Luki 21:36 - The Keyagana NT and 25 OT books

³⁶ Inagi muki afinaʼmo kava yagaita maiyo. Muki afole aisiya kavaʼamo aeta agasesaya agufa kavaʼmo huta maiʼnetapaeʼmo Vemo Mafaʼnemo aulagaleʼmo he tita maisayafeʼmo nunumuʼmo hiyo, huno hapa paiʼniye.

Luki 21:36 ပူးပေါင်းရင်းမြစ်များ

Samu 1:5

Maiʼnayaʼmofeʼmo Gotifeʼmo mono nosaya vayaʼmo agoti huno apatesiya yateʼmo he tiʼa oʼmaiʼa alagi asagauʼa aigae. Inagi hosu kavaʼmo nehaya vayaʼmogimo fatago vayaʼmo aliʼa anupa huʼa maisayapiʼmo uʼa oʼmaigae.

Malakai 3:2

Egaiyaʼmonanafa ani esiya afinaʼmo haiya vayaʼmo afaʼa maigae. Agaemo afole aisigeʼapaeʼmo haiya vayaʼmo afaʼa he tiʼa maigae. Agaemo atafiʼmo siluva yafaʼmo kaeʼnagenoʼaeʼmo leno alagepa siluva yafaʼmo afole neʼaiya atakana huno afole aigiye. Agaemo sopuletiʼmo muki oʼaniʼya faiʼniya yaʼmo sese huʼnagenoʼaeʼmo aeno kalo nepaeya sopugana huno afole aigiye.

Matiyu 24:42

Ani kava hugayaʼmofeʼmo kava yagaita maiyo. Hainu afinaʼmo Ala kava netapimo eminesifi hutapa oʼafiʼnayaʼmofeʼmo yagaita maiyo.

Matiyu 24:43

Afiyo, huʼna, no aepa vekamoʼmo hainu afinaʼmo kumaya neʼaliya vekamo egaifi, huno agesamo afiʼniyesinana yagaino maiʼnisigeno eno noʼamo aeno yakino kumaya oʼaliʼniyesinaʼmofeʼmo

Matiyu 24:44

yagaita maiyo. Lapakaemo, hemenimo emiʼnoʼmegaiye, hutapa hisaya afinakeʼmo Vemo mafaʼnemo eminegaiyaʼmofeʼmo yagaita maiyo.

Matiyu 25:13

Vemo Mafaʼnemo hainu afinaʼmo eminesifi na agufa kanaleʼmo eminesifi, hutapa oʼafiʼnayaʼmofeʼmo alagepa hutapa kava yagaita maiyo, huno hapa paiʼniye.

Matiyu 26:41

Lapamalageka hisiya kavapiʼmo haita ofalesayafeʼmo kava yagaita maiʼnetapa nunumuʼmo hiyo. Lapaunelapameʼmoʼa hunoʼaeʼmo, afaʼa hugune, huno nehiyaʼmonanafa hisayafeʼmo amega lapakufamoʼmo lokiya noʼvaiye, huno hapa paiʼniye.

Matiyu 8:20

Yesuʼa geʼaleʼmo aeno atagaina huno ha painoʼaeʼmo, Afela kalamogi nehavaya kelimo hanege namamogi apanoʼmo hanege huʼniyaʼmonanafa Vemo mafaʼnemo havaesiya noʼmo ohaneʼniye, huno ha paiʼniye.

Maki 13:33

Hainu afinaʼmofi hutapa oʼafiʼnayaʼmofeʼmo ehetapiye, huʼna, kava yagaita maiʼnetapa nunumuʼmo hutapa maiyo.

Maki 13:37

Lapa nepauva agufa gemo huʼna muki vayaʼaifeʼmo kava yagaita maiyo, huʼna hapa nepauve, huno hapa paiʼniye.

Luki 1:19

nagaemo Gemaliyoʼnamae. Muki afinaʼmo Goti haopaleʼmo aliʼyaʼamo alisuvafeʼmo he tiʼna neʼmauve. Gotiʼa kagaemo kamogaga aisana gemo kaha paisuvafeʼmo alino nateʼnigeʼna kagaetegamo emiʼneʼnove.

Luki 18:1

Agaemo vayaʼmogimo muki afinaʼmo nunumuʼmo hisaya kavafeʼmo alagaʼmo hapaesigeʼa oʼatalesaya kavafeʼmo ani agufa gemo huno aeno kalafefa gemo huno hapa paiʼniye.

Luki 20:35

Gotiʼa mago vayaʼaifeʼmo hunoʼaeʼmo, saufa afinaʼmo faliʼnayategatiʼmo he tiʼa maisaya agufa kavaʼmo huʼa maiʼnae, huno agesamo neʼafiya vayaʼmo he tisaya afinaʼmo aʼmo oʼalige veleʼmo oʼmaige hugae.

Luki 21:35

Ma mopafi muki haopalegamo maiʼnaya vayaʼmo aneʼaiʼmoʼmo yagagafamo neʼatafaiya agufa kavakana huno apatafaugiye.

Apa 10:2

Agaemo mono huno maiʼnigeʼa agaeʼe konaga vayaʼaʼeʼmo Gotifeʼmo koli huteʼa mono huʼa maiʼnae. Agaemo Yu vayaʼmo monimo apamige hapa maege huno maiʼnenoʼaeʼmo muki afinaʼmo Gotifeʼmo nunumuʼmo huno maiʼniye.

1 Kolitiyani 16:13

Yagaitapa maiyo. Goti vayaʼamogimo apakesamo afiʼa fatago nehaya gelefeʼmo he titapa lokiya vaitapa maiyo. Alopa vayatama vayakana hutapa lokiya vaitapa maiyo.

2 Kolitiyani 4:14

Lagaemo afiʼnonana Ala kava neʼmo Yesuʼa ago alino he tino ateʼniya vekamoʼmo Yesuʼe lagaeʼeʼmo alino he tino latetenoʼaeʼmo lapakaeʼeʼmo lavalelinuno agaeʼeʼmo magokepi lokaeno latesigeta lokaeta maigune, huta afiʼnonaʼmofeʼmo ge nehune.

Kolosi 4:2

Nunumuʼmo nehutapaeʼmo oʼataleta alagepa huta kava yagaiʼnetapa Gotifekeʼmo hao ke hetapa nunumuʼmo huge huge hutapa maiyo.

1 Tesaloniyani 5:17

Muki afinaʼmo oʼataletapa nunumuʼmo hiyo.

2 Timoti 4:5

Afigayaʼmonanafa kagaemo muki afinaʼmo alagepa huka kagesamo afiteka kagaikaleʼmo alagepa huka yagaika kato. Hanageke yaʼmo neʼalikaeʼmo oʼataleka atafauka alagi huka maiyo. Uʼeʼa huʼa alagepa faigoko gemo aeʼa hakalo huʼa hapa nepaiya vayaʼmogi neʼaliya agufa aliʼyaʼmo lokiya vaika aliyo. Goti aliʼyaʼamo neʼalina aliʼyakamo muki agufa kavaʼalefeʼmo aliyo.

1 Pita 4:7

Muki yaʼamo alagi hano hisiya afinaʼmo ago hogo nehiyaʼmofeʼmo nunumuʼmo nehutapaeʼmo lapakufaleʼmo alagepa hutapa yagaita ateʼnetapa lapaipamo alo hiyo.

1 Pita 5:8

Kametapimo Sataniʼa kaekae nehiya laiyonigana huno maiʼnenoʼaeʼmo vayaʼmo hapaesiyafeʼmo umenitata nehiyanagi lapau maiʼmai osutapa alagepa huta kava yagaitapa maiyo.

1 Yoni 2:28

Aise mafaʼneʼnimogitapae, huʼna, Eminesigetaeʼmo lokiya vaita maiʼneta fala okisunageno aulagaleʼmo lavagage osisiyafeʼmo hemenimo agaepiʼmo alagi maigetao.

Yuti 1:24

Laha neʼmaeya Gotiʼa agaiʼageʼmo ageteno afiʼniya vekamo agiʼaleʼmo alita asaga huta ategetao. Agaemo alagi asagauta oʼaisayafeʼmo lapatafauno maigiye. Ha le konali vekamo aulagaleʼmo afaʼa lapavalelino esigenoʼaeʼmo vaiʼmo olapamisigetapa lusi kava hutapa lapamogaga aita maigae.

Leveleseni 11:4

Ani lole vekalaʼmoganimo lole alifi yosalakana huʼana maiʼneʼana lole lamulaʼmo neʼmalaya hiʼyalamutalakana huʼana maiʼnaʼae. Ma mopafiʼmo maiʼnaya vayaʼaiteʼmo yagaino neʼapateya Goti aulagaleʼmo he tiʼana maiʼnaʼae.

Leveleseni 6:17

Anaipamo leʼana neʼapataʼa afinaʼmo afole aiʼnigi haiya vayaʼmo afaʼa he tiʼa maigae, huʼa huʼnae.

Leveleseni 7:9

Ani kavaʼmo afole aitegeʼna ageʼnovana asole vayaʼmo lekana opaisuna agufa vayaʼmo muki alu kotega alu kotegamo neʼmaiya vayanagi muki alu nofi vaya alu nofi vayanagi muki alu apakufaʼe alu apakufaʼe vayanagi muki alu apake alu apakemo neʼaiya vayanagi huʼa yagaino neʼapateya vekamo siya aulagaʼe aikeli sipisipimo aulagaʼeʼmo eʼa he tiʼa maiʼnageʼna apakeʼnove. Apakaemo yatala yaveyaveʼage kukenamo vaiʼa aliʼnaya vayaʼmogi vayaveʼmo haitagana yaʼmo apayapiʼmo aliʼnae.

Leveleseni 8:2

Inagi ageʼnovana seveniʼa enisole vayaʼmo Goti aulagaleʼmo he tiʼa maiʼnaya enisole vayaʼmo apamiʼniya pikulimo aliteʼa maiʼnageʼna apakeʼnove.