Luki 22:36 - The Keyagana NT and 25 OT books

³⁶ haneʼniyaʼmonanafa hemenimo monitapiʼe kutapiʼeʼmo haneʼnisiya vayaʼmogitapamo alo hiyo. Naipeʼamo oʼaliʼnisiya vekamoʼmo yasi siyotiʼamo alininuno maleʼnisigeʼa miya faisageno moni aliteno naipeʼamo miya faino.

Luki 22:36 ပူးပေါင်းရင်းမြစ်များ

Matiyu 10:10

Vayaʼai aliʼyaʼmo neʼaliya vayaʼmo afaʼa maisaya yaʼapimo apamisaya kavaʼmo huʼa maiʼnayaʼmofeʼmo kutapimogi lole siotitapimogi lole sutapimogi hayopa kayotapimogi hutapa alinita oʼviyo.

Luki 22:35

Yesuʼa hunoʼaeʼmo, monitapigi kutapigi sutapigi hutapa alinita oʼviyo, huʼna lapa paiteʼna aliʼna lapateʼnogeta uʼnaya afinaʼmo mago yatapimo ohaneʼnifiye, huno ge huno apafi geʼnigeʼapaeʼmo, haʼao, muki yatimo afaʼa haneʼniye, huʼa ha paiʼnagenoʼaeʼmo,

Luki 22:37

Lapa nepauve, huno, Goti mukufiʼmo avoʼmo kae maleʼniya gemoʼmo hunoʼaeʼmo, keʼaepa gemo amagiʼa neʼatalaya vayapiʼmo maiʼniya vekae, huʼa apakesamo afiʼnae, huno nava gemo huno avoʼmo kae maleʼniya gemo afole aigiye. Muki kavaʼaeʼmo nava gemo huʼa avoʼmo kae maleʼnaya gemo afole neʼaiye, huno hapa paiʼnigeʼapaeʼmo,

Luki 22:38

Ala kava nene, huʼa, ago, lole naipelaʼmo haneʼniye, huʼa ha paiʼnagenoʼaeʼmo, alagine, huno hapa paiʼniye.

Yoni 15:20

Nagaemo, mago aliʼyaʼamo neʼaliya vekamoʼmo aliʼyaʼmo afoʼamoʼmo aeno noʼagase, huʼna lapa paiʼnova geeʼmo lapakesamo afiyo. Apakaemo apaini huʼa natesaya agufa kava huʼa lapakaeʼeʼmo apaini huʼa lapategae. Apakaemo geʼnimo afiʼnisayana getapimo afigae.

Yoni 16:33

Lapakaemo nagaepiʼmo maiʼnetapaeʼmo lapaipamoʼmo falu hisiyafeʼmo mani gemo lapa nepauve. Ma mopafiʼmo maiʼnetapaeʼmo hanageke yaʼmo alitapa maigayaʼmonanafa nagaemo kame huʼna ma mopafi kavaʼmo ago aeʼna agaseʼnovaʼmofeʼmo lapakaemo lokiya vaita maiyo, huno hapa paiʼniye.

1 Tesaloniyani 3:4

Lapakaeʼeʼmo hogoteta maiʼnetaeʼmo ani gemo hutaeʼmo, kana yaʼmo aligune, huta lapa paiʼnona agufa kana yaʼmo aliʼnonageta ago lageʼnae.

1 Pita 4:1

Kalaisiʼa lagaetefeʼmo kana yaʼmo aliteno agufafatiʼmo lusi kava huno agafu kiʼniye. Lapakaemo ani agufa kava hutapa kana yaʼmo alisayafeʼmo lapakesamo afiʼnetapaeʼmo kame hiyo. Apakufafiʼmo kana yaʼmo aliʼnaya vayaʼmogi hosu kavaʼapimo ataleʼnayaʼmofeʼmo ani kavafeʼmo lapakesamo afitetapaeʼmo kame hiyo.