Luki 22:19 - The Keyagana NT and 25 OT books

¹⁹ Peleti mayamo alino nunumuʼmo huno hao ke heteno alino akaya heno apamitenoʼaeʼmo, manimona nagufaʼniye. Lapakaetefeʼmo Gotina amiguve. Mani afinatetiʼmo nagaefeʼmo lapakesamo afita ho hisayafeʼmo ani kavaʼmo huge huge huta maiyo.

Luki 22:19 ပူးပေါင်းရင်းမြစ်များ

Samu 111:4

Ala kava neʼmoʼa alopa alagepa kavaʼmo huʼnigeʼa hapau aiʼnaya kavafeʼmo apake okaniʼa apakesamo afisayafeʼmo alino he tino apateʼniye. Agaemo fiku hapa maeno apamige hau huno apatege huno maiʼniye.

Salomoni Yokemae 1:4

Kagaemo nayate heka navayu hulika neʼegetao lagaemo nagu nagu huta eta kakame huta ugune. Kini vekamoʼmo navalelinuno noʼafiʼmo maisuvafeʼmo nateʼniye. Kao vayaʼmogitamo kagaefekeʼmo lamogaga aiteta amuse hugune. Apakaemo alagepa nofi alagafati anifeʼmo apakesamo afiteʼa apamogaga neʼaiyaʼmonanafa lagaefeʼmo kahau kayamopafiʼmo kahauʼniya kavafekeʼmo lagesa afifi huta lamogaga aigune. Fatago vayaʼmogi kagaefekeʼmo hapau apayamopafiʼmo nehapaiye.

Neniyo 2:38

Agaemo muki nofi vayaʼaitenagi muki afu anagaʼaitenagi nama anagaʼaitenagi huka yagaisanafeʼmo lekana paino kateʼniye. Agaemo alino kayapiʼmo alino apateʼnigeka mukiʼamogiteʼmo yagaika neʼapatane. Goliletiʼmo alo huʼnaya agenopamo kagaemae.

Matiyu 14:19

muki vayaʼaifeʼmo kahauleʼmo itopale maiyo, huno hapa paiteno faefuʼa peleti mayaʼe lole noyamelaʼeʼmo aliʼneno alino maku huno kokuʼnapi ageʼneno alino auleno ateteno peleti mayamo akaya heno geʼamo neʼafiya vayaʼmo apamiʼnigeʼa muki vayaʼaina apamiʼnae.

Matiyu 15:36

seveniʼa peleti mayaʼe noyameʼeʼmo aliʼneno Gotifeʼmo haoke heteno akaya heno geʼamo neʼafiya vayaʼmo apamiʼnigeʼa muki vayaʼaina apamiʼnae. Muki vayaʼamogimo neʼa apamu huʼnae.

Luki 22:17

Kapumo alino nunumuʼmo huno hao ke hetenoʼaeʼmo, alita fako huta neyo.

Luki 22:20

Neʼyaʼmo neteʼapaeʼmo ani kavaʼmo huno kapumo aliʼnenoʼaeʼmo, mani kapufi aniʼmo Gotiʼe lapakaeʼeʼmo magokepi lokaeta maisayafeʼmo saufa kotalakemo hu maleteʼna lapa maesiya kolaʼnimo aiʼna lakiguve.

Luki 24:30

Hiʼyalamuteʼmo anakaeʼeʼmo magokepi siyateʼmo fai maiʼnenoʼaeʼmo peleti mayamo aliʼneno nunumuʼmo huno hao ke heteno akaya heno anamiʼniye.

Yoni 6:23

Magoʼe sipimo Taipiliyasi kotegatiʼmo eʼa Yesuʼa neʼyaʼmo Gotifeʼmo hao ke heteno apamiʼnigeʼa neʼnayategamo eʼnae.

Yoni 6:51

Nagaemo afaʼa maisaya yaʼmo neʼapamiya peleti mayamo kokuʼnapatiʼmo emineʼniya peleti mayagana huʼna maiʼnove. Ina lagimo ani peleti mayamo neʼnisafigeʼa muki afinaʼmo afaʼa maige maige huʼa maigae. Apamisuva peleti mayamo nagufafati nameʼanimo haneʼniye. Ma mopafi vayaʼmo afaʼa maige maige huʼa maisayafeʼmo nameʼanimo apamiguve, huno hapa paiʼniye.

1 Kolitiyani 10:16

Lagaemo Ala kava neʼmo neʼyaʼmo nesunafeʼmo aote kapumo aliʼneta Gotifeʼmo hao ke heta nunumuʼmo nehune. Mani kapufi aniʼmo Kalaisi kolaʼamo netetaeʼmo afalu afalugana huta neʼnone. Ani kavaʼmo huta peleti mayamo akaya heta netaeʼmo Kalaisi agufaʼamo neʼnone.

1 Kolitiyani 10:4

Ani kava huʼa magoke agufa aniʼmo Goti Aunemeʼamoʼmo apamiʼniya aniʼmo magokepi neʼnae. Apakaemo Goti Aunemeʼamoʼmo apamiʼniya aniʼmo apakaeʼeʼmo magokepi lokaeno uʼniya yafapatiʼmo emineʼniya aniʼmo neme neme uʼnae. Ani yafaʼmo Kalaisiʼa maiʼniye.

Galesiya 1:4

Gotiʼa Afotimoʼmo hauʼnigeno Kalaisiʼa geʼamo akame huno hemenimo ma mopafi kavategatiʼmo lagufamo alino katino latesiyafeʼmo hosu kavatilefeʼmo agufamo amiteno faliʼniye.

Galesiya 4:25

Hegaʼa Sainai kotega avemo Alepiya kotega avemo auneʼamo maiʼniye. Sainai avemo haneʼniya kava huno hemenimo haneʼniya Yulusalemumo auneʼamo haneʼniye. Yulusalemuʼe Yulusalemu mafaʼneʼamogiʼeʼmo kalavusi aliʼyaʼmo neʼaliyaʼmonanafa

Efasasi 5:2

Kalaisiʼa lagaefeʼmo hau ayamopafiʼmo hauʼnigenoʼaeʼmo agufaʼamo sipisipimo amagiʼnaya agufa kavaʼmo huno alagepa atumo neʼaiya ofalinimo Gotiʼmo amiʼniya agufa kavaʼmo hutapa konagatapieʼmo lapau lapayamopafiʼmo lapauʼninagetapa maiyo.

1 Tesaloniyani 5:18

Muki agufa kavatefeʼmo Gotifekeʼmo hao ke heyo. Kalaisi Yesupiʼmo maiʼnetapaeʼmo ani kavaʼmo hisayafeʼmo Gotiʼa hauʼniye.

Taitasi 2:14

Agaemo muki keʼaepa gemo amagita ataleʼnona kavategatiʼmo miya faino hatu maeno latetenoʼaeʼmo hosu kavatimo aeno kalo paeno lateʼnigeta agaiʼa vayaʼamo maiʼneta layamukiki huta alagepa kavaʼmo huta maisunafeʼmo agaiʼa agufaʼamo ofalinigana huno Gotina amiʼniye.

1 Pita 2:24

Agaiʼageʼmo hosu kavatimo agufafiʼmo aliteno malipu yosaleʼmo faliʼniye. Hosu kavatilefeʼmo falitetaeʼmo alagepa kavaʼalefeʼmo afaʼa maisunafeʼmo faliʼniye. Amagiʼnageno fugaginaʼamoʼmo huʼniya kavaʼaletiʼmo Gotiʼa alino auleno lapateʼniye.