Luki 18:23 - The Keyagana NT and 25 OT books

²³ ani gemo afitenoʼaeʼmo asole kagemi yaʼamo haneʼniyaʼmofeʼmo lusi kava huno aipamoʼmo kana huʼnigeno

Luki 18:23 ပူးပေါင်းရင်းမြစ်များ

Matiyu 19:22

neya vekamoʼmo ani gemo afitenoʼaeʼmo alopa kagemi yaʼamo haneʼniya vekamo maiʼniyaʼmofeʼmo aipamoʼmo kana huʼnigeno ataleno uʼniye.

Maki 10:22

afiʼniyaʼmonanafa alopa kagemiyaʼamo haneʼniyaʼmofeʼmo hosu augosa kaliteno aipamoʼmo kana huʼnigeno ataleno uʼniye.

Luki 12:15

muki vayaʼaifeʼmo hunoʼaeʼmo, lapakaemo kagemi yafeʼmo lapaʼye hisiya kavaʼmo afole oʼaisiyafeʼmo ehe alagepa huta yagaita lapateyo. Asole kagemi yaʼmo neʼaliya kavaʼmoʼa alagepa huʼa maisaya kavaʼmo aepaʼamo ohaneʼniye, huno hapa paiteno

Luki 18:22

Yesuʼa ani gemo afitenoʼaeʼmo, magoke kavaʼatokamo aeka aga seʼnane. Muki kagemi yakamo alika maketi hugeʼa miya faitesageka alisana monimo alika fako huka kagemi yaʼapimo ohaneʼnisaya vayaʼaina apamigenoʼao alagepa yakamo kokuʼnapiʼmo haneno. Ani kavaʼmo hutekaeʼmo eka nakame huvo, huno ha paiʼnigeno

Luki 18:24

hosu augosamo kaliʼnigeno Yesuʼa agetenoʼaeʼmo,

Luki 19:8

Sakiyasiʼa muki vayaʼai apaulagaleʼmo he tino maiʼnenoʼaeʼmo, Ala kava nene, huno, ago, huno, kagemi yaʼnimo folagapatiʼmo aliʼna fako huʼna kagemi yaʼapimo ohaneʼnisiya vayaʼaina apamiteʼna mago vayaʼaifeʼmo aigofe gemo huteʼna kumayaʼmo aliʼnisuvana foʼa afinaʼmo aliʼna fako huʼna anonaʼapilefeʼmo apamite apamite huʼna neʼapamuve, huno ha paiʼnigeno

Luki 21:34

Lapakaitapileʼmo alagepa huta yagaita lapateyo. Fiku yanageta lusi yagita huge lokiya aniʼmo netetapa negi nagi gemo huge ma mopafi yafeʼmo lapakesa alaʼamo afige lapausoli huge nehisageno ani afinaʼmo malage huno kesi katetiʼmo afole aigiye.

Luki 8:14

Mago avina yaʼmo aufe nofiʼmo haneʼniya mopafiʼmo asagauno aiʼniya avina yakana huʼa mago vayaʼmogi Goti geʼamo afiteʼapaeʼmo atale uʼa ma mopafi kavafeʼmo hapausoli huge monieʼmo apakesa alaʼamo afige ma mopafi kavafeʼmo apamogaga aige huʼa maime maime neʼvagenoʼaeʼmo ani kavaʼmoʼa aeno apati kaeʼnigeno alagaʼamo neʼaeyana afu nole.

Efasasi 5:5

Lapakaemo ago afiʼnayana kumai kavaʼmo nehaya vayaʼmofi oʼaniʼya kavaʼmo nehaya vayaʼmofi hosu hapaʼye nehiya vayaʼmofi huʼa Kalaisiʼe Gotiʼeʼmo yagaiʼana neʼapataʼa kotetiʼmo hetamaʼapimo oʼaligae. Mago vayaʼmogi aigofe gotiʼapimogifeʼmo mono nehaya agufa kavaʼmo huʼa hapaʼye nehiya vayaʼmogi ma mopafi yatefekeʼmo mono nehae.

Filipai 3:8

Ataleʼnovanageʼna hemenimo huʼnaeʼmo, hogote yaʼmo aeno agaseʼniya yaʼmo Ala kava neʼnimo Kalaisi Yesuʼa ageʼna alagepa huʼna agesuvafeʼmo muki yaʼnimo ago ataleʼnove. Hosuʼniya neʼyaʼmo alini uʼa neʼatalaya neʼyakana huno haneʼniye, huʼna huteʼna Kalaisiʼa alisuvafeʼmo aliʼna yaga auʼna ataleʼnove.

Kolosi 3:5

Aligayaʼmofeʼmo ma mopafi haneʼniya lapakufafiʼmo alu ya alu yatapiletiʼmo nehaya kavaʼmo amagita falita ataleyo. Kumai kavanagi oʼaniʼya kavanagi hosu lapaipa nekaliya kavanagi hosu kavafeʼmo lapaka neteya kavanagi ma mopafi yafeʼmo lapaʼye nehiya kavanagi hutapa amagitapa falita ataleyo. Ma mopafi yafeʼmo hapaʼye nehisiya vayaʼmogi aigofe gotitefeʼmo mono nehae.

1 Yoni 2:15

Lapakaemo ma mopafi kavafeʼmofi ma mopafi yafeʼmofi huno olapaino. Ma mopafi kavafeʼmo nehapaiya vayaʼmogimo Afotimo Gotifeʼmo hapau apayamopafiʼmo nohapaiye.