vayaʼaifeʼmo hapa painoʼaeʼmo, mafaʼneʼnimo maiʼnae, huno hapa paigiyaʼmofeʼmo Goti aulena vayaʼamo maiʼnae.

Luki 1:32

Ala agi vekamo maiʼnisigeʼa agi aeʼapaeʼmo, hogote vekamo aeno apaka seʼniya vekamo mafaʼneʼamo maiʼniye, huʼa hugae. Aginago vekamo Neviniʼa Isaleli vayaʼai alaʼapimo maiʼneno yagaino neʼapateya kava huno Ala kava neʼmo Gotiʼa hunoʼaeʼmo, Alaʼapimo maiʼneno yagaino apatesiya vekae, huno ategaiye.

Luki 6:36

Afotapimoʼmo hau huno neʼapateya kava hutapa lahapau huta apateyo, huno hapa paiʼniye.

Yoni 13:35

Konagatapimogifeʼmo lapau lapayamopafiʼmo lapausigeʼapaeʼmo muki vayaʼmogimo lapaketeʼapaeʼmo, Yesu geʼamo neʼafiya vayaʼmo maiʼnae, huʼa hugae, huno hapa paiʼniye.

Yoni 15:8

Lapakaemo asole alagamo aeʼnetapaeʼmo Afoʼnimoʼmo ala agiʼamo amisaya kavatetiʼmo geʼnimo neʼafiya vayaʼmo maigae.

Apa 14:17

Gotiʼa maiʼniye, huʼa apakesamo afisayafeʼmo alagepa kavaʼmo nehiye. Gotiʼa hunoʼaeʼmo, ko aiyo, huno nehigenoʼaeʼmo koʼmo neʼaigeno kanale neʼyaʼmo hoyafatiʼmo alino hageno ateʼnigeʼapaeʼmo aliʼa neteʼa apamogaga neʼaiye, huʼana hapa paiʼnaʼae.

2 Kolitiyani 8:9

Ala kava netimo Yesu Kalaisiʼa fikumo lapa maeno lapamiʼniya kavafeʼmo ava gemo ago afiʼnae. Hogoteno yahauve vekamo maiʼniyaʼmonanafa lapakaemo yahauve vayaʼmo maisayafeʼmo kagemi yaʼamo oʼhaneʼniya vekamo hamaleʼniye.

2 Timoti 3:2

Vayaʼmogimo apakaiʼapiyekeʼmo hapauge monieʼmo hapaʼye huge apakaiʼapiyekeʼmo ge huʼa apakiʼapileʼmo aliʼa asaga huge ala vayaʼmo maiʼnone, huʼa apakesamo afige huʼa faipa huʼa apatege itaʼapi afoʼapimogi geʼapimo oʼafige hapao ke osege apaote kavaʼmo osuge hugae.