Luki 4:7 - The Keyagana NT and 25 OT books

⁷ Inagi nagaefeʼmo mono hisanaʼmoʼmo muki yaʼamo kagaika yaʼmo hanegaiye, huno ha paiʼniye.

Luki 4:7 ပူးပေါင်းရင်းမြစ်များ

Samu 72:11

Muki kini vayaʼamogimo agaeteʼmo ape huʼa maisageʼapaeʼmo muki alu nofi vaya alu nofi vayaʼmogimo geʼamo afiteʼa akame hugae.

Aiyeya 45:14

Ala kava neʼmoʼa ina gemo hunoʼaeʼmo, Isipi vayaʼmogi aliʼyaʼapilefeʼmo moniʼapimo alige Kusi vayaʼmogi kagemi yaʼapimo alige hutapa maisageʼa Sepiyani kotega yatala vayaʼmogimo aliʼyatapimo aligae. Apakaemo seliletiʼmo kiʼa apatesageʼa lapakame huʼa eʼa apaleʼyamo faiʼneʼapaeʼmo, Lama gemo hutaeʼmo, Gotiʼa lapakaepiʼmo maiʼniye. Agaemo magokeʼageʼmo alagi Gotiʼa maiʼnigeno magoʼe huno alu gotiʼmo oʼmaiʼniye, huʼa nunumuʼmo hugae.

Matiyu 2:11

Apakaemo nopiʼmo uʼa haiʼa anakayana mafaʼneʼaʼe itaʼamoʼmo Maliyaʼeʼmo maiʼnaʼageʼa anaketeʼapaeʼmo apaleʼyamo faiʼneʼa ape huʼa Yesufeʼmo mono huʼnae. Kesiʼapifatiʼmo yakiʼa goli yafanagi lusi moniletiʼmo miya nefaiya yaʼmo atafiʼmo kaeʼnageno alagepa atumo neʼaiya yanagi alagepa atumo neʼaiya uvelimogi huʼa amiʼnae.

Luki 17:16

Yesu aiyafiʼmo agoʼya faiteno hao ke heʼniye. Ani vekamo Sameliya kotega vekamae.

Luki 4:6

Inagi Sataniʼmo hunoʼaeʼmo, muki ageʼnana yaʼamo namiʼnigeʼna aliteʼna yagaiʼnovanageʼna mago vekamo amiguve huʼna huʼnisuvana afaʼa amiguve. Muki kotegamo yagaisanafeʼmo muki konali yaʼapimo kamisugeka aligane.

Luki 4:8

Yesuʼa hunoʼaeʼmo, Sataniyo, huno, nakamelegamo ekuka maiyo. Goti mukufi gemoʼmo hunoʼaeʼmo, Ala kava neʼmo Gotitapimofekeʼmo mono huteta agaiʼa magokeʼageʼmo akame hiyo, huno huʼniye, huno ha paiʼniye.

Luki 8:28

Agaemo Yesuʼa agetenoʼaeʼmo, ai, aeteno Yesu aiyafiʼmo eno agoʼya faiʼneno alopa gefatiʼmo ge hunoʼaeʼmo, Yesuo, huno, Hogote Anaga vekamo mafaʼneʼamogae, huno, nagaetegamo na agufa kavaʼmo huka natesanafeʼmo neʼane. Nagafu kisiya agufa kavaʼmo nagaetegamo osisanafeʼmo kahao ke nehove, huno ha paiʼniye.

Leveleseni 22:8

Nagaemo Yoniʼnamo ani gemo afiteʼnaeʼmo ani kavaʼmo ageʼnove. Afige agege huteʼnaeʼmo agaefeʼmo mono hisuvafeʼmo alino nave liʼniya enisole vekamo aiyafiʼmo asagauʼna aiʼnovaʼmonanafa

Leveleseni 4:10

Mono nehageʼapaeʼmo tuveti foʼa vayatama vayaʼmogimo maige maige huno neʼmaiya vekamo yagaino neʼapateya siyateʼmo maiʼniya vekalefeʼmo asagau aiʼneʼapaeʼmo mono nehae. Apakaemo kamemo huʼa aeʼa apakaseteʼa aliʼnaya kakolitamo asagiʼa yagaino neʼapateya vekamo siya aulagamo yaga auʼnae.

Leveleseni 5:8

Aliʼnigeʼapaeʼmo loleʼe loleʼe vayaʼe tuveti foʼa vayatama vayaʼmogiʼeʼmo aikeli sipisipimo aiyafiʼmo asagauʼa aiʼnae. Mukiʼamogimo apamete apamete huʼa alopa gitagana yaʼmo alige alopa goli yuvapa alige huteʼa maiʼnae. Ani yuvapafiʼmo atafiʼmo kaeʼnageno alagepa atumo neʼaiya agufa yaʼmo haneʼniya kava huno apaote vayaʼmogimo nunumuʼmo nehaya gemo haneʼniye.