Luki 6:28 - The Keyagana NT and 25 OT books

²⁸ Lifana huno neʼapataya vayaʼaifeʼmo hutapaeʼmo, Gotiʼa alino auleno lapateno, hutapa hiyo. Huʼa faipa huʼa lapatesaya vayaʼaifeʼmo nunumuʼmo huta apateyo.

Luki 6:28 ပူးပေါင်းရင်းမြစ်များ

Matiyu 5:44

Lapa paiʼnayaʼmonanafa hemenimo nagaemo huʼnaeʼmo, kame vayatapieʼmo lapau lapayamopafiʼmo lapaino. Lifana gemo lapa nepaiya vayaʼaifeʼmo aulena gemo hapa paiyo. Lapakaefeʼmo apaini huʼnisaya vayaʼaitegamo alagepa kavaʼmo hiyo. Lapakaetegamo hosu kavaʼmo huteʼa apaini huʼa nelapatesaya vayaʼaifeʼmo nunumuʼmo huta apateyo.

Luki 23:34

Yesuʼa hunoʼaeʼmo, Afo, huno, na agufa kavaʼmo nehupi huʼa oʼageʼnayaʼmofeʼmo hosu kavaʼmo anonaʼapimo afaʼa alika atalo, huno nunumuʼmo huʼniye. Kukenaʼamo aliʼa fako hu maleʼneʼa yafatetiʼmo yokalo leʼnae.

Luki 6:27

Hemenimo mani hisuva gemo geʼnimo neʼafiya vayaʼmogitapaeʼmo hugesuve. Kame vayatapieʼmo lapau lapayamopafiʼmo lahapaino. Lapakaefeʼmo apaini nehaya vayaʼmo hapa maeyo.

Luki 6:35

Lapakaemo kame vayatapieʼmo lapau lapayamopafiʼmo lahapauʼnisigetapa alagepa kavaʼmo huteta anonatapileʼmo halate alisayafeʼmo lapakesamo oʼafita fikumo apamiyo alopa yatapimo aligae. Ala kava neʼmo anaga hogote vekamoʼmo muki yaʼamo neʼapamigeʼa aliteʼapaeʼmo kahao ke hove, huʼa osuʼa fiku neʼaliya vayaʼe hapaku ataleʼneʼa neʼaliya vayaʼeʼmo alagepa kavaʼmo huno yagaino neʼapateyaʼmofeʼmo ani agufa kavaʼmo hisayaʼmoʼmo mafaʼneʼamo maigae.

Apa 14:5

Ani afinaʼmo Yu vayanagi alu nofi vayanagi apakaeteʼmo yagaiʼa neʼapataya vayaʼapigi huʼa ge huge afige huteʼapaeʼmo, Anatafauta yafa kayotetiʼmo anamagigune, huʼa huʼnae.

Apa 7:60

Neʼamagigenoʼaeʼmo aleʼya faiʼneno alopa gefatiʼmo hunoʼaeʼmo, Ala kava nene, huno, mani hosu kavaʼapimo anonaʼapileʼmo apamisanafeʼmo kagesamo oʼafiyo, huno huteno au kaleʼniye. Soloʼa amagiʼnageno faliʼniya kavafeʼmo aipafiʼmo kanalene, huno agesamo afiʼniye.

Lomu 12:14

Lifana gemo lapa nepaiya vayaʼaifeʼmo aulena gemo hapa paiyo. Gotifeʼmo hutapaeʼmo, hosu kavaʼmo huʼa maiyo, hutapa osuta alagepa kavaʼmo huʼa maiyo, hutapa nunumuʼmo hutapa apateyo.

1 Kolitiyani 4:12

Neʼyatimo nesuna yaʼmo alisunafeʼmo lokiya aliʼyaʼmo neʼalune. Huʼa faipa huʼa nelatagetaeʼmo, Gotiʼa lahapa maeno, huta nehune. Apaini huʼa nelatagetaeʼmo afaʼa maiʼnone.

Yemisi 3:10

Konagaʼnimogitapae, huʼna, magoke lavayafatiʼmo aulena geʼe lifana geʼeʼmo nehuna gemo kanale gemo nosune.

1 Pita 3:9

Inagi mago vayaʼmogimo lapakaetegamo hosu kavaʼmo nehisagetapaeʼmo anonaʼapilefeʼmo hosu kavaʼmo osiyo. Mago vayaʼmogimo lifana huʼa lapatesagetapaeʼmo anonaʼapileʼmo alita auleta apateyo. Gotiʼa ani kavaʼmo hisagenoʼaeʼmo alino auleno lapatesiyafeʼmo keya aeno ge huʼniye.