Luki 5:12 - The Keyagana NT and 25 OT books

¹² Yesuʼa mago taonifiʼmo maiʼnigenoʼaeʼmo mago vekamo lusi kava huno lepolosi yaʼmo hauʼniya vekamoʼmo eno Yesuʼmo agetenoʼaeʼmo augosalegatiʼmo agoʼya faiʼnenoʼaeʼmo, Ala kava nene, huno, kahao ke hovanagi, kahauʼnisiyana afaʼa alika nahageka nategane, huno ha paiʼnigeno

Luki 5:12 ပူးပေါင်းရင်းမြစ်များ

Aepa Gemae 18:14

Mago kavaʼmo Ala kava neʼmoʼa afaʼa osisiya agufa kavaʼmo haneʼnifiye. Lekana paiʼna ateʼnova afinaʼmo mani hemeni agufa afinaʼmo kagaetega halate esugenoʼaeʼmo Selaʼa ve mafaʼnemo alino ategaiye, huno ha paiʼniye.

1 Kini 18:39

Muki vayaʼmogimo ani kavaʼmo ago ageteʼapaeʼmo apaugosalegatiʼmo asagauʼa aiteʼa ina ge huʼa huʼnae. Ala kava nekeʼmo Gotiʼae. Ala kava nekeʼmo Gotiʼae, huʼa huʼnae.

2 Kini 5:1

Mago vekamo agiʼamo Nemaniʼmo Siliya vayaʼmogi kini vekamo ami vayaʼaleʼmo yagaino apateʼniye. Ala kava neʼmoʼa Nemanitetiʼmo hapa maeʼnigeʼa Siliya vayaʼmogi kame vayaʼapiʼeʼmo kamemo huteno huno aeno apaka seʼniyaʼmofeʼmo Siliya kini vekamo aulagaleʼmo Nemaniʼmo hogote vekamo ala agi vekamo maiʼniye. Nemaniʼmo koli nosiya lokiya vekamo maiʼniyaʼmonanafa agaemo lepolosi kaitaʼmo hauʼniye.

2 Kini 5:27

Ohaneʼniyaʼmofeʼmo Nemaniteʼmo haneʼniya agufa lepolosi kaitaʼmo kagaeteʼe kaginago vayaʼaiteʼeʼmo muki afinaʼmo haneme haneme ugiye, huno ha paiʼnigeno Geheyiʼmo lepolosi kaitaʼmo hauʼnigeno agufamo alagi alino yaveyaveʼage agufamo hamaleʼnigeno Ilaisategatiʼmo ataleno uʼniye.

2 Kini 7:3

Ani afinaʼmo Sameliya taonimo malagamo loleʼe loleʼe vayaʼmo lepolosi kaitaʼmo hapauʼniya vayaʼmogimo apakaiʼapimo huʼapaeʼmo, Lagaemo na agufa kavaʼmo higetaeʼmo afaʼa maiʼneta falisuna afinafeʼmo agava maiʼnone.

Samu 50:15

Hanageke yaʼmo alisaya afinaʼmo nagaefekeʼmo ge higeʼnao alagepa huʼna lapa maesugetapa ala nagiʼnimo namigae.

Samu 91:15

Nagaefeʼmo keya aeno ge hisigeʼnaeʼmo afiguve. Hanageke yaʼmo neʼalisigeʼnaeʼmo agaeʼeʼmo magokepi lokaeʼna maiguve. Agufamo aliʼna katiʼna ateteʼna ala agiʼamo amiguve.

Hatu maeno apate'niya gemae 4:6

Ala kava neʼmoʼa magoʼe gemo huno ha painoʼaeʼmo, Kagaemo kayaʼmo sioti kukafiʼmo vaiyo, huno huʼnigeno ayaʼmo sioti kupiʼmo vaiteno he fino ageʼniyana ayaʼmo lepolosi yaʼmo hauteno yaveyaveʼageʼmo huʼnigeno ageʼniye.

Matiyu 26:6

Yesuʼa Metani taonifiʼmo mago vekamo Saimoniʼa lepolosi kaitaʼmo hauʼniya vekamo nopiʼmo uno haino maiʼniye.

Matiyu 9:28

Yesuʼa nopiʼmo uno haino maiʼnigeʼana eʼana maiʼnaʼageno hana painoʼaeʼmo nagaemo lanaulagamo afaʼa aliʼna ayakegauve, hutana lanakesamo afitana fatago nehaʼafiye, huno ge huno anafi geʼnigeʼanaeʼmo, He, Ala kava nene, huʼana huʼnaʼagenoʼaeʼmo

Luki 17:16

Yesu aiyafiʼmo agoʼya faiteno hao ke heʼniye. Ani vekamo Sameliya kotega vekamae.

Luki 5:13

ayaʼmo aeno hayo huno agufaleʼmo ayaʼmo maleʼnenoʼaeʼmo, nahauʼniyanagi kagufalafaʼmo alino hamaleno, huno ha nepaigenoʼaeʼmo lepolosi yaʼmo hauʼniya yaʼamo hageʼniye.

Himulu 7:25

Agaemo muki afinaʼmo nunumuʼmo huno apatesiyafeʼmo alagi maige maige huno neʼmaiyaʼmofeʼmo agaiʼaletiʼmo Gotitegamo neʼaya vayaʼai apakufamo alagi alino katino apateteno apakaetefeʼmo aliʼyaʼamo afaʼa alino hano huno hugiye.

Yasuva 5:14

agaemo, Haʼao, huno, nagaemo Ala kava neʼmo asole ami vayaʼaleʼmo hogote vekamo yagaiʼna neʼapatova vekamo eʼnove, huno huʼnigeno Yasuvaʼa augosalegatiʼmo mopafiʼmo asagauno aiteno mono huʼniye. Mono hutenoʼaeʼmo, Ala kava neʼnimogae, huno, aliʼyakaleʼmo maiʼnova vekaeʼmo na agufa ge huka naha paigane, huno ge huno afi geʼniye.