Luki 6:13 - The Keyagana NT and 25 OT books

¹³ gotiʼnigeno geʼamo neʼafiya vayaʼaifeʼmo ge huʼnigeʼa eʼnageno apakaepatiʼmo tuolofuʼa vayaʼmo lekana paino apateteno apakiʼapimo apa vayane, huno apateʼniye.

Luki 6:13 ပူးပေါင်းရင်းမြစ်များ

Matiyu 10:2

Ani tuolofuʼa apa vayaʼai apakiʼapimo haneʼniye. Hogote vekamo Saimoniʼmo mago alu agiʼamo Pitaʼagi aganaʼamoʼmo Eʼnaluʼagi Sepeti mafaʼnelaʼmo Yemisiʼagi aganaʼamoʼmo Yoniʼagi

Matiyu 19:28

Yesuʼa hunoʼaeʼmo, alagi lama gemo lapa nepauve, huno, saufa mopaʼe kokuʼnaʼeʼmo afole aisigenoʼaeʼmo Vemo mafaʼnemoʼmo ha le konali yaʼamo aliteno yagaino neʼapateya siyaʼaleʼmo fai maiʼnisigetapaeʼmo nakame nehaya vayaʼmogitapamo yagaita apatesaya siyamo tuolofuʼa siyateʼmo fai maiʼnetapaeʼmo tuolofuʼa Isaleli nofi vayaʼaiteʼmo yagaita apategae.

Matiyu 9:36

Agaemo asole vayaʼmo apaketenoʼaeʼmo aipafiʼmo hau huno apateʼniye. Sipisipileʼmo yagaino neʼapateya vekamo ago apataleno uʼnigeʼa sipisipi afumo atagu faeʼa uʼeʼa huʼa maiʼnayana hapa maesiya vekamo oʼmaiʼnigeʼa maiʼnaya kava huʼa asole vayaʼmo maiʼnageno apaketenoʼaeʼmo hau huno apateʼniye.

Maki 6:30

Kiʼa atetageʼapaeʼmo apa vayaʼmo alino apateʼnigeʼa uʼnayategatiʼmo aiʼa atagi neʼa Yesutega eʼa aliʼa anupa huʼa maiʼneʼapaeʼmo ina kavaʼmo huʼnone ina gemo alita apaya maleʼnone, huʼa ha paiʼnae.

Maki 6:7

Yesuʼa tuolofuʼa vayaʼaifeʼmo, eyo, huno huʼnigeʼa agaetegamo eʼnageno lole vekalaʼmo alino lokaeno anatete anatete huteno alino apatesigeʼa uʼa hosu apaune vayaʼmo aliʼa hapafaiʼa apatalesayafeʼmo himamuʼamo apamiʼniye.

Luki 11:49

Ani kavafeʼmo Gotiʼa alagepa huno agesamo afiteno ageʼniya vekamoʼmo hunoʼaeʼmo, nagaemo geʼnimo aliniʼuʼa aeʼa hakalo huʼa hapa nepaiya vayaʼe apa vayaʼeʼmo aliʼna apatesugeʼa uʼa maiʼnisageʼapaeʼmo kamitimo apamagige apaini huʼa apatege hugae, huno huʼniye.

Luki 22:30

Yagaiʼna apatesuva koteʼmo hiʼyalamuʼnileʼmo siyateʼmo fai maiʼnetapa neʼyaʼmo nege aniʼmo nege huta maiʼnetapaeʼmo Isaleli vayaʼmo tuolofuʼa nofi vayaʼaiteʼmo yagaiʼa neʼapataya vayaʼai siyateʼmo fai maiʼnetapa yagaita apatesayafeʼmo lekana paiʼna lapateʼnove, huno hapa paiteno

Luki 6:14

Ani vayaʼmogi apakiʼapimo Saimonifeʼmo Yesuʼa saufa agiʼamo Pitaʼae, huno ateʼniya vekagi aganaʼamoʼmo Eʼnaluʼagi Yemisiʼagi Yoniʼagi Filipiʼagi Matalomiyuʼagi

Yoni 4:33

Apakaiʼapi apakaiʼapimo ge huge afige huʼapaeʼmo, mago vekamoʼmo neʼyaʼmo ago alinineno amiʼnigeno neʼnifi, huʼa huʼnae.

Apa 1:13

Uʼa avaʼyi huteʼapaeʼmo nehavaya nopiʼmo anagamo aeno hanagi maleʼniya nopilagamo uʼa haiʼa maiʼnae. Ani nopiʼmo maiʼnaya vayaʼai apakiʼapimo Pitaʼagi, Yoniʼagi, Yemisiʼagi, Eʼnaluʼagi, Filipiʼagi, Tomasiʼagi, Matolomiyuʼagi, Matiyuʼagi, Alifiyasi mafaʼnemo Yemisiʼagi, Yu vayaʼmo apakaiʼapileʼmo yagaisayafeʼmo hauʼniya vekamo Saimoniʼagi, Yemisi mafaʼnemo Yutasiʼagi huʼa maiʼnae.

Efasasi 2:20

Apa vayaʼmo Gotitegati gemo alini eʼa aeʼa hakalo huʼa hapa nepaiya vayaʼmogimo Gotiʼa noʼmo faino neʼateya yafakana huʼa maiʼnae. Gotiʼa ani yafateʼmo no kigekana huno alino lapateʼniye. Yesu Kalaisiʼa hogote yafaʼmo aluga aluga atupaleʼmo noʼmo faiʼa neʼataya yafakana huno maiʼniye.

Efasasi 4:11

Agaemo vayaʼaina fikumo hapa maeno apamiʼniya gemo aepaʼamo haneʼniyana mago vayaʼamo apa vayaʼmo maisayafeʼmo lekana paino apatege mago vayaʼamo Gotitegati gemo alini eʼa aeʼa hakalo huʼa hapa paisaya vayaʼmo lekana paino apatege mago vayaʼamo agaiʼaeʼmo alagepa faigoko geʼamo aeʼa hakalo huʼa hapa paisaya vayaʼmo lekana paino apatege mago vayaʼamo sipisipi vayaʼaiteʼmo yagaiʼa apateʼneʼa aliʼa apaya malesaya vayaʼmo lekana paino apatege huʼniye.

Himulu 3:1

Gotiʼa lapakaefeʼmo kokuʼnapiʼmo uta haitapa magokepi lokaeta maisayafeʼmo keya aeno ge huʼniya lapaote konagaʼnimogitapae, huʼna, Yesufekeʼmo lapakesamo afifi hutapa maiyo. Lagaemo lagesamo afita fatago hutaeʼmo, Goti apa vekaʼamo maiʼneno hogote mono vekamo mono huno nelateya vekamo maiʼniye, huta aeta hakalo nehune.

2 Pita 3:2

Lapakaemo akeyaʼvilaga apaote vayaʼmogi Gotitegati gemo alini eʼa aeʼa hakalo huʼa hapa nepaiya vayaʼmogi huʼnaya geʼe Ala kava neʼmo lagufamo alino katino nelateya vekamoʼmo apa vayaʼamogitaʼeʼmo hutaeʼmo, ani kavaʼmo hiyo, huta huʼnona getiʼeʼmo halate magoʼe hutapa lapakesamo afisayafeʼmo mani gemo avoʼmo nekaove.

Leveleseni 12:1

Magoʼe huno lusi kava huno noʼagaya aune kavaʼmo kokuʼnate afole aiʼniyana mago a kanomo agufaleʼmo yegegana agufa kukena vailiʼnigeno aiyafiʼmo kaimo haneʼnigeno kakolitaʼamo aeʼa apakaseʼnaya vayaʼmogi aliʼa neʼmalaya agufa kakolitamo tuolofuʼa kanefiʼmoʼa faino ku aino ateʼnigeno kanefi kakolitamo agenopaleʼmo haneʼniye.

Leveleseni 18:20

Kokuʼnapi vayanagi lapamogaga aitapa ateyo. Lapaote vayanagi apa vayanagi Gotitegati gemo alinita etapa aeta hakalo hutapa hapa nepaiya vayanagi hutapa lapamogaga aiyo. Lapakaetegamo hosu kavaʼmo huʼnigeno Gotiʼa kavaʼamo alino fako huno ateteno kayoʼmo amiʼniye, huno hapa paiʼniye.

Leveleseni 21:14

Yafa kegiʼyamo faino ateʼniya yafaʼmo tuolofuʼa yafaʼmo haneʼnigeno ani yafateʼmo sipisipi vekamo tuolofuʼa apa vayaʼamogi apakiʼapimo avoʼmo kae maleʼniye.