Luki 23:9 - The Keyagana NT and 25 OT books

⁹ Inagi Yesufeʼmo loka huno ge huno afi ge afi ge huʼniyaʼmonanafa geʼaleʼmo aeno atagaina huno ge osuʼniye.

Luki 23:9 ပူးပေါင်းရင်းမြစ်များ

Aiyeya 53:7

Yesuʼmo muki anonaʼapilefeʼmo miya faisiyafeʼmo Gotiʼa kana yaʼmo amige vayaʼmogi aliʼa afepiʼmo atege huʼnayaʼmonanafa ge osuno afaʼa maiʼniye. Vayaʼmogimo aikeli sipisipimo amagisayafeʼmo avaleliʼa neʼvaya agufa kava huʼa avaleliʼa uʼnae. Vayaʼmogimo sipisipimo ayokaʼmo lagaunagenoʼaeʼmo age noʼaiya agufa kava huno ge osuno afaʼa maiʼniye.

Matiyu 27:12

Mono huʼa neʼapataya vayaʼaiteʼmo yagaiʼa neʼapataya vayaʼe vayatama vayaʼmogiʼeʼmo huʼapaeʼmo, ani hosu kavaʼmo huʼniye ina hosu kavaʼmo huʼniye, huʼa huʼnagenoʼaeʼmo ge osuno afaʼa maiʼniye.

Matiyu 27:14

geʼaleʼmo aeno atagaina huno ha opaiʼniyaʼmofeʼmo gamani vekamoʼmo lusi kava huno hau aiʼniye.

Matiyu 7:6

Gotitegatiʼmo aote yaʼmo alitapa kalamo oʼapamiyo. Lapakaemo alopa miyatetiʼmo miya nefaiya sesumo alita yaga autapa afu anagaʼmo oʼapamiyo, fiku apaiyaletiʼmo aeʼa latapaiteʼa lapaegae.

Maki 15:5

Yesuʼa halate magoʼe huno ge osuno maiʼnigenoʼaeʼmo Pailatiʼa hau aiʼniye.

Luki 13:32

ani vekamoʼmo aigofe huteno afela kalamoʼa humi nami kavaʼmo nehiya agufa kalagana huno maiʼniya vekalegamo utapaeʼmo, afiyo, hutapa, hemeniʼe egaʼeʼmo hosu apaune vayaʼmo vayaʼmogi apaipafatiʼmo aliʼna hapa faiʼna apatalege kaita hapauʼnisiya vayaʼmo aliʼna hapageʼna apatege huteʼna olagaʼamo ka atupaleʼmo uʼna avaʼyi huguve, huno huʼniye, huta ha paiyo.

Luki 23:10

Mono huʼa neʼapataya vayaʼaiteʼmo yagaiʼa neʼapataya vayaʼe keʼaepa gemo avoʼmo kaeʼa aliʼa apaya neʼmalaya vayaʼmogiʼeʼmo he tiʼa lokiya gefatiʼmo huʼapaeʼmo, ina kavaʼmo huteno ina gemo huʼniye, huʼa hosu faigoko gemo huʼa ateʼnae.

Yoni 19:9

Halate Pailatiʼa agoti nopiʼmo uno haino Yesufeʼmo hunoʼaeʼmo, haiyategatiʼmo eʼnane, huno afi geʼnigenoʼaeʼmo Yesuʼa ge osuno afaʼa maiʼniye.

Apa 8:32

Goti Mukufiʼmo lekana paiʼniya gemoʼa hunoʼaeʼmo, Sipisipigana huno maiʼnigeʼa avaleli eʼa amagiʼnae. Vayaʼmogimo aikeli sipisipimo ayokaʼmo lagauʼnagenoʼaeʼmo age noʼaiya sipisipigana huno maiʼnenoʼaeʼmo ge osuno afaʼa maiʼniye.

1 Pita 2:23

Huʼa faipa huʼa ateʼnagenoʼaeʼmo geʼapileʼmo aeno atagaina huno huno faipa huno oʼapateʼniye. Kana yaʼmo amige amagige huʼnageno lusi kava huno agafu kiʼnigenoʼaeʼmo, lapamagiguve, huno osuʼniyaʼmonanafa alagepa huno alino fako huno neʼapateya vekamo ayapiʼmo maleʼniye.