Luki 21:22 - The Keyagana NT and 25 OT books

²² Goti mukufiʼmo avoʼmo kae maleʼnaya gemo afole aisiyafeʼmo Gotiʼa ani afinaʼmo anonaʼapilefeʼmo lusi kava huno kayoʼmo apamigiye.

Luki 21:22 ပူးပေါင်းရင်းမြစ်များ

Aiyeya 61:2

Ala kava neʼmoʼa fiku hapa maeno apamisiya afinaʼmo afole aiʼniye, huʼna hapa paige Gotiʼa hosu kavaʼapimo anonaʼapilefeʼmo kayoʼmo apamisiya afinaʼmo afole aiʼniye, huʼna hapa paige yulagefa neʼaiya vayaʼmo apaipamo aliʼna falu huʼna apatege hisuvafeʼmo alino nateʼnigeʼna eʼnove.

Aiyeya 63:4

Hosu kavaʼmo anonaʼapilefeʼmo kayoʼmo apamisuva afinafeʼmo nagesamo neʼafuve. Nagaemo vayaʼnimo miya faiʼna hatu maeʼna apatesuva afinaʼeʼmo ago afole aiʼniye.

Malakai 4:1

Ala kava neʼmo muki vayaʼaiteʼmo yagaino neʼapateya vekamoʼmo hunoʼaeʼmo, Afiyo, huno, Mago afinaʼmo afole aisigenoʼaeʼmo alopa sitopufiʼmo ata neleya agufa kavaʼmo huno himuʼnamu kavaʼmo nehaya vayaʼe hosu vayaʼeʼmo vaiʼniya kahaugana huʼa maiʼnisageno atamoʼa apaleno pasaga ligiye. Ani afinaʼmo atamoʼmo yosaʼaʼe hafuʼyaʼaʼeʼmo leno saga lisigeno alagi ohanegaiye.

Matiyu 1:22

Ala kava neʼmoʼa agaetegati gemo alinineno aeno hakalo huno hapa nepaiya vekamo avayafatiʼmo huʼniya gemo alagi afole aisiyafeʼmo ani kavaʼmo afole aiʼniye.

Lomu 2:5

Kaipamo alika afe oleʼnanaʼmonanafa kaipamoʼmo lokiya vaiʼnigeka afaʼa maiʼnekaeʼmo Gotiʼa aipamo leno nekateya kayoʼmo alo huka maleme maleme neʼanagenoʼaeʼmo ko nesiye. Gotiʼa aipamo leno neʼapateyanageno vayaʼai apaulagaleʼmo alino alagepa huno agoti huno apatesiya afinaʼmo mani kayoʼmo kamigiye.

2 Pita 2:9

Inagi Ala kava neʼmoʼa agaefeʼmo mono nehaya vayaʼai apakufamo alino katino apatetenoʼaeʼmo hosu kavaʼmo huʼnaya vayaʼmo kayoʼmo apamiteno agoti huno apatesiya afinaʼmo yagaino apatesiyafeʼmo ageʼniye.

2 Pita 3:7

Ani kavaʼmo huno Gotiʼa ma mopaʼe kokuʼnaʼefeʼmohunoʼaeʼmo, afaʼa haneno, huno huʼnigeno haneʼniyanageno atamoʼa leno saga lisiyafeʼmo afaʼa haneʼniye. Gotiʼa yagaino ateʼnigeno haneme haneme neʼeyanageno Gotiʼa agaefeʼmo mono nosaya vayaʼaina agoti huno apateteno alino apagoʼya lagauno apatalegaiye.