Luki 6:12 - The Keyagana NT and 25 OT books

¹² Mago afinaʼmo Yesuʼa nunumuʼmo hisiyafeʼmo avefiʼmo uno haino ani haniʼilagamo Gotifeʼmo nunumuʼmo huge huge nehigeno

Luki 6:12 ပူးပေါင်းရင်းမြစ်များ

Samu 22:2

O Gotiʼnimogae, huʼna, felugamo keya aeʼna ge huʼnogekaeʼmo geʼnimo oʼafiʼnane. Haniʼilagaʼeʼmo keya aeʼna ge huʼnogekaeʼmo naha oʼmaeʼnanageʼna maiʼna haga nolove.

Aiyeya 26:9

Haniʼilagamo nagupi mafaʼnemoʼmo kagaefeʼmo lusi kava huno hauʼniye. He, gotilamiyapiʼmo kagesuvafeʼmo kahauya huʼna kagegauve. Kagaemo alika fako huka apatesanageʼapaeʼmo ma mopafi vayaʼmogi fatago kavafeʼmo afiteʼa agegae.

Neniyo 6:10

Mago vayaʼmogi Neniyofeʼmo ha paiʼapaeʼmo, kini vekamoʼmo ani keʼaepa gemo apepaleʼmo agaiʼa agimo ago avoʼmo kaeʼniye, huʼa huʼnageno afitenoʼaeʼmo noʼalegamo uʼniye. Agaemo anagamo aeno hanagi maleʼniya yapilagamo uno haino Yulusalemu taonifiʼmo aulu heno neʼageya yasi kaʼmo haopaleʼmo aleʼyamo faiʼneno hogoteno nehiya agufa kavaʼmo huno ani afinaʼmo loleʼe magoʼe kanaleʼmo nunumuʼmo huʼniye.

Matiyu 5:1

Asole vayaʼmo ete ete huʼnageno Yesuʼa apaketenoʼaeʼmo avefiʼmo uno haino itopale maiʼnigeʼapaeʼmo geʼamo neʼafiya vayaʼmo agaetegamo eʼa aliʼa anupa huʼa maiʼnagenoʼaeʼmo

Matiyu 6:6

Nehayaʼmonanafa Afotapimofeʼmo nunumuʼmo hugefeʼmo notapifiʼmo uta haitapa kitamo ki maleʼneta fala kino neʼmaiya vekaekeʼmo nunumuʼmo hiyo. Afotapimoʼmo fala kita nehaya kavatapimo neʼageya vekamoʼa muki vayaʼai apaulagaleʼmo miyatapimo lapamigiye.

Maki 1:35

Egamo gotigefeʼmo huʼnigenoʼaeʼmo Yesuʼa he tino taonifatiʼmo atalenuno vaya oʼmaiʼnaya haopalegamo nunumuʼmo huʼniye.

Maki 3:13

Yesuʼa aise avefiʼmo uno haino maiʼnenoʼaeʼmo hauʼniya vayaʼaifeʼmo ge huʼnigeʼa agaetegamo eʼnae.

Maki 6:46

Utageno Yesuʼa nunumuʼmo hugefeʼmo avefiʼmo uno haiʼniye.

Luki 5:16

Maiʼnayaʼmonanafa muki afinaʼmo apataleno uno kaʼme kotegamo nunumuʼmo huge huge huno maiʼniye.

Luki 6:11

Apaipamo lusi kava huno leʼnigeʼapaeʼmo, agaetegamo na agufa kavaʼmo hisune, huʼa huteʼa ge huge afige huʼa maiʼnae.

Luki 6:17

Avefatiʼmo Yesuʼe apakaeʼeʼmo emi eʼa otuleʼmo he tiʼa maiʼnae. Asole vayaʼmo geʼamo neʼafiya vayanagi muki Yutiya haopalegatiʼmo ege Yulusalemu taonifatiʼmo ege ani haigifatiʼmo Taiya taonifatiʼe Saitoni taonifatiʼeʼmo ege huʼnae. Geʼamo afisayafeʼmo ege kaitaʼapimo alino hapageno apatesiyafeʼmo ege huʼa eʼa maiʼnae.

Luki 9:18

Mago afinaʼmo Yesuʼa agaiʼageʼmo nunumuʼmo nehigeʼapaeʼmo geʼamo neʼafiya vayaʼmo magokepi lokaeʼa maiʼnae. Maiʼneʼapaeʼmo Yesuʼa hunoʼaeʼmo, vayaʼmogimo nagaefeʼmo ina laʼnae, huʼa nagiʼnimo neʼae, huno ge huno apafi geʼnigeʼapaeʼmo,

Luki 9:28

Magoke salemo utegeno Pitaʼagi Yoniʼagi Yemisiʼagi huno apavalelino nunumuʼmo hisiyafeʼmo mago avefiʼmo uno haiʼniye.

Luki 9:29

Nunumuʼmo nehigenoʼaeʼmo aeto agufa augosamo alino ha maleʼnigeno kukenaʼalegatiʼmo alave alaveʼageʼmo huteno yaveyaveʼagekeʼmo huʼniye.

Yoni 6:3

Yesuʼe geʼamo neʼafiya vayaʼeʼmo mago aise avefiʼmo uʼa haiʼa maiʼnae.

Kolosi 4:2

Nunumuʼmo nehutapaeʼmo oʼataleta alagepa huta kava yagaiʼnetapa Gotifekeʼmo hao ke hetapa nunumuʼmo huge huge hutapa maiyo.

Himulu 5:7

Kalaisiʼa ma mopafiʼmo maiʼnenoʼaeʼmo falisiya kavategatiʼmo agufamo alino katino atesiya Gotifekeʼmo alopa gefatiʼmo keya aeno ge huge haoke huge aviʼyaʼmo huge huno nunumuʼmo huʼniye. Gotifeʼmo koli huʼneno mono huʼniyaʼmofeʼmo Gotiʼa geʼamo afiʼniye.

1 Samiyo 15:11

Afiyo, huno, Soloʼmo magoʼe huno nakame osuʼnifa nataleno atagi neno uʼniye. Agaemo huvo, huʼna ha paiʼnova gemo osuʼnifa geʼnimo amagino ataleʼniyaʼmofeʼmo kini vekamo aliʼna hamaleʼna ateʼnova kavafeʼmo lusi kava huʼna nahau huve, huno ha paiʼniye. Samiyoʼmo ani gemo afitenoʼaeʼmo aipamo kana huʼnigeno muki ani haniʼilagamo nunumuʼmo hume hume uʼniye.