Luki 21:21 - The Keyagana NT and 25 OT books

²¹ Ani afinaʼmo Yutiya kotega maiʼnisaya vayaʼmo apaune hetaleʼa avelegamo uʼa haiyo. Alopa taonifiʼmo maiʼnisaya vayaʼmo ataleʼa apaune heʼa viyo. Malaga maiʼnisaya vayaʼmogimo Yulusalemu taonifiʼmo uʼa ohaiyo.

Luki 21:21 ပူးပေါင်းရင်းမြစ်များ

Aepa Gemae 19:17

Malaga uʼana apateteʼanaeʼmo mago enisole vekamoʼmo hunoʼaeʼmo, ofalitapa afaʼa maisayafeʼmo faita kasalo paetaletapa lapaune hetapa viyo. Neʼutapaeʼmo halate lapakamelegamo aita afe letapa oʼageyo. Lapakaemo mani otufiʼmo oʼmaitapa faita kasalo paetaletapa uta haitapa avelegamo maiyo fiku yanagetapa faligae, huno ha paiʼniye.

Aepa Gemae 19:26

Huʼniyaʼmonanafa Loti aʼmoʼmo Lotiʼmo akame huno neʼunoʼaeʼmo halate aino afe leno akamelegamo aulu heno neʼagegenoʼaeʼmo malage huno hage posi yosagana huno alino hamaleʼniye.

Mai'naya kavane 22:3

Alagepa kavaʼmo hisiyafeʼmo afiʼniya vekamoʼmo nagaeteʼmo hanageke yaʼmo afole aigiye, huno agetenoʼaeʼmo maino halove huno neʼmaiyaʼmonanafa oʼafiʼnaya vayaʼmogimo hanageke yaʼmo alisaya kateʼmo neʼuʼapaeʼmo hanageke yaʼmo neʼaliye.

Napa 16:26

Agaemo muki vayaʼaifeʼmo hapa painoʼaeʼmo. Hemenimo lapakaemo mani hosu vayaʼai seli noʼapiletiʼmo ataletapa viyo. Kagemiyaʼapileʼmo ame oʼaliyo. Fiku yanagetapa apakaeʼeʼmo lokaetapa maisayana muki hosu kavaʼapifiʼmo faligae.

Matiyu 2:1

Maliyaʼa Yesuʼmo Metelehamu taonifiʼmo Yuta kotegamo Helotiʼa kini vekamo maiʼneno vayaʼaiteʼmo yagaino apateʼniya afinaʼmo alino ateʼniye. Alino ateʼnigeʼapaeʼmo kanefiʼmo alagepa huʼa neʼagaya vayaʼmo yegemo haine neʼeya kotegatiʼmo eʼa Yulusalemu taonifiʼmo avaʼyi huteʼapaeʼmo,

Matiyu 24:16

agetetapaeʼmo Yuta kotega maiʼnaya vayaʼmo lapaune hetapa avelegamo uta haiyo.

Maki 13:15

Inagi nokatomule maiʼnisaya vayaʼmogimo kagemi yaʼapimo aliniʼa visayafeʼmo uʼa lamiʼa noʼapifiʼmo uʼa ohaiyo.

Leveleseni 18:4

Huno hutegeno mago alu vekamoʼmo kokuʼnapatiʼmo hunoʼaeʼmo, Vayaʼnimogitapae, huno, kumai kavaʼmo nehiya a kanomo ataletapa eyo. Fiku yanagetapa agaeʼeʼmo magokepi lokaeta hosu kavaʼmo vaiʼamo alige amisuva kayoʼmo alige hugae.