Luki 21:25 - The Keyagana NT and 25 OT books

²⁵ Kokuʼnapi alagena kavaʼmo yege lenagi kai lenagi kanefi tenagi huno alu kava alu kavaʼmo afole aigiye. Solovala aniʼmoʼa aino holakau holakau huno uneno nehisigeʼapaeʼmo muki kotegamo maiʼnaya vayaʼmogi na agufa kavaʼmo hisune, huʼa huteʼa lusi kava huʼa koli hugae.

Luki 21:25 ပူးပေါင်းရင်းမြစ်များ

Aiyeya 5:30

Ani kavaʼmo afole aisiya afinaʼmo ati vayaʼmogi eʼa alopa solovala aniʼmoʼa aino holakau holakau huteno age neʼaiya kava huʼa alopa gefatiʼmo hugae. Ina kava huʼa asole asole ati vayaʼmo solovala anikana huʼa eʼa aeʼa apaka segae. Vayaʼmogimo mopamo aulu heʼa agesayana ani koʼmo hosuʼnisigeno hani huge vayaʼmo kana aliʼa hapau huge anupa hiyaʼmoʼa yegeleʼmo aino ati kaege hugiye.

Aiyeya 51:15

Nagaemo Ala kava neʼmo Gotitapimoʼnamo solovala aniteʼmo ame neʼalugenoʼaeʼmo alopa siʼmo afole aiteno alopa agemo aiteno avamusa gemoʼmo nehiye. Nagaemo nagiʼnimo haneʼniyana asole vayaʼaiteʼmo yagaiʼna neʼapatova Ala kava nene.

Neniyo 12:1

Ma mopafi vayakana agufa vekamoʼmo nagaemo Neniyoʼnaeʼmo magoʼe gemo naha painoʼaeʼmo, Ani afinaʼmo hogote enisole vekamo Maikoʼa lapakaemo Isaleli vayaʼmogitapaleʼmo yagaino nelapateya ala vekamo he tigiye. Ani afinaʼmo alagi alopa kana yaʼmo afole aigiye. Akeyaʼvilaga aepa faiʼniya afinatetiʼmo mago afole oʼaiʼniya agufa kana yaʼmo afole aigiye. Ani afinaʼmo Gotiʼa kagae nofi vayaʼmogi apakiʼapimo mukuʼafiʼmo avoʼmo kae maleʼnisiya vayaʼai apakufamo alino katino apategaiye.

Maika 7:4

Muki ani vayaʼmo alagi hosu vayaʼmo maiʼnayana ani vayapatiʼmo magoʼamogi aeʼa apakaseʼa aiseʼamo alagepa vayaʼmo hosu aufe nofi kahaukana huʼa maige vayaʼmo nehapaeya aufe nofikana huʼa maige huʼnae. Gotitegati gemo aliniʼeʼa aeʼa hakalo nehaya vayaʼmogi apavayafatiʼmo ehetapiye agufa gemo huʼa hapa paiʼapaeʼmo, Gotiʼa lapa painoʼaeʼmo, aliʼna hosu huʼna lapatalegauve, huno huʼniya afinaʼmo ago afole aigiye. Ani afinaʼmo apakesa afi yaʼmo alagepa huno ohanegaiyanageʼa negi nagi huʼa maigae.

Matiyu 24:29

Ani hanageke yaʼmo afole neʼaisigenoʼaeʼmo malage huno yegemo oleno hani nehisigenoʼaeʼmo kaimo olegaiye. Asole kanefiʼmo kokuʼnapatiʼmo asagauno neʼaisigeno kokuʼnapi neʼmaiya apaune vayaʼmogi atete hugae.

Matiyu 27:45

Felugakukuʼmo muki haopalegamo hani huteno loleʼe magoʼe aovamo utegeno halate uneʼmo yegemo leʼniye.

Maki 13:24

Ani afinaʼmo lusi hanageke yaʼmo afole aitesigenoʼaeʼmo yegemo olege kaimo olege hugiye.

Maki 13:26

Neʼatalesigeʼapaeʼmo agesayana Vemo mafaʼnemoʼmo ha le konali yaʼamo aliteno himamuʼaʼeʼmo hiyateʼmo eminesigeʼa agegae.

Maki 15:33

Felugakukuʼmo muki haopalegamo loleʼe magoʼe aovamo hani huteno uneʼmo yegemo leʼniye.

Luki 21:24

Ati vayaʼmogimo mago vayaʼamo naipeletiʼmo lugoʼapimo heʼa hatagauteʼa mago vayaʼamo kalavusi huʼa apateteʼa muki alu nofi vayaʼaitegamo apavaleli uʼa apategae. Alu nofi vayaʼmogimo eʼa Yulusalemu taonifiʼmo kamemo huteʼa aliʼa hosu huʼa ateme ateme neʼvisageno alu nofi vayaʼmogi kanaʼapimo alagi hano hugiye.

Luki 21:26

Kokuʼnapi maiʼnaya apaune vayaʼmo lokiyaʼapimo aino atagu faisigeʼapaeʼmo, na agufa kavaʼmo ma mopafiʼmo afole aigefe nehifi, huʼa apakesamo afiteʼapaeʼmo faliʼnaya vayakana huʼa maigae.

Apa 2:19

Noʼagaya agufa kavaʼmo kokuʼnapati huteʼna aliʼna apave liguve. Ma mopafiʼmo alu kavaʼmo huʼna apave liguve. Atamo leteno halina aisigeno yegemo olegaiye. Kaimoʼa haesaʼage huteno kolakana nehisigeno Ala kava neʼmo afinaʼmo hogote afinaʼamo afole aigiye.

Leveleseni 20:11

Hutegeʼnaeʼmo ageʼnovana alopa yaveyave siyamo yagaino neʼapateya vekamo siyaʼamo haneʼnigeno mago vekamo ani siyateʼmo fai maiʼnigeʼna ageʼnove. Ma mopaʼe kokuʼnaʼeʼmo ani vekamo augosamo neʼageʼanaeʼmo anaune heʼana uʼana alagi lageso huʼnaʼae.