Luki 6:26 - The Keyagana NT and 25 OT books

²⁶ Muki vayaʼmogimo lapakitapileʼmo aliʼa asagauʼa lapatesaya afinaʼmo vaehae, huʼna, kage kage hisaya kavaʼmo afole aigiye. Apakinago vayaʼmogimo ani kavaʼmo huʼa aigofe gemo alini eʼa aeʼa hakalo huʼa hapa nepaiya vayaʼmogi apakiʼapileʼmo aliʼa asagauʼa apateʼnae.

Luki 6:26 ပူးပေါင်းရင်းမြစ်များ

Mai'naya kavane 27:21

Vayaʼmogimo goli yafaʼmo atafiʼmo kaeʼa neʼagae. Ani kava huʼa siluva yafaʼmo yuvapafiʼmo maleʼneʼa atafiʼmo kaeʼa neʼagae. Ani kava huʼa vayaʼmogimo ala apakimo neʼapamiya kavatetiʼmo apamalageka huno neʼapake.

Maika 2:11

Mago aigofe aune vekamo humi neʼapateya vekamoʼmo aigofe aune gemo nehisiyana, nagaemo naune gemo huʼna ina ge huʼnaeʼmo, Lapakaemo asole nofi alagafati aniʼe miya aniʼeʼmo negae, huno hisiyaʼmoʼmo vayaʼmogimo ani agufa aune vekaeʼmo hapausigeʼa aune vekaʼapimo lekana paiʼa ategae.

Matiyu 7:15

Aigofe vayaʼmogi gemo alini eʼa aeʼa hakalo huʼa hapa nepaiya vayaʼaifeʼmo ehetapiye. Apakaemo sipisipi agufamo heʼa kalopaeʼa apakufaleʼmo vailiʼneʼa neʼayaʼmofeʼmo afela kalamoʼmo vayaʼmo nehapaeya kalagana huʼa maiʼnae.

Luki 6:25

Neʼyaʼmo ago neta lapamu nehaya vayane, huʼna, vaehae, henagaʼamo lapaka tegae. Kigi nehaya vayane, huʼna, vaehae, henagaʼamo yulagefa aita aviʼyaʼmo hugae.

Yoni 15:19

Lapakaemo ma mopafi vayaʼmo maiʼnaesinana ma mopafi vayaʼmogimo vayaʼapieʼmo hapauʼniya agufa kavaʼmo huʼa lapakaefeʼmo hapau apayamopafiʼmo hapauʼniesine. Hapauʼniyesinaʼmonanafa nagaemo ma mopafi vayapatiʼmo lekana paiʼna lapateʼnogetapa ma mopafi vayapiʼmo oʼmaiʼnayaʼmofeʼmo lapakaefeʼmo apaini nehae.

Yoni 7:7

Ma mopafi vayaʼmogimo lapakaefeʼmo afaʼa alagi apaini osugae. Nagaemo hosu kavaʼapieʼmo gemo aeʼna hakalo huʼna hapa nepauvaʼmofeʼmo nagaefeʼmo apaini nehae.

Lomu 16:18

Ani agufa vayaʼmogimo Ala kava netimo Yesu Kalaisi aliʼyaʼamo noʼalifa amega apakufamoʼmo hauʼniya kavaʼmo akame nehae. Haga hapausiya agufa gemo huteʼa aigofe geʼapiletiʼmo hapao ke heʼa apametala huteʼa fikumo neʼafiya vayaʼmo apakesa nefaiye.

Yemisi 4:4

Veyalave kotalakemo amagitapa ataleʼnaya ve aʼnemogitapae, huʼna, ma mopafi vayaʼe kavaʼeʼmo aliʼa apao yaʼmo nehisaya vayaʼmogi Gotiʼmo kame huʼa neʼatae, hutapa oʼafiʼnafiye. Haiya vekamoʼmo ma mopafi kavaʼmo ao vekamo maisiyafeʼmo hauʼnifi agaiʼamo Goti kameʼamo hamaleʼniye.