Luki 23:8 - The Keyagana NT and 25 OT books

⁸ Helotiʼa Yesufeʼmo ava gemo huʼnageno afitenoʼaeʼmo, mago noʼagaya agufa aune kavaʼmo hisigeno agesiyafeʼmo hauʼnigeno yatala afinaʼmo agava maiʼniyaʼmofeʼmo Yesuʼmo agetenoʼaeʼmo amogaga aiʼniye.

Luki 23:8 ပူးပေါင်းရင်းမြစ်များ

2 Kini 5:11

Nemaniʼmo ani gemo afitenoʼaeʼmo lusi kava huno aipamo leʼnigeno agaemo Ilaisa notetiʼmo ataleno uʼniye. Agaemo hunoʼaeʼmo, Nagaemo nagesamo afiʼnaeʼmo, Agaemo emineno kumatetiʼmo nagetenoʼaeʼmo Ala kava neʼmo Gotiʼamofeʼmo nunumuʼmo huteno lepolosi yaʼmo nahauʼniya nahaopaleʼmo ayaʼmo alininuteno eteno huteno alino nahateno nategaiye, huno huʼniye.

Matiyu 14:1

Ani afinaʼmo Helotiʼa Galeliya koteʼmo yagaino neʼapateya gamani vekamoʼmo Yesufeʼmo ava gemo huʼnageno afiʼniye.

Maki 6:14

Muki haopalegamo maiʼnaya vayaʼmogimo Yesu agiʼamo afiʼnagenoʼaeʼmo gamani vekamo yagaino apateʼniya vekamo Helotiʼeʼmo afiʼniye. Afitenoʼaeʼmo, Yoniʼa aniʼmo faleno neʼapateya vekamo kanolufatiʼmo ago he tiʼniyaʼmofeʼmo aipafatiʼmo himamuʼaletiʼmo noʼagaya lokiya kavaʼmo nehiye, huno huʼniye.

Maki 8:34

Agaemo muki vayaʼe geʼamo neʼafiya vayaʼefeʼmo ge huʼnigeʼa eʼnageno hapa painoʼaeʼmo, ina lagimo nakame hugefe huʼnisafi apakaiʼapimo hapauʼniya kavafeʼmo haʼao, huʼa huteʼa ataleʼa malipu yosaʼapimo aliʼa kofiliʼa nakame hiyo.

Luki 4:23

Yesuʼa hunoʼaeʼmo, ago afiʼnovana lapakinago vayaʼai gefatiʼmo aeta kalafefa gemo hutapa naha paitapaeʼmo, Lota vekae, hutapa, kagaikamo alika alagepa huka kato. Kapeneyamu taonifiʼmo huʼnana agufa kavaʼmo mani nokaleʼmo huvo, hutapa naha paigae.

Apa 8:19

Ani himamuʼamo alitana namiʼageʼnao nayaʼmo vayaʼai apakufaleʼmo malesugeʼa Goti Aunemeʼamo aliyo, huno hana paiʼnigeno