Luki 20:22 - The Keyagana NT and 25 OT books

²² Humi atesayafeʼmo lagaemo Goti keʼaepa geʼamo akame hisunafeʼmo takesi monimo gamani vekamo yagaino nelateya vekamo Sisana amisupi oʼamisune, huʼa ge huʼa afi geʼnageno

Luki 20:22 ပူးပေါင်းရင်းမြစ်များ

Esala 4:13

Nehayaʼmofeʼmo kini vekae, huʼna, afiyo. Apakaemo halate ani taonimo kige yafa kegiʼyamo huʼa hano huge hisayaʼmoʼmo Yuta vayaʼmogimo takesi monimo okamisageka gamani monieʼmo kafu hugane.

Esala 9:7

Laginago vayaʼmo maiʼnaya afinatetiʼmo eno hemeniʼeʼmo lagaemo vayakamogitamogi kini vayatigi mono huʼa nelataya vayatigi huta magoʼe huta alopa hosu kavaʼmo huʼnone. Huʼnonaʼmofeʼmo kagaemo alu kotega kini vayaʼmo alika apateʼnanageʼa eʼa lagaemo kamitimo lahaeteʼa muki yatimo kumaya aliteʼa afagi kotegamo lavaleliʼuʼa kalavusi huʼa lateʼnae. Akeyaʼvilaga lusi kava huʼa apavagage yaʼmo aliʼnaya agufa kavakeʼmo huta hemeniʼeʼmo lagaemo ani agufa kavakeʼmo nehune.

Matiyu 17:25

Pitaʼa nopiʼmo uno haiʼnigenoʼaeʼmo Yesuʼa hogoteno ge huno afi geʼniye, Saimoniyo, huno, na agufa kagesamo neʼafine. Ma mopafiʼmo yagaiʼa neʼapataya ala vayaʼapimogi haiya vayaʼaitetiʼmo kagemi yatefeʼmo neʼaliya takesiʼe apakilefeʼmo neʼaliya takesiʼeʼmo neʼaliye. Mafaʼneʼapiletiʼeʼmo neʼalifi alu kotega vayaʼaitetiʼeʼmo neʼaliye, huno afi geʼnigenoʼaeʼmo,

Luki 20:21

Apakaemo, tisao, huʼa, lagaemo ago kageʼnonana lama gemo alagepa huka alika apaya neʼmalane. Goti geʼamo akame hisaya kateʼmo visaya kavafeʼmo lama gekaletiʼmo alika apaya neʼmalanageta kageʼnone.

Luki 20:23

huʼnaya gemo afitenoʼaeʼmo,

Luki 23:2

Apakaemo aepa faiʼa agoti huʼa ateʼapaeʼmo, mani vekamoʼmo hunoʼaeʼmo, Gamani vayaʼmogi gemo oʼafiyo. Alatapimo Sisaʼmo takesi monimo oʼamiyo. Nagaemo Kalaisi vekamo alatapimo kini vekamo maiʼnove, huno laha paiʼnigeta afiʼnone, huʼa ha paiʼnageno

Apa 5:37

Henagaʼamo mago Galeliya kotega vekamo agiʼamo Yutasiʼa apaki alisaya afinaʼmo afole aiʼnigenoʼaeʼmo asole vayaʼmogi eʼa akame hisayafeʼmo apayateʼmo aliʼniye. Agaemo faliʼnigeʼa muki akame huʼnaya vayaʼmo ataleʼuʼeʼa huʼnae.

Lomu 13:7

Muki vayaʼmo afaʼa apataletapa apamisaya yaʼmo apamiyo. Anonatapilefeʼmo takesi monimo lapakitapileʼmo apamige alu takesi monimo apamige hiyo. Apaiyafiʼmo maiʼnisaya vayaʼai apaiyafiʼmo maiyo. Apakiʼapileʼmo aliʼa asaga hisaya vayaʼai apakiʼapileʼmo alita asaga hiyo.