Luki 3:1 - The Keyagana NT and 25 OT books

¹ Taipiliyasi Sisaʼa hogote vekamo muki vayaʼaiteʼmo fifitiniʼa kafugamo yagaino apateʼnigeno Ponitiyasi Pailatiʼa Yutiya kotega vayaʼaiteʼmo yagaino apateʼnigeno Helotiʼa Galeliya kotega vayaʼaiteʼmo yagaino apateʼnigeno nepuʼamoʼmo Filipiʼa Ituliya kotega vayaʼaiteʼe Talekinaitasi kotega vayaʼaiteʼeʼmo yagaino apateʼnigeno Laiseniyasiʼa Amilini kotega vayaʼaiteʼmo yagaino apateʼniye.

Luki 3:1 ပူးပေါင်းရင်းမြစ်များ

Aepa Gemae 49:10

Kini vayaʼmogimo hayopa kayoʼapiletiʼmo yagaiʼa neʼapataya kava huʼa Yuta nofi vayaʼmogimo yagaiʼa apateme apateme neʼesageno mago vekamo Sailoʼmo egaiye. Sailoʼmo esigeʼapaeʼmo muki vayaʼmogimo aiyafiʼmo maiʼneʼa geʼamo afigae.

Matiyu 14:1

Ani afinaʼmo Helotiʼa Galeliya koteʼmo yagaino neʼapateya gamani vekamoʼmo Yesufeʼmo ava gemo huʼnageno afiʼniye.

Matiyu 14:3

Hogoteno Helotiʼa ina kavaʼmo huʼniye. Agaemo aganaʼamo Filipi aʼmo Helotiyasiʼmo aliʼnigeno Yoniʼa ha painoʼaeʼmo, aʼmo aliʼnana kavaʼmo keʼaepa gemo amagika ataleʼnane, huno ha paiʼniyaʼmofeʼmo Helotiʼa atafauno nofi kino ateteno kalavusi huno ateʼniye.

Matiyu 14:6

Helotiʼa itaʼamoʼmo alino ateʼniya afinaʼmo halate afole aiʼnigeno neʼyaʼmo yagita huʼnigeʼa eʼa neʼyaʼmo neʼnageno Helotiyasi aʼmafaʼnemoʼmo muki vayaʼai apaulagaleʼmo ohageʼnigeno Helotiʼa lusi kava huno amuse huno ateʼniye.

Matiyu 22:17

Maiʼnanaʼmofeʼmo yagaino nelateya gamani vekamo Sisaʼmo takesi monimo amisupi oʼamisune. Kagaemo na agufa yane, huka kagesamo neʼafine, huʼa afi geʼnae.

Matiyu 27:2

Nofitetiʼmo ayatalateʼmo kiʼa ateteʼa avaleli uʼa gamani vekamo yagaino neʼapateya vekamo Pailati ayapiʼmo ateʼnae.

Maki 6:17

Hogoteno Helotiʼa ati vayaʼmo alino apateʼnigeʼa uʼa Yoniʼa atafauʼa kalavusi huʼa ateʼnae. Helotiʼa aganaʼamo Filipi aʼmo agiʼamo Helotiyasitefeʼmo kalavusi huno ateʼniye. Helotiʼa Helotiyasiʼmo aliʼnigeno Yoniʼa hunoʼaeʼmo, kaganakamo aʼmo aliʼnanaʼmofeʼmo Goti keʼaepa gemo ago amagika ataleʼnane, huno huʼnigenoʼaeʼmo

Maki 6:21

Helotiʼa itaʼamoʼmo alino ateʼniya afinaʼmo halate afole aiʼnigeno yagita huʼnigeʼapaeʼmo yagaiʼa apateʼnaya gamani vayanagi ati vayaʼaiteʼmo yagaiʼa apateʼnaya vayanagi Galeliya kotega ala apaki vayanagi huʼa eʼa neʼyaʼmo neʼnae. Ani afinaʼmo Helotiyasiʼa Yoniʼmo amagisiya kaʼmo ageʼniye.

Luki 13:31

Ani afinaʼmo mago Falasi vayaʼmo Yesutegamo eʼa, Helotiʼa kamitimo kamagisiyafeʼmo nehiyanagi kaune ho, huʼa ha paiʼnagenoʼaeʼmo,

Luki 2:1

Ani afinaʼmo hogote vekamo yagaino neʼapateya kini vekamo agiʼamo Sisa Agasasiʼmo hunoʼaeʼmo, muki kotega maiʼnaya vayaʼai apakimo aliguve, huno hu maleʼniye.

Luki 23:24

Pailatiʼa geʼapimo afiteno hapauʼniya kavaʼmo huʼniye.

Luki 3:19

Hapa paiʼniyaʼmonanafa yagaino apateʼniya vekamo Helotiʼmo hosu kavaʼmo magoʼe magoʼe huno huʼnigeno Yoniʼa ge hauʼniye. Helotiʼa nepuʼamo aʼmo Helotiyasiʼmo aliʼnigeno Yoniʼa ge hauʼniya geletiʼmo kalavusi huno ateʼniye.

Luki 9:7

Helotiʼa yagaino neʼapateya vekamoʼmo Yesuʼa muki huʼniya kavafeʼmo ava gemo afitenoʼaeʼmo lusi kava huno agesa alaʼamo afiʼniye. Mago vayaʼmogimo huʼapaeʼmo, Yoniʼa faliʼniyatetiʼmo halate he tiʼniye, huʼa huʼnageʼapaeʼmo mago vayaʼmogimo huʼapaeʼmo, Ilaiyaʼa afole aiʼniye, huʼa huʼnageʼapaeʼmo

Apa 23:26

Nagaemo Kilotiyasi Lisiyasiʼnamo muki vayaʼaiteʼmo hogote vekamo yagaika neʼapatana vekamo Filikisigaeʼmo avoʼmo kaeʼnaeʼmo alagepa huka maiʼnapiye.

Apa 24:27

Filikisiʼa Yu vayaʼmogimo amuse huʼa atesayafeʼmo Poloʼa hatu maeno oʼateno kalavusifiʼmo afaʼa ateʼnigeno maiʼniye. Lole kafugamo utegeno Posiyasi Fesitasiʼmo Filikisi aimuʼyaleʼmo eno maiʼneno yagaino apateʼniye.

Apa 26:30

Huno ha paiʼnigeʼapaeʼmo ala kini vekaʼapimo Agalipaʼagi yagaino neʼapateya vekamo Fesitasiʼagi Menisiʼagi muki vayanagi huʼa he tiʼa kumategamo uʼa lamiʼa apakaiʼapi apakaiʼapimo ge huʼapaeʼmo, Ani vekamo kalavusi agufa kava huno oʼmaiʼniye, huʼa huʼnae.

Apa 4:27

He, lama gemo huʼniye. Helotiʼagi Ponitiyasi Pailatiʼagi alu nofi vayanagi Isaleli vayanagi huʼa aliʼyakamo alisiyafeʼmo lekana paika ateʼnanageno alagepa kavaʼageʼmo huʼniya vekaʼeʼmo kame huʼa atesayafeʼmo aliʼa anupa huʼa maiʼnae.