Luki 19:8 - The Keyagana NT and 25 OT books

⁸ Sakiyasiʼa muki vayaʼai apaulagaleʼmo he tino maiʼnenoʼaeʼmo, Ala kava nene, huno, ago, huno, kagemi yaʼnimo folagapatiʼmo aliʼna fako huʼna kagemi yaʼapimo ohaneʼnisiya vayaʼaina apamiteʼna mago vayaʼaifeʼmo aigofe gemo huteʼna kumayaʼmo aliʼnisuvana foʼa afinaʼmo aliʼna fako huʼna anonaʼapilefeʼmo apamite apamite huʼna neʼapamuve, huno ha paiʼnigeno

Luki 19:8 ပူးပေါင်းရင်းမြစ်များ

2 Samiyo 12:6

Agaemo anonaʼalefeʼmo loleʼe loleʼe sipisipimo kagemiyaʼamo ohaneʼniya vekamo aeno amigiye. Alagi hosu kavaʼmo huteno mago aiseʼamo hau huno oʼateʼniye.

Samu 41:1

Kagemi yaʼapimo ohaneʼniya vayaʼaifeʼmo apakesamo neʼafiya vayaʼmo aulena vayaʼmo maiʼnae. Ala kava neʼmoʼa hanageke yapatiʼmo apakufamo alino katino apategaiye.

Hatu maeno apate'niya gemae 20:16

Mago alu vekaeʼmo aigofe gemo ha opaiyo.

Mai'naya kavane 6:31

Ani huʼniya kavaʼmo agesayana agoti huʼa atesageno ani huʼniya kavaʼmo anonaʼalefeʼmo asole yaʼmo apamigiye. Muki noʼafiʼmo haneʼnisiya yaʼamo alagi apamino hano hugiye.

Luki 11:41

Lapakaemo agotofulega sese nehayaʼmonanafa aguʼafilaga haneʼniya yaʼaʼeʼmo alita kagemi yaʼapimo ohaneʼniya vayaʼmo apamigeno lapakaetefeʼmo muki yaʼmo alagepa huno haneno.

Luki 12:33

Kagemiyatapimo alita maketi higeʼa miya faitesagetapa alisaya monimo alita fako huta kagemi yaʼapimo ohaneʼnisiya vayaʼmo apamiyo. Kokuʼnapiʼmo alagepa kagemi yatapimo malegenoʼao hano osuno afaʼa haneno. Kokuʼnapi yatapimo kumayaʼmo oʼalige kafamoʼmo oʼnege hisigeno alagepa huno hanege hanege huno hanesiya yatapimo lapaya mukiki huta aliyo.

Luki 16:9

Nagaemo lapa nepauve, huno, ma mopafi hosu moniletiʼmo alita lapao yaʼmo hiyo. Lapakaemo falisageʼa lapao vayaʼmogi aliʼa falu fala huʼa lapatetesagetapaeʼmo nopiʼmo hanege hanege huno hanesiya noʼapifiʼmo uta haigae.

Luki 19:7

Ani kavaʼmo ageteʼapaeʼmo, hosu vekamo nopiʼmo uno haiʼniye, huʼa huteʼa hagalu hagalu huʼa ge hauʼnae.

Luki 7:13

Ala kava neʼmoʼa kogu a kanomo agetenoʼaeʼmo hau huno ateteno, aviʼyaʼmo osuvo, huno ha paiteno

Luki 7:19

Yoniʼa geʼamo neʼafiʼa vekalaʼanifeʼmo ge huʼnigeʼana eʼnaʼageno Yesutegamo utanaeʼmo, afole aigiye, huʼa huʼnaya vekamo maiʼnapi alu vekaeʼmo agava maisune, hutana ge hutana afi geʼao, huno hana paiteno alino anateʼnigeʼana Yesutegamo uʼnaʼae.

1 Samiyo 12:3

Hemenimo manileʼmo maiʼnove. Nagaemo mago hosu kavaʼmo lapakaetegamo huʼnisuvaʼmoʼmo Ala kava neʼmo aulagaleʼe lekana paino ateʼniya kini vekamo aulagaleʼeʼmo agoti hutapa nateyo. Nagaemo ina la ve pulumakaʼamofi nokiʼamofi huʼna avaleʼnove. Ina lafeʼmo aigofe gemo huteʼna kumaya aliʼnove. Nagaemo ina laʼmo kana yaʼmo amiteʼna aliʼna hosu huʼna ateʼnove. Ina laʼmo nagaemo hosu kavaʼmo hisuvafeʼmo mago yaʼmo fikumo namiʼniye. Nagaemo mago ani agufa kavaʼmo lapakaetegamo huʼnisuvaʼmoʼmo ani kava huʼnisuva anonatapilefeʼmo aliʼna alagepa huʼna lapamiguve.