Luki 5:1 - The Keyagana NT and 25 OT books

¹ Yesuʼa mago afinaʼmo ani kotuʼmo agiʼamo Genesaleti ani kotuteʼmo he tino maiʼnigeʼapaeʼmo asole vayaʼmogimo Goti geʼamo afisayafeʼmo eʼa maleʼa apaliʼnae.

Luki 5:1 ပူးပေါင်းရင်းမြစ်များ

Matiyu 11:12

Yoniʼa aeno hakalo huno hapa paiʼniya afinatetiʼmo afela heʼnaya vayakana huʼa apaya mukiki nehaya vayaʼmogi Gotiʼa yagaino neʼapateya koteʼmo apaya mukiki huʼa uʼa haite haite huʼa hemeniʼeʼmo uʼa nehaiye.

Matiyu 14:34

Magokepi lokaeʼa Genesaleti haopalega uʼa avaʼyi huʼnageʼa

Maki 3:9

Asole vayaʼmo hogoteno ago alino hapageno apateʼniyaʼmofeʼmo kaita hapauʼniya vayaʼmo eʼa agufaleʼmo ame alisayafeʼmo eʼa faiʼa kili paeteʼa maleʼa apaliʼnae. Maleʼa apaliʼnayaʼmofeʼmo geʼamo neʼafiya vayaʼaifeʼmo hunoʼaeʼmo, maleʼa oʼnapalisayafeʼmo mago aise sipimo alita alo huta nateyo, huno hapa paiʼniye.

Maki 4:1

Halate Yesuʼa Galeliya kotega ani kotu agiʼnaleʼmo aepa faino alino apaya maleʼniye. Asole vayaʼmo agaetegamo eʼa aliʼa anupa huʼa maiʼnagenoʼaeʼmo sipifiʼmo uno haino fai maiʼniye. Sipimo anipiʼmo haneʼnigeʼa ani agiʼnaleʼmo maiʼnae.

Maki 5:24

Yesuʼa agaeʼeʼmo uʼniye. Neʼvigeʼapaeʼmo faiʼa ku aili ku aili huʼa maleʼa apaliniʼa uʼnae.

Maki 6:53

Aniʼmo lakaeʼuʼa Genesaleti kotegamo avaʼyi huteʼapaeʼmo sipimo nofi aeʼa ateʼnae.

Luki 12:1

Muki asole vayaʼmo eʼa aliʼa anupa huʼa faiʼa kili paeʼa maiʼnagenoʼaeʼmo Yesuʼa geʼamo neʼafiya vayaʼaifeʼmo hunoʼaeʼmo, Falasi vayaʼai peleti mayafiʼmo aeno apafu neleya yafeʼmo aeʼa ati nekaya kavafeʼmo ehetapiye.

Luki 5:2

Agaemo ageyana lole sipilaʼmo ani agiʼnaleʼmo haneʼnigeno ageʼniye. Noyame neʼaliya vayaʼmo sipifatiʼmo ataleʼa uʼa lamiʼa umeniʼapimo sese huʼnae.

Luki 8:22

Mago afinaʼmo Yesuʼe geʼamo neʼafiya vayaʼeʼmo sipifiʼmo uʼa haiʼa maiʼneʼapaeʼmo, ani kotuʼmo mugagayaga faligamo lakaeta ugune, huno hapa paiʼnigeʼapaeʼmo ani kotu agiʼnaletiʼmo ataleʼa uʼnae.

Luki 8:23

Neʼuʼapaeʼmo Yesuʼa au kaleno maiʼniye. Ani kotuteʼmo lusi kava huno yasimo aliʼnigeno aniʼmo aino holakau holakau huno sipifiʼmo haino havaiteme havaiteme uʼnigeʼapaeʼmo aeʼa lapanesayafeʼmo huʼnae.

Luki 8:33

Hosu apaune vayaʼmo ani vekamo aipafatiʼmo atale uʼa lamiʼa afu anagaʼmogi apaipafiʼmo faleʼa uʼa haiʼnageʼapaeʼmo afu anagaʼmo mulifatiʼmo nagu nagu huʼa uʼa lamiʼa anipiʼmo asagauʼa aiteʼa aniʼmo neteʼa faliʼnae.

Luki 8:45

Yesuʼa hunoʼaeʼmo, ina laʼmo eno name aliʼniye, huno ge huno apafi geʼnigeʼapaeʼmo muki vayaʼmogimo huʼapaeʼmo, lagaemo kame oʼaliʼnone, huʼa ha paiʼnae. Pitaʼeʼmo magokepi maiʼnaya vayaʼmogimo huʼapaeʼmo, Tisao, huʼa, muki vayaʼmogimo maleʼa kapaligekaeʼmo ina laʼmo name aliʼniye, huka nehane, huʼa ha paiʼnagenoʼaeʼmo

Yoni 1:40

Yoniʼa huʼniya gemo afiteʼana Yesuʼmo akame huʼana uʼnaʼa vekalapatiʼmo mago vekamo agiʼamo Eʼnaluʼa Saimoni Pita aganaʼamoʼmae.

Yoni 6:1

Henagaʼamo Yesuʼa ani kotuʼmo agiʼamo Galeliya ani kotuʼmo lakaeno mugagayaga faligamo uʼniye. Ani ani kotuʼmo alu agiʼamo Taipiliyasi ani kotune.

Himulu 13:7

Yagaiʼa lapateʼneʼa Goti geʼamo lapa paiʼnaya vayaʼaifeʼmo lapakesamo afiyo. Alagepa kavaʼmo huteʼa uʼa atupaleʼmo avaʼyi huʼnae, hutapa lapakesamo afifi nehutapaeʼmo apakesamo afiʼa fatago huʼnaya kavaʼmo apakame hutapa hiyo.

Yasuva 12:3

Saihoniʼmo yagaiʼniya mopaʼeʼmo haneʼniyana Yoneni kagoʼmu kotegatiʼmo hakuʼmo aepa faiteno hanelino Galeliya ani kotutegamo hoga haopalega uno Meti Yesimoti taonilega neʼvaya katetiʼmo hanelino Pisaga avemo aiyafiʼmo uʼniye.

Yasuva 13:27

Yoneni aniʼmo kagoʼmu koʼmo aliteʼa Meti Helami taonigi Meti Nimila taonigi Sukoti taonigi Yafoni taonigi kini vekamo Saihoniʼmo yagaiʼniya mopafatiʼmo Lumeni nofi vayaʼmo oʼaliʼnaya mopamo mago atupa mopaʼagi huʼa aliʼnae. Mago hakuʼmo Yoneni anitega mopamo yegemo haine neʼeya haopalegamo haneʼnigeno alagi lamaga kotetiʼmo hanelino Galeliya ani kotuteʼmo uʼniye.