Luki 3:16 - The Keyagana NT and 25 OT books

¹⁶ Afiʼnagenoʼaeʼmo Yoniʼa hunoʼaeʼmo, nagae nakamemo huno esiya vekamo ayamufaʼamoʼmo nagae nayamufamo ago aeno naga seno maiʼniye. Nagaemo suʼamo nofiʼmo afaʼa hakalu hesuva agufa kavaʼmo huʼna oʼmaiʼnove. Nagaemo aniʼaletikeʼmo aniʼmo faleʼna lapateʼnovanageno agaemo aote Aunemeʼaletiʼe ataletiʼeʼmo aniʼmo faleno lapategaiye.

Luki 3:16 ပူးပေါင်းရင်းမြစ်များ

Mai'naya kavane 1:23

Nagaemo huʼnaeʼmo, lapakaemo hosu kavaʼmo nehae, huʼna nehisugetapaeʼmo afitetapa ataleta aitapa afe leyo. Nauneʼnameʼmo aliʼna lapakaetegamo aniʼmo lakigekana huʼna lapamiteʼna geʼnimo afisayafeʼmo lapa paiguve.

Aiyeya 32:15

Ani agufa hosu kavaʼmo haneme haneme neʼvisigenoʼaeʼmo Ala kava neʼmoʼa anaga kotegatiʼmo Aunemeʼamo anikana huno lakitalesigeno lagaetegamo eminegaiye. Eminesigeno kahaepa koʼmoʼa alagepa mopamo alino hamalesigeno alu neʼya alu neʼyaʼmo afole aigiye. Afole aigiyaʼmonanafa asole neʼyaʼmo afole neʼaiya hoyaeʼmo huʼapaeʼmo, yahaofilagamo haneʼniye, huʼa hugae.

Aiyeya 4:4

Ala kava neʼmoʼa Saiyoni aʼne anagaʼmogi oʼaniʼya faiʼniya hosu kavaʼapimo sese huno ataleteno Aunemeʼaletiʼmo Yulusalemu vayaʼmogi vayaʼmo kamitimo apamagiʼnageno kolaʼmo aino lakiʼniya hosu kavaʼapilefeʼmo agoti huno apateteno hosu kavaʼapimo atafiʼmo kaeno atalegaiye.

Matiyu 3:11

Nagaemo lapaipamo alita afe leʼnaya kavatefeʼmo aniʼaletikeʼmo faleʼna nelapatovanageno nagae nakame huno esiya vekamoʼmo Goti Aote Aunemeʼaletiʼe ataletiʼeʼmo aniʼmo faleno lapategaiye. Agaemo lokiyaʼamoʼmo nagaemo lokiyaʼnimo ago aeno naga seʼniyaʼmofeʼmo afa vekamo maiʼneʼna aliʼyaʼamo neʼaluva agufa vekaʼagana huʼna maiʼnovanageʼna suʼamo aliniʼna visuva kavaʼmo huʼna afaʼa oʼmaiʼnove.

Matiyu 3:12

Agaemo sipetiʼamo ayapiʼmo aliʼniyanageno vitimo haletiʼyaʼamo sipetiletiʼmo haleteno neʼyaʼamo alino noʼafiʼmo anupa huno maleteno haletiʼyaʼamo alino yu oseno neleya atafiʼmo kaegaiye, huno hapa paiʼniye.

Yoni 1:26

nagaemo aniʼaletikeʼmo faleʼna neʼapatovaʼmonanafa lapakae folagapiʼmo mago vekamo maiʼniyana oʼageʼnae.

Yoni 1:27

Nagae nakameʼmo huno neʼeya vekamoʼmo aeno nagaseʼnigeʼna ina agufa vekamo maiʼnovaʼmofeʼmo suʼmo nofiʼamo afaʼa hakalu hesuva agufa kava huʼna oʼmaiʼnove, huno hapa paiʼniye.

Yoni 1:33

Ageʼnovana ina lapi huʼna oʼageʼnovaʼmonanafa aniʼmo faleʼna apatesuvafeʼmo alino nateʼnigeʼna eʼnova vekamoʼmo, Nauneʼnameʼmo emineno mago vekaleʼmo maige maige huno maisigeka agegane. Ani vekamoʼmo naote Nauneʼnametetiʼmo aniʼmo faleno apatesiya vekamo maiʼniye, huno naha paiʼnigeʼnaeʼmo

Yoni 7:38

Nagaefeʼmo apakesamo afiʼa fatago nehaya vayaʼai apaipafatiʼmo alopa aniʼmo afaʼa maisaya yaʼmo alino neʼapamiya aniʼmo havai teteno aino vali lamigiye, huno aeno hakalo huno hapa paiʼniye.

Apa 1:5

Yoniʼa anilafapiʼmo aniʼmo faleno apatetenoʼaeʼmo aise afinaʼmo utesigeʼna Goti Aunemeʼaletiʼmo aniʼmo faleʼna lapategauve, huno hapa paiʼniye.

Apa 10:44

Pitaʼa ani gemo hapa nepaigenoʼaeʼmo Goti Aunemeʼamo aote Aunemeʼamoʼmo muki ani gemo afiʼnaya vayaʼaiteʼmo emineʼniye.

Apa 2:33

Gotiʼa ago alino he tino ateteno kokuʼnapiʼmo avalelino uno haino lamaga haopaleʼmo ateʼnigeno maiʼniye. Muki yaʼmo Afoʼamoʼmo hogoteno, kamiguve, huno ha paiʼniya Aunemeʼamo ago amiʼnigeno Yesuʼa Goti Aunemeʼamo aniʼmo lakigekana huno alino ateʼnigeno emineʼnigetapaeʼmo hemenimo lapakaemo ani afole aiʼniya kavaʼmo ago agetetapa afiʼnae.

1 Kolitiyani 12:13

Ani kavatefeʼmo Kalaisiʼa mukiʼamogitamo Aunemeʼaletiʼmo agufafiʼmo faleno lateʼnigeta magoke agufaʼamo maiʼnone. Ani kavaʼmo huno Aunemeʼamo lamiʼnigeta aniʼmo negekana huta neteta aliʼnone. Mukiʼamogitamo Yu vayanagi Yu nofi vayapatiʼmo oʼmaiʼnaya vayanagi kalavusifi maiʼneʼa afa aliʼyaʼmo neʼaliya vayanagi afaʼa neʼmaiya vayaʼmogi huta magoke Kalaisi agufaʼamo maiʼnone.