Luki 19:12 - The Keyagana NT and 25 OT books

¹² Mago yagaino neʼapateya nofi vayapati vekamoʼmo hunoʼaeʼmo, Ala kini vekamo afagi kotega maiʼniyategamo visugeno lekana paino natesigeʼna halate aiʼna atagi neʼna eʼna ala kini vekamo maiguve, huno agesamo afiʼniye.

Luki 19:12 ပူးပေါင်းရင်းမြစ်များ

Matiyu 21:38

Eʼnigeʼa hoyaʼaleʼmo yagaiʼnaya vayaʼmogi ageteʼapaeʼmo, ani mafaʼneʼamoʼmo afoʼamo hoyamo aligiye. Amagisunageno falitesigeta agaemo alisiya hoyamo lagaemo aligune, huʼa huteʼa

Matiyu 28:18

Yesuʼa apakaetegamo enoʼaeʼmo, muki himamuʼamo kokuʼnapinagi ma mopafi kavatenagi vayaʼaitenagi huʼna yagaisuva himamuʼamo ago namiʼniye.

Maki 12:1

Yesuʼa aepa faino aeno kalafefa gemo huno hapa painoʼaeʼmo, mago vekamoʼmo nofi hoyamo vai maleʼneno kegiʼya huno vego hu maleteno nofi alagamo aeʼa lata paisageno aniʼamo uno lamisiya kelimo kafiteno yatala noʼmo ani hoyaleʼmo yagaiʼa maisaya vayaʼai noʼmo ki maleʼniye. Agaemo mago vayaʼmogi yagaiʼa ateʼnisageno nofi alaga afu lesigeʼapaeʼmo apakaemo ani nofi alagamo lagisayafeʼmo apavaleno apateteno afagi kotega uʼniye.

Maki 16:19

Ala kava neʼmoʼa ani ge huno hapa paitegenoʼaeʼmo Gotiʼa kokuʼnapiʼmo avalelinuno haino ateʼnigeno lamaga haopaleʼmo fai maiʼniye.

Luki 20:9

Yesuʼa aepa faino aeno kalafefa gemo huno hapa painoʼaeʼmo, mago vekamoʼmo nofi hoyamo vai maleteno mago vayaʼmogi yagaiʼa ateʼnisageno nofi alagamo afu lesigeno agaiʼamo mago nofi alagaʼamo alisigeʼa apakaemo mago nofi alagaʼamo alisayafeʼmo apavaleno apateteno afagi kotegamo uno yatala afinaʼmo maiʼniye.

Luki 24:51

Gotiʼa kokuʼnapiʼmo avalelino uno haiʼniye.

Yoni 18:37

Pailatiʼa hunoʼaeʼmo, ani gemo huʼnanaʼmofeʼmo ala vekaʼapimo yagaika neʼapatana kini vekamo maiʼnapiye, huno afi geʼnigenoʼaeʼmo, he, ani gemo alagi lama gemo nehane. Itaʼnimoʼmo alino nateʼnigeʼnaeʼmo magoke kavaʼmo huʼna lama geleʼmo ha maesuvafeʼmo ma mopafiʼmo afole aiʼnove. Muki vayaʼmo lama gemo ao vayaʼmogi geʼnimo neʼafiye, huno ha paiʼnigeno

Apa 17:31

Gotiʼa agoti huno apatesiya afinaʼmo lekana pai maleteno agoti huno apatesiya vekamo ago lekana paino ateʼniye. Lekana paino ateʼniya vekamoʼmo alagi lama geʼaletikeʼmo alino alagepa huno agoti huno apategaiye. Muki vayaʼmogimo ani kavatefeʼmo magoke apaipa apakesamo alisayafeʼmo Gotiʼa ani vekamo faliʼniyatetiʼmo ago alino he tino ateʼniye, huno hapa paiʼniye.

1 Kolitiyani 15:25

Kalaisiʼa hemenimo yagaino apateme apateme neʼviyanageno muki kame vayaʼamo alino aiyafiʼmo apategaiye.

Himulu 9:28

Ani gelefeʼmo Kalaisiʼa asole vayaʼai hosu kavaʼapimo alino kofisiyafeʼmo magoke afinaʼmo agaiʼa agufamo Gotina amiʼniye. Agaemo henagaʼamo asole vayaʼai hosu kavaʼapimo alino kofisiyafeʼmo ma mopafiʼmo emiʼnoʼmegaifa agaefeʼmo agava neʼmaiya vayaʼai apakufamo alagi alino katino apatesiyafeʼmo apaulagaleʼmo eminegaiye.

1 Pita 3:22

Kalaisiʼa he tino kokuʼnapiʼmo uno haino Goti lamaga haopaleʼmo maiʼneno muki vayaʼaiteʼmo yagaino neʼapate. Gotiʼa enisole vayanagi yagaiʼa neʼapataya vayanagi lokiya apauneʼapameʼe vayanagi huno alino Kalaisi aiyafiʼmo apateʼnigeno yagaino neʼapate.

Leveleseni 1:7

Afiyo, huʼna, Hiyapiʼmo eminesigeʼa muki vayaʼmogimo agesageʼapaeʼmo agufafiʼmo nili aige faiteʼa atege huʼnaya vayaʼmogiʼeʼmo agegae. Muki ma mopafi alu nofi vaya alu nofi vayaʼmogimo ageteʼapaeʼmo yulagefa aigae. He, alagi lama ge, huno ani kavaʼmo afole aigiye.