Luki 24:26 - The Keyagana NT and 25 OT books

²⁶ Apakaemo huʼapaeʼmo, Kalaisi vekamo hogoteno agafu kitesigenoʼaekeʼmo ala agiʼamo aligiye, huʼa avoʼmo kae maleʼnaya gemo oʼafiʼnaʼafiye.

Luki 24:26 ပူးပေါင်းရင်းမြစ်များ

Aepa Gemae 22:6

Emalehamuʼa ofalinimo kaesiya atamo alino Aisaki agiʼnaleʼmo kofino ateteno neleya ataʼe haginaʼeʼmo Emalehamuʼa alitegeʼana uʼnaʼae.

Neniyo 9:26

Inagi sigisiti tuʼa sotamo utesigeʼa Mesaiya vekamo agoti huʼa ateteʼa amagisageno faligiyaʼmonanafa agaiʼalefeʼmo ofaligiye. Falitesigeʼapaeʼmo afole aisiya kini vekamo ami vayaʼamogimo eʼa Yulusalemu taoniʼe mono noʼeʼmo heʼa halagape vaiʼa atalegae. Alopa aniʼmoʼa ani heteno muki yaʼmo alinino neʼviya kava huno ani kamemoʼmo muki yaʼe vayaʼeʼmo alinino ugiye. Gotiʼa hu maleʼniya alopa kana yaʼmo afole aime aime neʼvisigenoʼaeʼmo ani kamemoʼmo hano hugiye.

Luki 24:44

Netenoʼaeʼmo, mani kavafeʼmo lapakaeʼeʼmo maiʼneʼnaeʼmo ago lapa paiʼnaeʼmo, muki kavafeʼmo nava gemo huʼa avoʼmo kae maleʼnaya gemo afole aigiye. Moseseʼa avoʼmo kae maleʼniya nava gegi Gotitegati gemo alini eʼa aeʼa hakalo huʼa hapa nepaiya vayaʼmogi avoʼmo kae maleʼnaya nava gegi Samu mukufiʼmo avoʼmo kae maleʼnaya nava gemogi huno afole aino,

Luki 24:46

Huno hapa paitenoʼaeʼmo, Kalaisi vekamo agafu kisigeno falitenoʼaeʼmo napa tali afinaʼmo kanolufatiʼmo he tigiye.

Luki 24:7

Vemo Mafaʼnemo avaleli uʼa hosu vayaʼmogi apayapiʼmo apamisageʼapaeʼmo malipu yosaleʼmo nili aiteʼa aliʼa he tiʼa atesageno faliteno loleʼe magoʼe afinaʼmo kanolufiʼmo maiteno ago he tigiye, huno huʼniya geeʼmo lapakesamo afita ho hiyo, huʼana hapa paiʼnaʼageʼapaeʼmo

Yoni 2:22

Gotiʼa faliʼniyatetiʼmo halate alino he tino ateʼnigeʼapaeʼmo geʼamo neʼafiya vayaʼmogi ani huʼniya geʼaeʼmo apakesamo afiʼa ho huteʼapaeʼmo Goti Mukufiʼmo avoʼmo kae maleʼniya geʼe Yesuʼa huʼniya geʼeʼmo apakesa afiʼa fatago huʼnae.

Yoni 20:9

Huʼniyaʼmonanafa ani afinaʼmo Goti mukufi gemoʼa hunoʼaeʼmo, faliteno he tigiye, huno hu maleʼniya geʼaeʼmo anakesamo oʼafiʼnaʼae.

Apa 17:3

Ani gemo aepaʼamo aeno hakalo huno hapa painoʼaeʼmo, Goti geʼamo alino afole aino atesiyafeʼmo Mesaiya vekamo Gotiʼa alino ateʼnigeno emineʼniya vekamo faliteno ago he tiʼniye, huno Goti Mukufi haneʼniya geletiʼmo alino apaya maleʼniye. Poloʼa hunoʼaeʼmo, Ani ava gemo aeʼna hakalo huʼna hapa nepauva vekamo Yesuʼa Mesaiya vekamo maiʼniye, huno hapa paiʼniye.

Himulu 12:2

Yesufekeʼmo aulu haelita nagu nagu huta vigetao. Agaekeʼmo lagesamo afita fatago nehuna kavaʼmo alino aepa failino uʼniyanageno alino hano huno atesiya vekamo maiʼniye. Agaemo, lusi kava huʼna namogaga aiguve, huno agesamo afitenoʼaeʼmo malipu yosaleʼmo falisiya kavatefeʼmo oʼataleno atafauno alagi huno maiʼneno faliʼniye. Malipu yosaleʼmo falisiya kavafeʼmo lusi kava huno navagage hugiye, huno huteno agesa alaʼamo oʼafiʼnifa, kanalene, huteno falitenoʼaeʼmo uno haino Gotiʼa yagaino neʼapateya siyaʼaleʼmo lamaga haopaleʼmo fai maiʼniye.

1 Pita 1:11

Kalaisi Aunemeʼamo apaipafiʼmo maiʼniya Aunemeʼamoʼmo hogoteno hunoʼaeʼmo, Kalaisiʼa kana yaʼmo alitenoʼaeʼmo ala agiʼe ha le konali yaʼeʼmo aligiye, huno hapa paiʼnigeʼapaeʼmo, hainu afinaʼmo afole aisifi, huʼa huge haiya katetiʼmo afole aisifi, huʼa huge huteʼapaeʼmo agesayafeʼmo kahauya huʼnae.

1 Pita 1:3

Lagaemo Goti agiʼaleʼmo Ala kava netimo Yesu Kalaisi afoʼamo agiʼaleʼmo alita auleta ategetao. Lusi kava huno hau huno lateʼniyaʼmofeʼmo Yesu Kalaisiʼa faliʼniyatetiʼmo ago alino he tino ateʼniya kavatetiʼmo saufa vayaʼmo halate alino lateʼniye. Lagaemo afole aisiya kavatefeʼmo agava maiʼnetaeʼmo lama geʼalefeʼmo lavayagunagu huta maisunafeʼmo ani kavaʼmo huʼniye.