Luki 22:61 - The Keyagana NT and 25 OT books

⁶¹ Ala kava neʼmoʼa aino afe leno Pitana ageʼniye. Ala kava neʼmoʼa hogoteno Pitafeʼmo hunoʼaeʼmo, kokolemoʼmo age oʼaiʼnisigeka loleʼe magoʼe afinaʼmo nagaefeʼmo hukaeʼmo, oʼageʼnova vekae, huka hugane, huno ha paiʼniya geeʼmo agesamo afino ho hutenoʼaeʼmo

Luki 22:61 ပူးပေါင်းရင်းမြစ်များ

Matiyu 26:34

alagi lama gemo kaha nepauve, huno, ani haniʼilagamo kokolemo age oʼaiʼnisigekaeʼmo nagaefeʼmo loleʼe magoʼe afinaʼmo oʼageʼnova vekae, huka hugane, huno ha paiʼnigeno

Matiyu 26:75

Hogoteno Yesuʼa Pitafeʼmo ha painoʼaeʼmo, kokolemoʼmo age oʼaiʼnisigekaeʼmo nagaefeʼmo loleʼe magoʼe afinaʼmo oʼageʼnova vekae, huka hugane, huno ha paiʼniya geeʼmo agesamo afino ho hutenoʼaeʼmo kegiʼya malaga uno lamino aipafi atu haeʼnigeno aviʼyaʼmo huʼniye.

Maki 5:30

Ame neʼaligenoʼaeʼmo Yesuʼa ageyana agufafatiʼmo himamuʼamo ago uʼnigeno ageʼniye. Agetenoʼaeʼmo muki vayaʼeʼmo magokepi neʼenoʼaeʼmo aino afe leno, ina laʼmo kukenaʼnileʼmo ame aliʼniye, huno ge huno apafi geʼniye.

Luki 10:41

Matao, Matao, huno, muki kavafeʼmo kagesa alaʼamo afiʼnanageno kaipamoʼmo atete nehiyaʼmonanafa alagepa huka maisana yaʼmo alisana yaʼmo magoke yaʼmo haneʼniye.

Luki 22:34

Pitao, huno, nagaemo kaha nepauve, kokolemoʼmo age oʼaiʼnisigeka ani afinaʼmo loleʼe magoʼe afinaʼmo nagaefeʼmo hukaeʼmo, oʼageʼnova vekae, huka hugane, huno ha paiʼniye.

Luki 22:60

Pitaʼa hunoʼaeʼmo, ma vekae, huno, oʼafuva agufa gemo nehanagi na agufa yane huka nehane, huno nehigenoʼaeʼmo kokolemoʼmo age aiʼnigenoʼaeʼmo

Luki 22:62

malaga uno lamino aipafatiʼmo atu haegekana huʼnigeno aviʼyaʼmo huʼniye.

Luki 7:13

Ala kava neʼmoʼa kogu a kanomo agetenoʼaeʼmo hau huno ateteno, aviʼyaʼmo osuvo, huno ha paiteno

Luki 7:19

Yoniʼa geʼamo neʼafiʼa vekalaʼanifeʼmo ge huʼnigeʼana eʼnaʼageno Yesutegamo utanaeʼmo, afole aigiye, huʼa huʼnaya vekamo maiʼnapi alu vekaeʼmo agava maisune, hutana ge hutana afi geʼao, huno hana paiteno alino anateʼnigeʼana Yesutegamo uʼnaʼae.

Yoni 13:38

nagaetefeʼmo falisanafeʼmo alo huʼnapiye. Alagi lama gemo kaha nepauve, kokolemoʼmo age oʼaiʼnisigekaeʼmo nagaefeʼmo oʼageʼnova vekae, huka huteka kakameʼyamo namigane, huno ha paiʼniye.

Apa 5:31

Gotiʼa agaemo ala agiʼamo amiteno avalelino uno haino lamaga haopaleʼmo atetenoʼaeʼmo, hogote vekamo yagaino apatesiya vekamo maiʼneno apakufamo alino katino neʼapateya vekae, huno lekana paino ateʼniye. Agaemo Isaleli vayaʼmogita laipamo alita afe lesuna kavaʼmo lamige hosu kavatimo alino atalege haisiyafeʼmae.

Efasasi 2:11

Alo huno lapateʼniyaʼmofeʼmo lapakaemo, hogoteta maiʼnona afinaʼmo haiya agufa kavaʼmo huta maiʼnopi, hutapa lapakesamo afita ho hiyo. Itatapimogimo aliʼa lapateʼnagetapaeʼmo Yu nofi vayaʼmo oʼmaiʼnae. Yu vayaʼmogi apayatetiʼmo apakufamo lagauʼnaya vayaʼmogimo lapakaefeʼmo huʼapaeʼmo, Goti keʼaepa geʼamo oʼafiʼnaya vayaʼmogeʼapaeʼmo apakufamo olagauʼnaya vayaʼmo maiʼnae, huʼa nehae.

Leveleseni 2:5

Lapakaemo muga anaga alagepa kavategatiʼmo ataleta asagautapa aiʼnayanagi hogoteta huʼnaya kavafeʼmo halate lapakesamo afita ho hiyo. Lapaipamo alita afe letetapaeʼmo hogoteta huʼnaya agufa kavaʼmo hiyo. Lapaipamo alita afe olesayana emineʼnaeʼmo aise hiʼyalamutapileʼmo lamumo neʼmalaya hiʼyalamuʼmo aliniʼna uguve.