Luki 6:21 - The Keyagana NT and 25 OT books

²¹ Hemenimo lapaka netesiya vayaʼmogitapamo henagaʼamo lusi kava hutapa neʼyaʼmo neta lapamu hugayaʼmofeʼmo Goti aulena vayaʼamo maiʼnae. Hemenimo aviʼyaʼmo nehaya vayaʼmogitapamo henagaʼamo kigi hugayaʼmofeʼmo Goti aulena vayaʼamo maiʼnae.

Luki 6:21 ပူးပေါင်းရင်းမြစ်များ

Aepa Gemae 17:17

Emalehamuʼa augosalegatiʼmo asagauno aino ati kaeno maiʼneno kigi nehunoʼaeʼmo aipafiʼmo agesa afinoʼaeʼmo, vani hataletiʼa kafugamo maiʼnisiya vekamoʼmo mafaʼnemo afaʼa alino ategaifiye. Selaʼeʼmo naetiʼa kafugamo maiʼniyana mafaʼnemo afaʼa alino ategaifiye, huno huteno.

Aepa Gemae 21:6

Selaʼa hunoʼaeʼmo, Gotiʼa kigi hisuvafeʼmo alino he tino nateʼnigeʼapaeʼmo muki vayaʼmogi ani gemo afiteʼapaeʼmo nagaeʼeʼmo magokepi kigi hugae.

Samu 107:9

Agaemo hapauʼnigeʼa hapaʼye nehiya vayaʼmo alino falu huno apatege apaka neteya vayaʼmo alagepa yaʼmo apamige nehiyaʼmofeʼmae.

Samu 119:136

Vayaʼmogimo keʼaepa gekamo akame nosayaʼmofeʼmo lusi kava huno naunumo uno nelamiye.

Samu 143:6

Nagaemo kagaefeʼmo nayaʼmo aliʼna asaga nehuve. Hau huʼniya mopamoʼmo koʼmo aisiyafeʼmo hauʼniya kava huno nagupi mafaʼnemoʼmo kagaefeʼmo lusi kava huno alagi hauʼniye.

Samu 17:15

Kagemi yaʼapimo neʼaliyaʼmonanafa nagaemo fatago kavakamo aliʼnovanageʼna kaugosafiʼmo kagegauve. Nagaemo naupatiʼmo he tiʼna kagaekana huʼna maiʼneʼnaeʼmo magoʼe huno mago kavafeʼmo nahaʼye osugiye.

Samu 28:7

Ala kava neʼmoʼa lokiyaʼnimo maiʼnenoʼaeʼmo halegukana huno aino nati kaeʼnigeʼna alagepa huʼna maiʼnove. Naipamoʼmo agaefeʼmo alino amufa amiʼnigeno naha maeʼniye. Naha maeʼniyaʼmofeʼmo naipafiʼmo namogaga neʼauvanageʼna yokemo huʼnaeʼmo ala agiʼamo amiguve.

Samu 65:4

Lekana paika apateʼnana vayaʼmo aulena vayaʼmo maiʼnae. Kagaemo apakaemo kagaetegamo eʼa mono nokafiʼmo maisayafeʼmo apavalelika neʼane. Nokafiʼmo maiʼnetaeʼmo laipamoʼmo alagi kanale hugiye. Lagaemo aote mono nokafiʼmo maisunagekaeʼmo alika auleka lategane.

Aiyeya 25:6

Muki vayaʼaiteʼmo yagaino neʼapateya Ala kava neʼmoʼa muki vayaʼmogi ani aveleʼmo nesaya neʼyaʼmo hogote neʼyanagi hogote nofi alagafati aninagi alagepa ameʼagi huno yagita huʼniye.

Aiyeya 66:10

Yulusalemu taonieʼmo lahapauʼniya vayane, huʼna, agaeʼeʼmo magokepiʼmo lapamogaga aiyo. Agaefeʼmo yulagefa neʼaiya vayane, huʼna, agaeʼeʼmo magokepiʼmo lapamogaga aiyo.

Matiyu 5:4

Gotiʼa yulagefa neʼaiya vayaʼai apaipamo alino falu huno apategaiyaʼmofeʼmo Goti aulena vayaʼamo maiʼnae.

Matiyu 5:6

Goti fatago kavaʼaeʼmo apaka neteya vayaʼmo apamisigeʼa neʼa apamu hugayaʼmofeʼmo Goti aulena vayaʼamo maiʼnae.

Luki 1:53

Apaka neteya vayaʼmo alagepa yaʼmo lusi kava huno neʼapamigeʼa neʼa apamu nehae. Neʼapamiyaʼmonanafa kagemi yaʼapimo haneʼniya vayaʼmo oʼapamino hapa faino apatalegeʼa afaʼa neʼvae.

Luki 6:20

Yesuʼa alino maku huno apakeyana geʼamo neʼafiya vayaʼmo maiʼnageno apaketenoʼaeʼmo, kagemi yatapimo ohaneʼnisaya vayaʼmogitapamo Gotiʼa yagaino neʼapateya kegiʼyafiʼmo uta haitapa maiʼnageno muki yaʼamo lapakaitapi yaʼmo haneʼniyaʼmofeʼmo Goti aulena vayaʼamo maiʼnae.

Luki 6:22

Vemo mafaʼnemo akame nehayaʼmofeʼmo vayaʼmogi lapakaefeʼmo apaini huge aliʼa lapafaiʼa lapatalege huʼa faipa huʼa lapateteʼapaeʼmo lapakitapileʼmo aliʼa afepi lapatege hugayaʼmofeʼmo Goti aulena vayaʼamo maiʼnae.

Luki 6:25

Neʼyaʼmo ago neta lapamu nehaya vayane, huʼna, vaehae, henagaʼamo lapaka tegae. Kigi nehaya vayane, huʼna, vaehae, henagaʼamo yulagefa aita aviʼyaʼmo hugae.

Yoni 11:35

Yesuʼa aviʼyaʼmo huʼniye.

Yoni 4:10

Ha paiʼnigenoʼaeʼmo, kagaemo Gotiʼa fiku hapa maeno neʼapamiya yaʼmo ageteka aniʼmo he fika namiyo, huno ge huʼniya vekamo ageka aeto huʼnanesinana agaefeʼmo namiyo, huka afi gesanageno kanage kanage huno haineno uno nelamiya aniʼmo kamiʼniyesine, huno ha paiʼnigenoʼaeʼmo

Yoni 6:35

nagaemo afaʼa maisaya yaʼmo neʼapamiya peleti mayagana huʼna maiʼnove. Nagaetegamo esaya vayaʼmo apaka otegaiye. Nagaefeʼmo apakesamo afiʼa fatago nehisaya vayaʼmo anifeʼmo alagi ohapaugiye.

1 Kolitiyani 4:11

Laga tege anifeʼmo lahauge hosu kukenamo vaige huta maime maime eta hemeniʼeʼmo ani kava huta neʼmaune. Lamagige lamagige huʼa neʼmaigenoʼaeʼmo notimo ohaneʼnigeta nata vayaʼmo maiʼnone.

2 Kolitiyani 11:27

Lusi aliʼyaʼmo alige alaga nahaege asole afinaʼmo nau okalege naga tege anifeʼmo nahauge asole afinaʼmo neʼyaʼmo oʼnege yasimo nahauge kukenaʼnimo ohanege huʼna maiʼnove.

2 Kolitiyani 12:10

Aiguvaʼmofeʼmo Kalaisi agiʼalefeʼmo lokiya noʼvauva kavanagi huʼa faipa huʼa neʼnataya gegi kafu nehuva kavanagi apaini huʼa neʼnataya kavanagi hanageke yaʼmo neʼaluva kavatefenagi huʼna lusi kava huʼna namogaga aiguve. Na kavaʼmo higeʼnaene. Lokiya noʼvaiʼnaeʼmo lokiya vaiʼna maiʼnovaʼmofeʼmae.

2 Kolitiyani 6:10

Laipamoʼmo kana nehiyaʼmonanafa muki afinaʼmo lamogaga neʼaune. Kagemi yatimo ohaneʼniya vayaʼmo maiʼnonaʼmonanafa alopa kagemi yaʼmo apamiʼnonageʼapaeʼmo alopa kagemi yaʼapimo haneʼniya vayaʼmo nehamalae. Ma mopafi yaʼmo oʼaliʼnonaʼmonanafa muki yaʼamo aliʼnone.

Yemisi 1:12

Hanageke kavaʼmoʼa apamalageka nehisigeʼapaeʼmo oʼataleʼa atafauʼa alagi huʼa maiʼnisaya vayaʼmo aulena vayaʼmo maiʼnae. Na kava hinageʼapaene. Apamalageka nehisigeʼapaeʼmo oʼataleʼa atafauʼa alagi huʼa maiʼnisagenoʼaeʼmo Ala kava neʼmoʼa hunoʼaeʼmo, nagaefeʼmo hapauʼniyaʼmofeʼmo alagepa huʼa maige maige huʼa maisaya yaʼmo apamiguve, huno huʼniya yaʼmo aligae.

Leveleseni 21:3

Yagaino neʼapateya vekamo siyaʼaletiʼmo alopa gefatiʼmo ge hunoʼaeʼmo, Ageyo, huno, Gotiʼa hemenimo ma mopafi vayaʼeʼmo magokepi lokaeno maigiye. Agaemo apakaeʼeʼmo magokepi lokaeno maisigeʼapaeʼmo vayaʼamo maigae. Gotiʼa agaiʼamo apakaeʼeʼmo magokepi lokaeno maiʼneno Gotiʼapimoʼmo maigiye.

Leveleseni 7:16

Halate apaka otege anifeʼmo ohapauge hugiye. Yegemoʼmo leno pasaga olisigeno atamoʼmo amuko ohapaugiye.