Luki 6:29 - The Keyagana NT and 25 OT books

²⁹ Mago vekamoʼmo kagalametaleʼmo nekamagisigekaeʼmo aika afe leka magokayaga kagalametamo amiyo. Mago vekamoʼmo saketikamo alitenoʼaeʼmo siyotikaʼeʼmo aligefeʼmo husigekaeʼmo, oʼaliyo, huka osuvo.

Luki 6:29 ပူးပေါင်းရင်းမြစ်များ

2 Sitoli 18:23

Polofeti vekamo Setekaiʼmo Kenana mafaʼnemoʼmo Mikaiyategamo uno agalametaleʼmo amagiteno hunoʼaeʼmo, Ala kava netegatiʼmo emineʼniya aune vekamo haiya katetiʼmo nagaetegatiʼmo uno kaha paiʼniye, huno ge huno afi geʼniye.

Maika 5:1

O, Yulusalemu vayane, huno, ati vayatapimo apavaleta alita anupa hutapa apateyo. Kame vayatapimogi eʼa ago faiʼa vego huʼa lateʼnae. Apakaemo Isaleli vayaʼaiteʼmo yagaiʼniya vekamo agalametaleʼmo kayotetiʼmo amagigae, huno hapa paiʼniye.

Matiyu 26:67

Huʼa huteʼa augosafiʼmo apavenatuʼna heʼa ateteʼa siki kayoʼmo amagiʼnae.

Luki 22:64

lavolavoletiʼmo aulagafiʼmo aiʼa ati kaeʼa ateʼneʼa eʼa amagite amagite huteʼapaeʼmo, ina laʼmo kamagiʼnifigi kaune gemo huka laha paiyo, huʼa ge huʼa afi geʼnae.

Luki 6:30

Mago yafeʼmo aukaya husaya vayaʼmo afaʼa apamiyo. Kagemi yatapimo aliʼnisaya vayaʼaifeʼmo, halate namiyo, hutapa osiyo.

Yoni 18:22

mago ati vekamoʼa ayaʼmo alino ataleliʼneno amagitenoʼaeʼmo, hogote vekaeʼmo ani agufa gemo nehapiye, huno huʼniye. Yesuʼa geʼaleʼmo aeno atagaina huno ha painoʼaeʼmo, hosu gemo huʼnisuvana ani hosu geʼnimo aeka hakalo huvo.

Apa 23:2

Mono huʼa neʼapataya vayaʼaiteʼmo yagaino neʼapateya vekamo agiʼamo Ananayasiʼa Polo haopaleʼmo he tiʼa maiʼnaya vayaʼaifeʼmo hunoʼaeʼmo, Avayamo aitapa lagaiyo, huno hapa paiʼniye.

1 Kolitiyani 4:11

Laga tege anifeʼmo lahauge hosu kukenamo vaige huta maime maime eta hemeniʼeʼmo ani kava huta neʼmaune. Lamagige lamagige huʼa neʼmaigenoʼaeʼmo notimo ohaneʼnigeta nata vayaʼmo maiʼnone.

1 Kolitiyani 6:7

Lapakaitapimo agoti hutapa nelapatayaʼmofeʼmo agotimo aeta neʼagasesafi noʼagasesafigeno Sataniʼmo ago aeno lapakaseʼniye. Lapakaetegamo hosu kava nehisagetapaeʼmo afaʼa maisayaʼmoʼmo kanale hugiye. Lapakae yaʼmo kumayaʼmo alisagetapaeʼmo afaʼa maisayaʼmoʼmo kanale hugiye.

2 Kolitiyani 11:20

Mago vayaʼmogimo aliʼyaʼapileʼmo kalavusi huʼa nelapatafi mago yatapimo aliʼa neʼnafi ane anagaʼaitefeʼmo aliʼa nelapatafi apaiyafiʼmo aliʼa nelapatafi huteʼa apayamo aliʼa atalelineʼa lapaugosafiʼmo lapamagige nehisayana afaʼa apaketapa neʼapatalae.

Himulu 10:34

Nagaemo kalavusifiʼmo maiʼnogetapaeʼmo lapau hutapa nateʼnae. Kagemi yatapimo kumayaʼmo aliʼnagetapaeʼmo kanalene, hutapa huʼnae. Hogote kagemi yatimo kokuʼnapiʼmo okasalisiya kagemi yatimo haneʼniye, hutapa lapaipafiʼmo lapakesamo afiʼnayaʼmofeʼmae.