Luki 4:23 - The Keyagana NT and 25 OT books

²³ Yesuʼa hunoʼaeʼmo, ago afiʼnovana lapakinago vayaʼai gefatiʼmo aeta kalafefa gemo hutapa naha paitapaeʼmo, Lota vekae, hutapa, kagaikamo alika alagepa huka kato. Kapeneyamu taonifiʼmo huʼnana agufa kavaʼmo mani nokaleʼmo huvo, hutapa naha paigae.

Luki 4:23 ပူးပေါင်းရင်းမြစ်များ

Matiyu 13:54

Agaiʼa taonifiʼmo uno apakae mono nopiʼmo uno haino alino apaya maleʼnigeʼa afiʼa hapau aiteʼapaeʼmo, ani vekamoʼmo afiteno ageʼniya kavaʼe noʼagona agufa aune kavaʼmo nehiya himamuʼaʼeʼmo haiyatetiʼmo aliʼniye.

Matiyu 4:13

Agaemo Nasalasa taonifiʼmo uno oʼmaiʼnifa Galeliya kotega ani kotu agiʼnaleʼmo haneʼniya taonimo Sepalani koteʼe Nafatalai koteʼeʼmo haneʼniya taonimo Kapeneyamu taonifiʼmo uno maiʼniye.

Matiyu 4:23

Yesuʼa Galeliya haopalegamo umenitata huno muki Yu vayaʼai mono nopiʼmo alino apaya malege Gotiʼa yagaino apatesiya kavafeʼmo alagepa faigoko gemo aeno hakalo huno hapa paige muki alu kaita alu kaitaʼmo hapauʼniya vayaʼmo alino hapageno apatege muki hosu apakufamo kaliʼniya vayaʼmo alino alagepa huno apatege huno maiʼniye.

Maki 6:1

Yesuʼa ani kotegamo ataleno noʼalegamo uʼnigeʼapaeʼmo geʼamo neʼafiya vayaʼmo akame huʼa uʼnae.

Luki 2:39

Muki keʼaepa gemo kavaʼamo alagi akame huʼana huteʼanaeʼmo koʼanilegamo Galeliya kotega Nasalasa taonifiʼmo uʼnae.

Luki 2:51

Inagi anakaeʼeʼmo magokepi lokaeʼa uʼa lamiʼa Nasalasa taonifiʼmo maiʼneʼapaeʼmo Yesuʼa muki afinaʼmo itaʼafoʼalaʼmogani geʼanimo akame huno maiʼniye. Itaʼamoʼmo muki ani kavaʼmo huʼniya kavafeʼmo agesamo afiteno aipafiʼmo alino maleʼniye.

Luki 4:16

Yesuʼa Nasalasa taonifiʼmo maiʼneno ko siʼniya taonifiʼmo uno Sapati afinaʼmo nehiya agufa kavaʼmo huno mono nopiʼmo uno haino maiʼnenoʼaeʼmo Goti mukufi gemo lekana paisiyafeʼmo he tiʼniye.

Luki 4:31

Yesuʼa Galeliya kotega Kapeneyamu taonifiʼmo uno lamino Sapati afinaʼmo mono nopiʼmo uno haino alino apaya maleʼniye.

Luki 4:35

Yesuʼa ge hautenoʼaeʼmo, ge osuʼneka aipafatiʼmo eka emikeno, huno ha paiʼnigeno hosu aune vekamoʼa vayaʼmo maiʼnaya folagapiʼmo alino agoʼya faino ataleteno ago ataleno uʼniye. Agufamo alino hosu huno oʼateʼnigeno afaʼa maiʼniye.

Luki 6:42

Na kava higetapaeʼmo konagatapieʼmo hutapaeʼmo, konagaʼnimogae, kaulagafatiʼmo afayaʼmo aliʼna atalegauve, huta hapa nepaiyaʼmonanafa alopa latapa yosamo lapaulagafiʼmo haneʼniyana noʼagae. Aeta ati nekaya vayane, huʼna, hogotetapa lapaulagafiʼmo haneʼniya alopa latapa yosamo alita ataleʼnetapa konagatapimogi apaulagafiʼmo haneʼniya afayaʼmo alita atalesayafeʼmo ageta alagepa hutapa agegae.

Yoni 4:28

Eʼa avaʼyi huʼnagenoʼaeʼmo ani a kanomo ani keʼamo ateno atagi nenuno taonifiʼmo maiʼnaya vayaʼaifeʼmo hunoʼaeʼmo,

2 Kolitiyani 5:16

Lagaemo magoʼe huta ma mopafi vayakana huta vayaʼmogi kavaʼapimo alita fako huta noʼapatone. Lagaemo hogoteta Kalaisiʼa ma mopafi vekagana huta ageʼnonaʼmonanafa hemenimo magoʼe huta ma mopafi vekagana huta oʼagegaune.