Luki 19:10 - The Keyagana NT and 25 OT books

¹⁰ Vemo Mafaʼnemoʼmo afela heʼnaya vayaʼmo kahauya huno apaketeno apakufamo alino katino apatesiyafeʼmo emineʼniyaʼmofeʼmo ani kavaʼmo ago afole aiʼniye, huno hapa paiʼniye.

Luki 19:10 ပူးပေါင်းရင်းမြစ်များ

Matiyu 1:21

Agaemo ve mafaʼnemo alino atesigenoʼaeʼmo ani mafaʼnemoʼmo vayaʼamo hosu kavapatiʼmo apakufamo alino katino apategaiyaʼmofeʼmo agiʼamo Yesuʼae huka ato, huno ha paiʼniye.

Matiyu 10:6

Isaleli vayapatiʼmo afela heʼnaya sipisipi vayaʼaitegageʼmo viyo.

Matiyu 15:24

Yesuʼa, Gotiʼa naha painoʼaeʼmo, Yu nofi vayaʼmo afela heʼnaya sipisipi vayaʼalegageʼmo uvo, huno huteno alino nateʼnigeʼna emineʼnove, huno ha paiʼniye.

Matiyu 18:10

Ehetapiye, huno, aise mafaʼne anagaʼaifeʼmo ina agufa vayane, hutapa osiyo. Lapa nepauve, huno, yagaiʼa neʼapataya enisole vayaʼmogimo muki afinaʼmo kokuʼnapi afoʼnimo augosafiʼmo ageʼnae.

Matiyu 18:11

Vemo mafaʼnemoʼmo afela heʼnaya vayaʼai apakufamo alino katino apatesiyafeʼmo emineʼniye.

Luki 15:32

Kaganakamoʼmo faliʼniya kavategatiʼmo eno afaʼa maisiya kavategamo maiʼniye. Afela heʼniyategatiʼmo eʼnigeʼna ageteʼnaeʼmo halate avaleʼnovaʼmofeʼmo kanale kavanageta laipamoʼmo falu huʼnigeta lamogaga neʼaune, huno ha paiʼniye, huno Yesuʼa hapa paiʼniye.

Luki 15:8

Ani kavaʼmo huno mago a kanomoʼmo naya loleʼa vani kina laga monimo maleʼniya monifatiʼmo magoke monimo lageso hisigenoʼaeʼmo lamufiʼmo kani aeno kaeteno noʼafiʼmo muki yaʼafilagatiʼmo lusi kava huno vagi vagi huno ageno alagepa huno kahau ya hume hume uno ageno alitenoʼaekeʼmo afaʼa maigiye. Haiya a kanomoʼmo ani agufa kavaʼmo afaʼa osugiye.

Yoni 3:17

Gotiʼa ma mopafi vayaʼmo agoti huno apatetenoʼaeʼmo, hosu kavaʼmo huʼnae, huno hisiyafeʼmo mafaʼneʼamo alino ateʼnigeno emiʼnoʼmeʼnifa apakufamo alino katino apateteno hapau vaisiyafeʼmo alino ateʼnigeno emineʼniye.

Lomu 5:6

Hauʼniya kavatefeʼmo lokiyatimo ohaneʼnigeta Gotifeʼmo mono osuta hosu kavaʼmo nehuna vayaʼmogitalefeʼmo Gotiʼa lekana pai maleʼniya afinaʼmo Kalaisiʼmo ago falino lateʼniye.

Himulu 7:25

Agaemo muki afinaʼmo nunumuʼmo huno apatesiyafeʼmo alagi maige maige huno neʼmaiyaʼmofeʼmo agaiʼaletiʼmo Gotitegamo neʼaya vayaʼai apakufamo alagi alino katino apateteno apakaetefeʼmo aliʼyaʼamo afaʼa alino hano huno hugiye.