Luki 23:25 - The Keyagana NT and 25 OT books

²⁵ Kalavusi vekamoʼmo Gamani vayaʼaina apamagino hapa faino apatalesiyafeʼmo huʼniya afinaʼmo mago vekamo kamitimo amagiʼnigeno faliʼniyaʼmofeʼmo kalavusi huʼa ateʼnaya vekaeʼmo ato, huʼa ha paiʼnaya vekamo hatu maeno ateteno hapauʼniya kavaʼmo akame huno Yesufeʼmo malipu yosaleʼmo nili aigeno falino, huno ati vayaʼaifeʼmo hapa paiteno avaleno apamiʼniye.

Luki 23:25 ပူးပေါင်းရင်းမြစ်များ

Esata 3:11

Kini vekamoʼmo Hemanifeʼmo hunoʼaeʼmo, Monikamo afaʼa ateʼneka ani vayaʼaitegamo na agufa kavaʼmo huguve huka hisapigi ani kavaʼmo afaʼa huvo, huno ha paiʼniye.

Matiyu 27:26

Huʼa ha paiʼnageno Malamasiʼa ateʼnigeno apakaetegamo uʼnigenoʼaeʼmo ati vayaʼaifeʼmo, nofi kayotetiʼmo amagiyo, huno huteno malipu yosaleʼmo nili aiteʼa aliʼa he tiʼa atesayafeʼmo avalelinuno apamiʼniye.

Maki 15:15

Pailatiʼa asole vayaʼmogimo amuse huʼa atesayafeʼmo apakaetefeʼmo Malamasiʼmo hatu maeno ateʼnigeno uʼniye. Hatu maeno ateteno ati vayaʼaifeʼmo hunoʼaeʼmo, Yesuʼa nofi kayotetiʼmo amagiyo, huno huteno ati vayaʼai apayapiʼmo malipu yosaleʼmo nili aiteʼa aliʼa he tiʼa atesayafeʼmo avaleno apamiʼniye.

Luki 23:2

Apakaemo aepa faiʼa agoti huʼa ateʼapaeʼmo, mani vekamoʼmo hunoʼaeʼmo, Gamani vayaʼmogi gemo oʼafiyo. Alatapimo Sisaʼmo takesi monimo oʼamiyo. Nagaemo Kalaisi vekamo alatapimo kini vekamo maiʼnove, huno laha paiʼnigeta afiʼnone, huʼa ha paiʼnageno

Luki 23:24

Pailatiʼa geʼapimo afiteno hapauʼniya kavaʼmo huʼniye.

Luki 23:26

Avaleliʼa neʼvagenoʼaeʼmo Saimoniʼa Sailini taonifi vekamo kahaufilagatiʼmo neʼegeʼa fotu huteʼapaeʼmo atafauʼa malipu yosamo aliʼa agiʼnaleʼmo kofiʼa ateʼnageno kofino alinino Yesu akame huno uʼniye.

Luki 23:5

lokiya gefatiʼmo huʼapaeʼmo, Galeliya kotegatiʼmo aepa faino alino apaya maleme maleme eno manile Yutiya kotegaʼeʼmo alino apaya malenoʼaeʼmo muki vayaʼmogi hosu kavaʼmo hisayafekeʼmo alino he tino apateʼniye, huʼa ha paiʼnae.

Yoni 18:40

alopa gefatiʼmo huʼapaeʼmo, agaemo alagi ategeno oʼvisigeka Malamasikeʼmo ategeno vino, huʼa ha paiʼnae. Malamasiʼa vayaʼmo apamagiteno kumaya neʼaliya vekamo maiʼniye.

Yoni 19:16

Inagi Pailatiʼa Yesuʼmo malipu yosaleʼmo nili aiteʼa aliʼa he tiʼa atesayafeʼmo avaleno apamiʼnigeʼa avaleliʼa uʼnae.

Apa 3:14

Agaemo aote fatago vekamo maiʼniyaʼmonanafa lapakameʼyamo amitetapa vayaʼmo apamagiʼniya vekaeʼmo lahapauʼnigetapa Pailatifeʼmo hutapaeʼmo, Lagaetefeʼmo afaʼa ato,

1 Samiyo 12:13

Inagi ani gemo naha paiʼnayaʼmofeʼmo lapakaemo ani lekana paitapa ateʼnaya kini vekamoʼmae. Lapauʼniya kini vekamo agaemae. Afiyo, huʼna, Ala kava neʼmoʼa yagaino lapatesiyafeʼmo ani kini vekamo lapakaemo lapamiʼniye.