Luki 6:25 - The Keyagana NT and 25 OT books

²⁵ Neʼyaʼmo ago neta lapamu nehaya vayane, huʼna, vaehae, henagaʼamo lapaka tegae. Kigi nehaya vayane, huʼna, vaehae, henagaʼamo yulagefa aita aviʼyaʼmo hugae.

Luki 6:25 ပူးပေါင်းရင်းမြစ်များ

Samu 49:19

Ani vekamoʼmo aginago vayaʼmo maiʼnaya kotegamo uno lamino hanipiʼmo maiʼnenoʼaeʼmo ha le yaʼmo oʼagegaiye.

Mai'naya kavane 14:13

Apavayaʼaletiʼmo kigi nehayaʼmonanafa mago afinaʼmo apaipamoʼmo kana nehiye. Apamogaga neʼaiyaʼmonanafa henagaʼamo kana yaʼmo aligae.

Mai'naya kavane 30:9

Fiku yanageʼna asole yaʼmo alisuvana nakameʼyamo kamiteʼna, Ala kava neʼmo ina laʼmae, huʼna huge kafu huteʼna kumayaʼmo aliteʼnaeʼmo Gotiʼnimogae, huʼna nehuva kagikaleʼmo aliʼna afepi katege huguve.

Aiyeya 65:13

Ani kavaʼmo huʼnayaʼmofeʼmo nagaemo Ala kava neʼmo Gotiʼnamo ina gemo huve. Afiyo, huʼna, Aliʼyaʼnimo neʼaliya vayaʼmo neʼyaʼmo negayaʼmonanafa lapakaemo lapaka tegaiye. Afiyo, huʼna, Aliʼyaʼnimo neʼaliya vayaʼmo aniʼmo negayaʼmonanafa lapakaemo anifeʼmo lahapaugiye. Afiyo, huʼna, Aliʼyaʼnimo neʼaliya vayaʼmo apamogaga aigayaʼmonanafa lapakaemo lapavagage hugiye.

Neyomi 1:10

Apakaemo aufe kahaumoʼmo aino kiʼniya kava huʼa maige lokiya aniʼmo neteʼa negi nagi nehaya vayaʼmo magokepi lokaeʼa neʼmaiya kava huʼa magokepiʼmo lokaeʼa maige huʼnayanageno atamoʼmo vaiʼniya hiʼyagofafiʼmo neleya kava huno alagi alino hano huno apatalegaiye.

Luki 12:20

Agesamo afiʼniyaʼmonanafa Gotiʼa hunoʼaeʼmo, negi vekae, huno, hemeni haniʼilagamo kagupi mafaʼnemo halate namiyo, huʼna hisugeka faligane. Falisanageʼapaeʼmo ina lagimo ageka maleʼnana kagemi yakamo aligae, huno ha paiʼniye, huno hapa paitenoʼaeʼmo,

Luki 13:28

Lapakaemo alino lapafaino lapatalesigeta maiʼnetapaeʼmo apakesayana Emalehamuʼagi Aisikiʼagi Yekopuʼagi muki vayaʼmo Gotitegati gemo alini eʼa aeʼa hakalo huʼa hapa nepaiya vayaʼeʼmo Gotiʼa yagaino neʼapateya koteʼmo maiʼnisagetapaeʼmo malaga maiʼneta apaketetapaeʼmo aviʼyaʼmo huge lapaipamo leʼninagetapa lapavepiʼmo hanita agafu kige huta maigae.

Luki 6:24

Lapamogaga aigayaʼmonanafa kagemi yatapimo haneʼniya vayane, huʼna, ehetapiye, amuse nehaya yaʼmo ago aliʼnae.

Luki 6:26

Muki vayaʼmogimo lapakitapileʼmo aliʼa asagauʼa lapatesaya afinaʼmo vaehae, huʼna, kage kage hisaya kavaʼmo afole aigiye. Apakinago vayaʼmogimo ani kavaʼmo huʼa aigofe gemo alini eʼa aeʼa hakalo huʼa hapa nepaiya vayaʼmogi apakiʼapileʼmo aliʼa asagauʼa apateʼnae.

Luki 8:53

ago faliʼniye, huʼa ageʼnayaʼmofeʼmo kigi huʼa ateʼnae.

Efasasi 5:4

Alino oʼaniʼya faino neʼapateya agufa gemo osuge negi nagi gemo osuge hosu kigi yokalo gemo osuge hutapa maiyo. Goti mafaʼneʼamogi nosaya agufa gemo haneʼniyanagi ani agufa gemo osutapa Gotifekeʼmo hao ke heyo.

1 Tesaloniyani 5:3

Vayaʼmogi, alagepa huta neʼmaunanageta ani kavakeʼmo huta maigune, huʼa nehisagenoʼaeʼmo malage huno hosu kavaʼmo apakaeteʼmo afole aiteno alino hano huno apategaiye. Aʼnemogimo mafaʼnemo aliʼa apatesayafeʼmo huʼnaya afinaʼmo fikumo maiʼnagenoʼaeʼmo malage huno apakafu nekiya agufa kavaʼmo apakaeteʼmo afole aisigeʼapaeʼmo faiʼa kasalo opaegae.

Yemisi 4:9

Lapaipamoʼmo lusi kava huno kana huʼninagetapa yulagefa aitapa aviʼyaʼmo hiyo. Kigi nehaya kavatapimo ataleta yulagefa aiyo. Lapamogaga neʼaiya kavatapimo ataleta lapaipamoʼmo kana hino.

Leveleseni 3:17

Lapakaemo hutapaeʼmo, Kagemi yatimo haneʼniya vayaʼmogeta muki yatimo haneʼniye. Mago yafeʼmo kafu osuʼnona vayaʼmo maiʼnone, hutapa nehayaʼmonanafa lapakaemo hutapaeʼmo, lagaemo hosu kavapiʼmo maige hapau huʼa latesaya kopiʼmo maige kagemi yatimo ohaneʼniya vayaʼmo maige laulagamo ali huʼniya vayaʼmo maige lagufaʼalagaʼageʼmo maige huʼnone, hutapa oʼageʼnae.

1 Samiyo 2:5

Alopa neʼyaʼmo neʼa apamu huʼnaya vayaʼmogi miyaʼapimo alisayafeʼmo aliʼyaʼmo aliteʼa nesaya neʼyaʼmo neʼaliyaʼmonanafa apaka teʼniya vayaʼmogi hemenimo neʼyaʼmo neʼa apamu nehae. Anamo a kanomoʼa seveniʼa mafaʼnemo alino apateʼniyaʼmonanafa asole mafaʼnemo alino apateʼniya a kanomoʼa hemenimo lokiyaʼamo alagi ohaneʼniye.