Luki 20:35 - The Keyagana NT and 25 OT books

³⁵ Gotiʼa mago vayaʼaifeʼmo hunoʼaeʼmo, saufa afinaʼmo faliʼnayategatiʼmo he tiʼa maisaya agufa kavaʼmo huʼa maiʼnae, huno agesamo neʼafiya vayaʼmo he tisaya afinaʼmo aʼmo oʼalige veleʼmo oʼmaige hugae.

Luki 20:35 ပူးပေါင်းရင်းမြစ်များ

Matiyu 12:32

Mago vayaʼmogi Vemo mafaʼneeʼmo huʼa faipa huʼa atesaya hosu kavaʼapimo afaʼa alino atalegaiyaʼmonanafa aote Aunemeʼaeʼmo huʼa faipa huʼa atesaya hosu kavaʼapimo hemenimo alino oʼatalege afole aisiya afinaʼmo alagi alino oʼatalege hugiye.

Matiyu 22:29

Yesuʼa hapa painoʼaeʼmo, lapakaemo Goti Mukufi gemo oʼafige Goti lokiyaʼamo oʼagege huʼnayaʼmofeʼmo ika ika lapakesamo neʼafiye.

Maki 10:42

Yesuʼa ge huʼnigeʼa eʼnagenoʼaeʼmo, Yu nofi vayapati oʼmaiʼnaya vayaʼaiteʼmo yagaiʼa neʼapataya vayaʼmogi aliʼa afepi apateteʼa yagaiʼa neʼapatae. Ina kava huʼa ala apaki vayaʼmogi ina kava hiyo ma kava hiyo, huʼa nehae.

Maki 12:24

Afi geʼnagenoʼaeʼmo, lapakaemo Goti mukufi gemo oʼafige Goti lokiyaʼamo oʼagege huʼnayaʼmofeʼmo ika ika lapakesamo neʼafiye.

Luki 16:8

Aliʼyaʼmo afoʼamoʼmo kagemi yaʼaleʼmo hosu kavaʼmo huno yagaino ateʼniya vekamo agiʼaleʼmo alino asaga huno atetenoʼaeʼmo, agufaeʼmo alagepa huno agesamo afiʼniye, huno huʼniye. Ma mopafi vayaʼmogimo ma mopafi vayaʼaitegamo alu kava alu kavaʼmo hisayafeʼmo alagepa huʼa apakesamo afiteʼa hale yateʼmo neʼmaiya vayaʼmo aeʼa apaka seʼa maiʼnae.

Luki 21:36

Inagi muki afinaʼmo kava yagaita maiyo. Muki afole aisiya kavaʼamo aeta agasesaya agufa kavaʼmo huta maiʼnetapaeʼmo Vemo Mafaʼnemo aulagaleʼmo he tita maisayafeʼmo nunumuʼmo hiyo, huno hapa paiʼniye.

Apa 24:15

Apakaemo muki hosu vayaʼe alagepa vayaʼeʼmo faliʼnayatetiʼmo he tigae, huʼa apakesamo afiʼa fatago huteʼa apavayagunagu huʼa agava maiʼnaya kava huʼna nagesamo afiʼna fatago huteʼna navayagunagu huʼna agava neʼmauve.

Apa 5:41

Apa vayaʼmo kanisole vayaʼai nopatiʼmo ataleʼa kumatega uʼa nelamiʼapaeʼmo, Vae, huʼa, Gotiʼa lagaefeʼmo hunoʼaeʼmo, Yesu agiʼalefeʼmo apavagage hisaya yaʼmo afaʼa alisaya agufa kavaʼmo huʼa maiʼnae, huno agesa afiʼniye, huʼa huteʼa lusi kava huʼa apamogaga aiʼnae.

2 Tesaloniyani 1:5

Lapakaemo Gotiʼa yagaino neʼapateya koteʼmo afaʼa uta haitapa maisaya kavaʼmo hutapa maiʼnae, huno hisiyafeʼmo ani kana yaʼmo aligae, huteno fako huno lapamiʼnigetapa aliʼnae.

Himulu 11:35

Gotiʼa apakesamo afiʼa fatago huʼnaya kavatetiʼmo mafaʼneʼapimo faliʼnayatetiʼmo halate alino he tino apateʼnigeʼa itaʼapimogimo halate apavaleʼnae. Huʼnayaʼmonanafa magoʼamo apakafu kiʼnigeʼa faliʼnae. Kame vayaʼapimogimo huʼapaeʼmo, lapakaemo atalesayana afaʼa hatu maeta lapategaune, huʼa hapa paiʼnageʼapaeʼmo kanolufatiʼmo he tiʼapaeʼmo maige maige huʼa maisaya kavafeʼmo apakesamo afiteʼapaeʼmo, oʼatalegaune, huʼa huʼnae.

Leveleseni 3:4

Mago Satisi taonifiʼmo maiʼnaya siosi vayaʼamogitapamo kukenatapileʼmo oʼaniʼyamo ofaiʼniye. Lapakaemo yaveyave kukenamo vaitetapa nagaeʼeʼmo umenitata hisaya vayaʼmo maiʼnae.