Luki 6:27 - The Keyagana NT and 25 OT books

²⁷ Hemenimo mani hisuva gemo geʼnimo neʼafiya vayaʼmogitapaeʼmo hugesuve. Kame vayatapieʼmo lapau lapayamopafiʼmo lahapaino. Lapakaefeʼmo apaini nehaya vayaʼmo hapa maeyo.

Luki 6:27 ပူးပေါင်းရင်းမြစ်များ

Samu 7:4

nao vekamo alagepa kavaʼamo anonaʼalefeʼmo hosu kavakeʼmo huge kameʼnimoʼmo hosu kavaʼmo osuʼniyaʼmonanafa agaetegamo hosu kavaʼmo huge ani agufa hosu kavaʼmo huge huʼnovesinana

Mai'naya kavane 24:17

Kamevekakamo asaga uno neʼaisigekaeʼmo kamogaga oʼaiyo. Aiyafiʼmo haesigekaeʼmo haoke oso.

Mai'naya kavane 25:2

Gotiʼa mago yaʼamo alino fala ki maleʼniyaʼmofeʼmo ala agiʼamo neʼaliyaʼmonanafa kini vayaʼmogimo aliʼa fala ki maleʼnaya yaʼmo kahauya huʼa neʼagayaʼmofeʼmo ala apakimo neʼaliye.

Maki 4:24

Gemo neʼafitapaeʼmo, na agufa gemo neʼafufi hutapa alagepa hutapa lapakesamo afiyo. Afitetapaeʼmo lapaipa lapakesamo neʼamisagenoʼaeʼmo Gotiʼa ina kava huno lapamigiye. Alagepa hutapa neʼafisayana magoʼe huno alino lapamigiye.

Luki 23:34

Yesuʼa hunoʼaeʼmo, Afo, huno, na agufa kavaʼmo nehupi huʼa oʼageʼnayaʼmofeʼmo hosu kavaʼmo anonaʼapimo afaʼa alika atalo, huno nunumuʼmo huʼniye. Kukenaʼamo aliʼa fako hu maleʼneʼa yafatetiʼmo yokalo leʼnae.

Luki 6:22

Vemo mafaʼnemo akame nehayaʼmofeʼmo vayaʼmogi lapakaefeʼmo apaini huge aliʼa lapafaiʼa lapatalege huʼa faipa huʼa lapateteʼapaeʼmo lapakitapileʼmo aliʼa afepi lapatege hugayaʼmofeʼmo Goti aulena vayaʼamo maiʼnae.

Luki 6:35

Lapakaemo kame vayatapieʼmo lapau lapayamopafiʼmo lahapauʼnisigetapa alagepa kavaʼmo huteta anonatapileʼmo halate alisayafeʼmo lapakesamo oʼafita fikumo apamiyo alopa yatapimo aligae. Ala kava neʼmo anaga hogote vekamoʼmo muki yaʼamo neʼapamigeʼa aliteʼapaeʼmo kahao ke hove, huʼa osuʼa fiku neʼaliya vayaʼe hapaku ataleʼneʼa neʼaliya vayaʼeʼmo alagepa kavaʼmo huno yagaino neʼapateyaʼmofeʼmo ani agufa kavaʼmo hisayaʼmoʼmo mafaʼneʼamo maigae.

Luki 8:15

Mago avina yaʼmo alagepa mopafiʼmo asagauno aiʼniya avina yakana huʼa mago vayaʼmogi Goti geʼamo afiteʼapaeʼmo aliʼa lama ge apaipamo kanale apaipafiʼmo maleteʼapaeʼmo alagepa kateʼmo uge uge huʼa maiʼneʼapaeʼmo alagepa alagamo neʼae.

Luki 8:18

Aliʼnisaya vayaʼmo magoʼe huno apamigiyaʼmonanafa oʼaliʼnisaya vayaʼmogimo aliʼnone, huʼa apakesamo neʼafisaya vayaʼmogi yaʼmo hapa faleno aligiye. Aligiyaʼmofeʼmo ehetapiye, huʼna Goti geʼamo neʼafitapaeʼmo, haiya agufa kava huʼna neʼafufi, hutapa alagepa huta lapakesamo afiyo.

Luki 8:8

Mago avina yaʼmo alagepa mopafiʼmo asagauno aiteno hageno haitenoʼaeʼmo vani hataletiʼa alagamo aeʼniye. Gemo neʼafisaya lapakesamo haneʼnisiyana mani gemo alagepa huta afiyo, huno hapa paiʼniye.

Apa 10:38

Lapakaemo Yesuʼa Nasalasa taonifi vekamo ava gemo ago afiʼnae. Gotiʼa uvelimo lakino atetenoʼaeʼmo Aunemeʼamo amitenoʼaeʼmo ayamufa huno ateʼniye. Agaemo muki haopalega umenitata nehunoʼaeʼmo alagepa kavaʼmo huno vayaʼmo hapa maeteno Sataniʼa yagaino apateʼnigeʼa kana yaʼmo aliʼa maiʼnaya vayaʼmo alino alagepa huno apateʼniye. Gotiʼa agaeʼeʼmo lokaeno maiʼniyaʼmofeʼmo ani kavaʼmo huʼniye.

Apa 16:28

Aegefeʼmo nehigeno Poloʼa agetenoʼaeʼmo alopa gefatiʼmo hunoʼaeʼmo, kagaikamo kamitimo aeka kika katesanafeʼmo hananagi ani kavaʼmo osuvo. Lagaemo mukiʼamo afaʼa maiʼnone, huno ha paiʼniye.

Apa 7:60

Neʼamagigenoʼaeʼmo aleʼya faiʼneno alopa gefatiʼmo hunoʼaeʼmo, Ala kava nene, huno, mani hosu kavaʼapimo anonaʼapileʼmo apamisanafeʼmo kagesamo oʼafiyo, huno huteno au kaleʼniye. Soloʼa amagiʼnageno faliʼniya kavafeʼmo aipafiʼmo kanalene, huno agesamo afiʼniye.

Galesiya 6:10

Hapa maesuna kaʼmo haneʼnisiyaʼmoʼmo muki vayaʼaina afaʼa hapa maegaunaʼmonanafa apakesamo afiʼa fatago nehaya afamo anagatimo magoʼe huta hapa maegaune.

1 Tesaloniyani 5:15

Vayaʼmogi hosu kavaʼmo anonaʼapilefeʼmo aeʼa atagaina huʼa osisayafeʼmo alagepa huta yagaitapa apateyo. Lapakaemo muki afinaʼmo konagatapimogitegaʼe muki vayaʼaitegaʼeʼmo lapayamukiki hutapa alagepa kavaʼmo hiyo.

3 Yoni 1:11

Nahauʼniya vekaʼnimogae, huʼna, hosu kavaʼmo akame osuka alagepa kavakeʼmo akame huvo. Alagepa kavaʼmo nehaya vayaʼmo Goti vayaʼamo maiʼnageʼa hosu kavaʼmo nehaya vayaʼmogimo Gotiʼa oʼageʼnae.