Luki 21:27 - The Keyagana NT and 25 OT books

²⁷ Ani kavaʼmo hutesigenoʼaeʼmo Vemo Mafaʼnemo hiyateʼmo himamuʼaʼe alopa ha le konali yaʼaʼeʼmo eminesigeʼa agegae.

Luki 21:27 ပူးပေါင်းရင်းမြစ်များ

Neniyo 7:13

Haniʼilagamo nagaemo ani ageʼnova alagamunafiʼmo vemo mafaʼnegana huʼna mago vekamo ageʼnove. Agaemo hiyateʼmo eno akeyaʼvilagamo neʼmaiya Gotitegamo eʼnigeʼa avaleliʼuʼa Goti aulagaleʼmo ateʼnae.

Matiyu 24:30

Ani afinaʼmo Vemo mafaʼnemo eminesiya alagena kavaʼmo kokuʼnapiʼmo afole neʼaisigeʼapaeʼmo muki ma mopafi alu nofi vaya alu nofi vayaʼmogimo ageteʼapaeʼmo yulagefa aigae. Apakaemo agesayana Vemo mafaʼnemo kokuʼnapi hiya mopaleʼmo lokiyaʼaʼe ha le konali yaʼaʼeʼmo alinino eminesigeʼa agegae.

Matiyu 25:31

Vemo mafaʼnemoʼa ha le konali yaʼamo aliteno enisole vayaʼaʼeʼmo emineno yagaino apatesiyafeʼmo kini siyateʼmo fai maigiye.

Matiyu 26:64

ani gemo ago alagi nehane. Inagi nagaemo mukiʼamogitapaeʼmo magoʼe gemo lapa paiguve, lapakaemo agegayana Vemo mafaʼnemo lokiyaʼamo haneʼniya vekamo lamaga haopaleʼmo fai maiʼnenoʼaeʼmo he tino kokuʼnapi hiya mopaleʼmo eminesigetapa agegae, huno hapa paiʼniye.

Maki 13:26

Neʼatalesigeʼapaeʼmo agesayana Vemo mafaʼnemoʼmo ha le konali yaʼamo aliteno himamuʼaʼeʼmo hiyateʼmo eminesigeʼa agegae.

Luki 21:26

Kokuʼnapi maiʼnaya apaune vayaʼmo lokiyaʼapimo aino atagu faisigeʼapaeʼmo, na agufa kavaʼmo ma mopafiʼmo afole aigefe nehifi, huʼa apakesamo afiteʼapaeʼmo faliʼnaya vayakana huʼa maigae.

Leveleseni 1:7

Afiyo, huʼna, Hiyapiʼmo eminesigeʼa muki vayaʼmogimo agesageʼapaeʼmo agufafiʼmo nili aige faiteʼa atege huʼnaya vayaʼmogiʼeʼmo agegae. Muki ma mopafi alu nofi vaya alu nofi vayaʼmogimo ageteʼapaeʼmo yulagefa aigae. He, alagi lama ge, huno ani kavaʼmo afole aigiye.

Leveleseni 14:14

Hutegeʼna ageʼnovana yaveyave hiyaʼmo haneʼnigeno vemo mafaʼnemo ani hiyateʼmo fai maiʼnigeno agenopale kakolitamo aeʼa apakaseʼnaya vayaʼmogi neʼmalaya agufa kakolitamo haneʼnigeno ayapiʼmo ave nege nege naipemo aino fagagiʼniya naipemo aliʼnigeʼna ageʼnove.