Luki 22:30 - The Keyagana NT and 25 OT books

³⁰ Yagaiʼna apatesuva koteʼmo hiʼyalamuʼnileʼmo siyateʼmo fai maiʼnetapa neʼyaʼmo nege aniʼmo nege huta maiʼnetapaeʼmo Isaleli vayaʼmo tuolofuʼa nofi vayaʼaiteʼmo yagaiʼa neʼapataya vayaʼai siyateʼmo fai maiʼnetapa yagaita apatesayafeʼmo lekana paiʼna lapateʼnove, huno hapa paiteno

Luki 22:30 ပူးပေါင်းရင်းမြစ်များ

Samu 49:14

Sipisipimo faliʼnaya kava huʼa nefaligeʼa kanolufiʼmo kiʼa neʼapatae. Sipisipileʼmo yagaiʼnaya kava huno falisaya kavaʼmoʼa yagaino apategaiye. Lama ge vayaʼmogimo kotilamisiyapiʼmo yagaiʼa apategae. Kanolufiʼmo koʼapimo haneʼniyanageno alagepa apakufaʼe konali yaʼapiʼeʼmo kasaligiyaʼmonanafa

Matiyu 19:28

Yesuʼa hunoʼaeʼmo, alagi lama gemo lapa nepauve, huno, saufa mopaʼe kokuʼnaʼeʼmo afole aisigenoʼaeʼmo Vemo mafaʼnemoʼmo ha le konali yaʼamo aliteno yagaino neʼapateya siyaʼaleʼmo fai maiʼnisigetapaeʼmo nakame nehaya vayaʼmogitapamo yagaita apatesaya siyamo tuolofuʼa siyateʼmo fai maiʼnetapaeʼmo tuolofuʼa Isaleli nofi vayaʼaiteʼmo yagaita apategae.

Matiyu 5:3

Hapa painoʼaeʼmo, launelametefeʼmo kagemi yatimo ageta oʼmaleʼnona vayaʼmo maiʼnone, huʼa apakesamo neʼafisaya vayaʼmogimo Gotiʼa yagaino neʼapateya kegiʼyafiʼmo haiʼa maiʼnageno muki yaʼamo apakaiʼapi yaʼmo haneʼniyaʼmofeʼmo Goti aulena vayaʼamo maiʼnae.

Matiyu 8:11

Lapa nepauve, huno, asole vayaʼmo Yu nofi vayapatiʼmo oʼmaiʼnaya vayaʼmo yegemo haine neʼeya kotegatiʼmo ege yegemo uno lamino nefaleya kotegatiʼmo ege huʼa Gotiʼa yagaino neʼapateya kopiʼmo uʼa haiʼa Emalehamuʼagi Aisikiʼagi Yekopuʼagi huʼa magokepi lokaeʼa maiʼneʼa neʼyaʼmo neʼa maigayaʼmonanafa

Luki 12:37

Aepa vekamo esiya afinafeʼmo ohavaeʼa afaʼa yagaiʼa maiʼnaya vayaʼmo aulena vayaʼmo maiʼnae. Lama gemo lapa paiʼnaeʼmo hapao ke hetenoʼaeʼmo, eta haitetapa hiʼyalamuteʼmo siyateʼmo maiyo, huno hapa paiteno aliʼyaʼmo neʼaliya kukenamo vailiʼneno neʼyaʼmo fako huno apamigiye.

Luki 14:15

Agaeʼeʼmo hiʼyalemuteʼmo fai maiʼneno neʼyaʼmo neʼniya vekamoʼmo ani gemo afitenoʼaeʼmo, Gotiʼa yagaino neʼapateya koteʼmo uʼa haiʼa maiʼneʼa neʼyaʼmo neʼa maisaya vayaʼmo aulena vayaʼmo maigae, huno hapa paiʼniya geeʼmo loka huʼnigeno

2 Timoti 2:12

Alagi oʼataleta kana yaʼmo alime alime neʼvisunana kini vayakana huta agaeʼeʼmo magokepi lokaeta maiʼneta yagaita apategaune. Lagaemo agaefeʼmo oʼageʼnona vekae, huta nehisunana lagaefeʼmo oʼapakeʼnova vayane, huno hugiye.

Yemisi 1:1

Nagaemo Yemisiʼnamo Gotiʼe Ala kava neʼmo Yesu Kalaisiʼeʼmo aliʼyaʼanimo neʼaluve. Nagaemo tuolofuʼa Yu nofi vayaʼmo kotapimo ataletapa atagu faetapa uteta huʼnaya vayaʼmogitapaeʼmo ge lapamamaeʼna mani gemo avoʼmo nekaove.

Leveleseni 19:9

Huʼa hutageno enisole vekamoʼmo hunoʼaeʼmo, Sipisipi vekamoʼmo aʼmo alisiya afinaʼmo neʼyaʼmo nesayafeʼmo eyo, huno ge huʼniya vayaʼmo Goti aulena vayaʼamo maiʼnae, huka avoʼmo kao. Mani gemo Goti lama geʼamo haneʼniye, huno naha paiʼniye.

Leveleseni 3:21

Nagaemo kamemo huʼa aeʼa neʼapakasaya vayaʼmo apamisugeʼa fai maiʼneʼna yagaiʼna neʼapatova siyateʼmo nagaeʼeʼmo fai maigae. Nagaemo kamemo huʼna aeʼna apakaseʼnogeno afoʼnimoʼmo fai maiʼneno yagaino neʼapateya siyaʼamo namiʼnigeʼna fai maiʼnova kava huʼa nagaeʼeʼmo fai maigae.

Leveleseni 4:4

Tuveti foʼa vayaʼmogi yagaiʼa apatesayafeʼmo siyamoʼa faino ku aiʼnigeʼa tuveti foʼa vayatama vayaʼmo ani siyateʼmo fai maiʼnae. Yaveyave kukena yaʼmo vaiʼa aliteʼa apakenopaleʼmo goli yafatetiʼmo alo huʼnaya kakolitamo kamemo huʼa aeʼa neʼapakasaya vayaʼmogi neʼmalaya agufa kakolitamo maleʼa aliʼnae.