Luki 20:20 - The Keyagana NT and 25 OT books

²⁰ Kalavusi huʼa atesaya kavafeʼmo amasa hisaya vayaʼmo aliʼa apateʼnageʼa uʼa maiʼneʼapaeʼmo Yesuʼa alagepa huʼa eʼa maiʼnae, huno apakesiyafeʼmo aigofe kavaʼmo huʼa maiʼneʼa geʼamo afiʼnae. Geʼamo afiteʼapaeʼmo, hosu gemo nehisigetaeʼmo atafauta kalavusi huta ateteta Lomu vekamo yagaino nelateya vekamo avalelita uta amigune, huʼa huʼnae.

Luki 20:20 ပူးပေါင်းရင်းမြစ်များ

Samu 38:12

Namagisayafeʼmo nehaya vayaʼmogimo aneʼaimo hanagi maleʼnae. Namagisayafeʼmo nehaya vayaʼmogimo nagaetegamo hisaya kavafeʼmo muki afinaʼmo apakesa afifi huʼa maiʼneʼa namagisaya kafeʼmo kahauya huʼa agesayafeʼmo nehae.

Samu 66:3

Lapakaemo Gotifeʼmo hutapaeʼmo, Alopa kavaʼmo nehanagetaeʼmo lahau aiteta kolikamo nehune. Lokiyakamo magoʼe huno alopa yaʼmo haneʼniyaʼmofeʼmo kame vayakamogimo kagaefeʼmo koli huteʼa apaleʼyamo nefaiye.

Samu 81:15

Isaleli vayaʼmogimo geʼnimo akame huʼnaesinana nagaefeʼmo apaini nehaya vayaʼmogi lusi kava huʼa koli huteʼa nagaeteʼmo aigofe kava huʼa apaleʼyamo faiʼnaesine. Nagaeteʼmo aigofe kavaʼmo huʼnaesinaʼmonanafa muki afinaʼaeʼmo kayoʼmo apamiguve.

Neniyo 6:4

Agesamo afiʼniyaʼmofeʼmo ani kavafeʼmo ohapauʼnigeʼa lole hogote vekalanagi polovenesile yagaiʼnaya vayanagi huʼa Neniyoʼmo gamani aliʼyaʼafiʼmo mago afole aiʼnisiya hosu kavaʼamo ageteʼa agoti huʼa atesayafeʼmo amalageka huʼa kahauya huʼnayaʼmonanafa mago hosu kavaʼamo oʼageʼnae. Muki afinaʼmo alagepa aliʼyaʼmo aliʼniyaʼmofeʼmo mago kayagi kayaga kavaʼamofi hosu kavaʼamofi huʼa oʼageʼnae.

Matiyu 27:2

Nofitetiʼmo ayatalateʼmo kiʼa ateteʼa avaleli uʼa gamani vekamo yagaino neʼapateya vekamo Pailati ayapiʼmo ateʼnae.

Maki 3:2

Mago vayaʼamogimo agoti huʼa atesayafeʼmo ageʼa maiʼneʼapaeʼmo, Sapati afinaʼmo alino api aeno atesifigeta agegaune, huʼa huʼnae.

Luki 11:54

Agoti huʼa atesayafeʼmo hosu gemo hisiyaʼaeʼmae, huʼa huteʼa aneʼaimo hanagigekana hu maleteʼa yagaiʼa maiteʼa afiʼa maiʼnae.

Luki 20:21

Apakaemo, tisao, huʼa, lagaemo ago kageʼnonana lama gemo alagepa huka alika apaya neʼmalane. Goti geʼamo akame hisaya kateʼmo visaya kavafeʼmo lama gekaletiʼmo alika apaya neʼmalanageta kageʼnone.

Luki 20:26

afiteʼapaeʼmo hapau aiteʼa ge osuʼa maiʼnae. Apakaemo vayaʼai apaulagaleʼmo geʼaleʼmo huʼa atafauʼa atesayafeʼmo huʼnayana huʼa atafauʼa oʼateʼnae.

2 Pita 2:3

Apakaemo hapaʼye huʼninageʼa aigofe geʼapiletiʼmo lapakaetetiʼmo muki kagemi yatapiʼe monitapiʼeʼmo alisayafeʼmo hugae. Muki afinaʼmo agoti huno apatesiya vekamo fikumo noʼmaifa alo hunoʼageʼmo neʼmaiye. Alino apagoʼya lagauno apatalesiya vekamo muki afinaʼmo au nokale.