Luki 3:36 - The Keyagana NT and 25 OT books

³⁶ Kenani afoʼamoʼmo Afakasatiʼae. Afakasati afoʼamoʼmo Semiʼae. Semi afoʼamoʼmo Novaʼae. Nova afoʼamoʼmo Lemekiʼae.

Luki 3:36 ပူးပေါင်းရင်းမြစ်များ

Aepa Gemae 5:3

Atamuʼa vani hataleti tetiʼa kafugamo maiteno ve mafaʼnemo agaiʼagana huno alino atetenoʼaeʼmo agiʼamo Setiʼae huno ateʼniye.

Aepa Gemae 6:22

Noaʼmo Gotiʼa huvo, huʼniya gemo muki gemo alagi akame huʼniye.

Aepa Gemae 7:13

Ani afinakeʼmo koʼmo aepa faino aiʼnigeʼa Noaʼagi aʼagi loleʼe magoʼe ve mafaʼne anagaʼamo Semiʼagi Hamuʼagi Yafetiʼagi aʼne anagaʼapigi huʼa sipifiʼmo uʼa haiʼnae.

Aepa Gemae 7:23

Gotiʼa afaʼa neʼmaiya yaʼamo muki vayanagi yuna afugi yagagafagi namagi huno alino hano huno apataleʼniye. Magoke vekamo Noaʼe afamo anagaʼaʼenagi sipifiʼmo maiʼnaya afugi yagagafagi huʼa afaʼa maiʼnae.

Aepa Gemae 8:1

Gotiʼa Noafenagi muki sipifi lokaeʼa maiʼnaya afugi yagagafaʼefenagi huno agesamo afiʼniye. Gotiʼa yasimo alino ategeno aniteʼmo yasi aliʼnigeno aniʼmo alino laneme laneme uno lamiʼniye.

Aepa Gemae 9:1

Gotiʼa ina kava huno Noaʼagi ve mafaʼne anagaʼagi huno alagepa huʼa maisayafeʼmo alino auleno apatenoʼaeʼmo, asole mafaʼnemo alitapa apatesageʼa ma mopafiʼmo maiʼa kili paeyo.

Aepa Gemae 9:18

Noa mafaʼne anagaʼmo sipifatiʼmo emiʼeʼnaya mafaʼne anagaʼai apakiʼapimo Semiʼagi Hamuʼagi Yafetiʼagi huʼa emiʼeʼnae. Hamuʼa Kenani afoʼamoʼmae.

Luki 17:27

Neʼyaʼmo nege aniʼmo nege aʼmo alige aʼmafaʼnemo lagauliʼa uge hume hume neʼagenoʼaeʼmo Novaʼa sipifiʼmo uno haino maiʼnigenoʼaeʼmo aniʼmo heteno muki vayaʼmo ago aeno apati kaeʼniye.

Luki 3:35

Neho afoʼamoʼmo Selakiʼae. Selaki afoʼamoʼmo Liyuʼae. Liyu afoʼamoʼmo Pelekiʼae. Peleki afoʼamoʼmo Imaʼae. Ima afoʼamoʼmo Silaʼae. Sila afoʼamoʼmo Kenaniʼae.

Luki 3:37

Lemeki afoʼamoʼmo Metusalaʼae. Metusala afoʼamoʼmo Inokiʼae. Inoki afoʼamoʼmo Yeletiʼae. Yeleti afoʼamoʼmo Mahalaliʼae. Mahalali afoʼamoʼmo Kenaniʼae.

Himulu 11:7

Gotiʼa muki vayaʼmogimo oʼageʼnaya kavafeʼmo Noafeʼmo hunoʼaeʼmo, ehekae, huno, hosu vayaʼmo alagi aliʼna hano huʼna apatalegauve, huno ha paiʼnigeno Noaʼa lusi kava huno amoʼyamo aliʼnigeno agesamo afino fatago huʼniyaʼmofeʼmo afamo anagaʼamogi apakufamo alino katino apatesiyafeʼmo mago alopa sipimo alo huʼniye. Ani kavaʼmo huʼniya kavatetiʼmo ma mopafi vayaʼaifeʼmo, lapakaemo hosu kavaʼmo nehayanagetapa faligae, huno alino apave liʼniye. Agaemo Gotitegatiʼmo fatago kavaʼmo apakesamo afiʼa fatago nehageno neʼapamiya agufa fatago kavaʼmo aliʼniye.

1 Pita 3:20

Noaʼa hogoteno alopa sipimo alo nehigenoʼaeʼmo Gotiʼa vase vase huno apakava maime maime eʼniyaʼmonanafa geʼamo oʼafiʼnae. Gotiʼa hapa oʼmaenifa eitiʼa vayaʼatoʼmo anipiʼmo haneʼniya sipifiʼmo maiʼnaya vayaʼai apakufamo alino katino apateʼniye.

2 Pita 2:5

Ani kava huno akeyaʼvilaga vayaʼmogi Gotifeʼmo mono osuʼnaya vayaʼaina Gotiʼa apakeno oʼapataleʼnifa aniʼmo ho, huno huʼnigeno aniʼmo heteno muki vayaʼamo ago aeno apati kaeʼniyaʼmonanafa Novaʼa fatago kavafeʼmo aeno hakalo huno hapa paiʼniya vekaʼe seveniʼa vayaʼeʼmo anipatiʼmo apakufamo alino katino apateʼniye.