Luki 18:13 - The Keyagana NT and 25 OT books

¹³ Huʼniyaʼmonanafa takesi monimo neʼaliya vekamo afagiʼaleʼmo he tino maiʼneno alino maku huno oʼageʼneno haifiʼyaleʼmo neʼamaginoʼaeʼmo, Gotiyo, huno, alagi hosu vekamo maiʼnovanagi kaipamo lanitani huka nateteka kahau huka nato, huno nunumuʼmo huʼniye.

Luki 18:13 ပူးပေါင်းရင်းမြစ်များ

2 Samiyo 12:13

Neviniʼa Netanifeʼmo ha painoʼaeʼmo, Nagaemo Ala kava netegamo hosu kavaʼmo huʼnove, huno huʼnigeno Netaniʼmo hunoʼaeʼmo, Ala kava neʼmoʼa hosu kavakamo alino ataleʼniyanageka afa ofaligane.

2 Sitoli 33:19

Manaseʼmo nunumuʼmo huʼnigeno Gotiʼa afiteno huʼniya kavafeʼmo ava gemo hanege muki huʼniya hosu kavaʼaeʼmo ava gemo muki kotegamo hanege aigofe gotigitefeʼmo mono huʼnaya kavafeʼmo ava gemo hanege hogoteno agufamo alino afepiʼmo oʼateʼniya kavafeʼmo huge aigofe gotigi apauneʼamo alo huge huʼniya gemo polofeti mukufiʼmo avoʼmo kae maleʼnageno haneʼniye.

2 Sitoli 33:23

Huʼniyaʼmonanafa agaemo afoʼamoʼmo Ala kava neʼmo aulagaleʼmo agaiʼamo alino afepiʼmo ateʼniya agufa kavaʼmo osuʼniye. Haʼao, Emoniʼmo magoʼe magoʼe huno hosu kavaʼmo huʼniye.

Esala 9:6

Nagaemo ina gemo huʼna nunumuʼmo huʼnove. O Gotiʼnimogae, huʼna, Hosu kavatimoʼmo lagenopamo ago alino laga seno uno haiʼniyaʼmofeʼmo nagufamo alino afepiʼmo nateʼniye. Hosu kavatilefeʼmo vaiʼmo alisuna kavaʼmo kosime kosime uno haino kokuʼnateʼmo haneʼniyaʼmofeʼmo lusi kava huno navagage nehiyanageʼna afaʼa aliʼna maku huʼna okagegauve.

Samu 106:6

Laginago vayaʼmogimo hosu kavakeʼmo huʼa maiʼnaya kava huta hosu kavakeʼmo huta maiʼnone.

Samu 119:41

O Ala kava nene, huʼna, kahau huka nato. Huguve, huka huʼnana kavaʼmo huka nagufamo alika katika nato.

Samu 130:7

Isaleli vayaʼmogitapae, huʼna, Ala kava nefeʼmo lapakesamo afitetapa lapa maesiyafeʼmo lapavayagunagu hutapa maiyo. Ala kava neʼmoʼa vayaʼaeʼmo hau huno neʼapateyanageno olapatalegaiye. Agaemo muki alu hosu kava alu hosu kavapatiʼmo miya faino hatu maeno neʼapateyaʼmofeʼmo ani kavafeʼmo lapakesamo afiteta lapavayagunagu hutapa maiyo.

Samu 25:11

O Ala kava nene, huʼna, ala kagikalefeʼmo hosu kavaʼnimo alika atalo. Asole hosu kavaʼmo huʼnovaʼmofeʼmo alika atalo.

Samu 25:7

Neya vekamo maiʼneʼnaeʼmo hosu kavaʼmo huge gekamo ago amagiʼna atalege huʼnova kavafeʼmo kagesamo oʼafiyo. O Ala kava nene, huʼna, kahau huka apatege alagepa huka hapa maege nehukaeʼmo nagaefeʼmo kagesamo afiyo.

Samu 40:12

Lekana opaisuna agufa hanageke yaʼmoʼmo nagufaleʼmo faino vego huno nateʼniye. Hosu kavaʼnimoʼa natafauʼniyanageʼna afaʼa aliʼna maku huʼna okagegauve. Nayokaʼmo asole yaʼmo haneʼniya kava huno hosu kavaʼnimo magoʼe huno haneʼniyaʼmofeʼmo naipamoʼmo lokiya oʼvaiʼnigeno lokiyaʼnimo alagi ohaneʼniye.

Samu 41:4

Nagaemo ina gemo huʼnaeʼmo, Ala kava nene, huʼna, kahau huka nato Nagaemo kagategamo hosu kavaʼmo huʼnovaʼmofeʼmo nagupi mafaʼnemo alika hageka ato.

Hatu maeno apate'niya gemae 33:10

Muki vayaʼmogimo hiyaʼmo ageʼnayana ani seli noʼmo kipateʼmo emineno haneʼnigeʼa ageteʼapaeʼmo seli noʼapimo kipateʼmo he tiʼa maiʼneʼa mono huʼnae.

Aiyeya 1:18

Ala kava neʼmoʼa hunoʼaeʼmo, Lapakaemo nagaetegamo egetao nagaeʼeʼmo ge huge afige huta maigune. Hosu kavatapimoʼmo haesa yakana huno aeno kamaeʼniyaʼmonanafa yave yaveʼage huno hanegaiye, huno hapa paiʼniye.

Aiyeya 6:5

Nagaemo huʼnaeʼmo, Nagaemo oʼaniʼya navayamo haneʼnigeʼna oʼaniʼya apavayamo haneʼniya vayaʼmogi folagapiʼmo maiʼnovaʼmofeʼmo lusi kava huʼna kage kage huteʼnaeʼmo, alagi afela heʼnove. Faliʼnova vekamo maiʼnove. Naulagafatiʼmo Ala kava neʼmo asole vayaʼaiteʼmo yagaino neʼapateya kini vekaʼapimo ago ageʼnovaʼmofeʼmo faliʼnova vekamo maiʼnove.

Aiyeya 66:2

Nagaemo ma mopaʼe kokuʼnaʼeʼmo alo huʼnogeno muki ani yaʼmo nagaiʼni yaʼmo haneʼniyaʼmonanafa haiya agufa vekaeʼmo ageʼna alagepa huʼna amuse huguve. Haneʼniyaʼmonanafa nagaemo ani vekamo naunenametefeʼmo ageʼna oʼmaleʼnove, huno huge hosu kavaʼaeʼmo aipamo kana huteno geʼnimo afiteno atete huge nehiya vekamo alagepa huʼna ageʼna amuse huguve.

Neniyo 9:5

Lagaemo hosu kavaʼmo huge osisuna agufa kavaʼmo huge hosu kavaʼmo huta lakameʼyamo kamige hiyo, huka laha paiʼnana gemo oʼafige keʼaepa gekamo amagita atalege huʼnone.

Matiyu 10:3

Filipiʼagi Matolomiyuʼagi Tomasiʼagi Matiyuʼa takesi moni neʼaliya vekagi Afiyasi mafaʼnemo Yemisiʼagi Taʼniyasiʼagi

Matiyu 6:5

Aeʼa ati nekaya vayaʼmogimo muki vayaʼmogi apakesayafeʼmo muki mono nopiʼmo he tiʼa maiʼneʼa nunumuʼmo huge u eʼa nehayategaʼeʼmo he tiʼa maiʼneʼa nunumuʼmo huge nehae. Ani kava hutapa nunumuʼmo osiyo. Lama ge huʼnaeʼmo, miyaʼapimo ago aliʼnae.

Matiyu 9:13

Goti mukufi gemoʼmo hunoʼaeʼmo, Afumo heʼa ofalini namisayafeʼmo oʼnahauʼniyaʼmonanafa hapau huʼa apatesayafekeʼmo nahauʼniye, huno avoʼmo kae maleʼniya gemo aepaʼamo afisayafeʼmo uta kahauya hutapa ageyo. Nagaemo fatago vayaʼaifeʼmo keya aeʼna ge hisuvafeʼmo emiʼnoʼmeʼnofa hosu vayaʼaifeʼmo keya aeʼna ge hisugeʼa eʼa apaipamo aliʼa afe lesayafekeʼmo emineʼnove, huno hapa paiʼniye.

Maki 11:25

Nunumuʼmo hugefeʼmo he tita maiʼnetapaeʼmo hosu lapaipamo kalitapa ateʼnisaya vekamo hosu kavaʼamo alita atalegenoʼao kokuʼnapi Afotapimoʼmo ina kava huno hosu kavatapimo alino ataleno.

Luki 17:12

mago taonifiʼmo uno haigefeʼmo nehigeʼapaeʼmo teniʼa lepolosi vayaʼmo eʼa fotu hugefeʼmo muga afagiʼaleʼmo eʼa he tiʼa maiʼneʼapaeʼmo

Luki 22:41

apatalenuno yafa kayoʼmo yaga aunageno uno nehaneya agufa afafaleʼmo uno aleʼya faiʼneno nunumuʼmo hunoʼaeʼmo,

Luki 23:48

Muki vayaʼmogi muki hisaya kavaʼmo agesayafeʼmo eʼa aliʼa anupa huʼa maiʼnaya vayaʼmogimo ageʼnageʼa nili aiʼnageno faliʼnigeʼa ageteʼa ataleʼa hapaifiʼyaʼmo amagiteʼa noʼapilegamo uʼnae.

Luki 5:8

Saimoni Pitaʼa ani kavaʼmo ageteno Yesu aiyafiʼmo agoʼya faiʼnenoʼaeʼmo, Ala kava nene, huno, hosu vekamo maiʼnovanagi nataleka uvo, huno ha paiʼniye.

Apa 2:37

Ani gemo afiʼnagenoʼaeʼmo apaipafiʼmo aeʼnigeʼa Pitaʼe muki apa vayaʼefeʼmo huʼapaeʼmo, Vayatimogitapae, huʼa, haiya kavaʼmo hisune, huʼa ge huʼa apafi geʼnae.

Lomu 5:8

Faliʼa apategayaʼmonanafa hosu kavaʼmo nehuna vayaʼmo maiʼnonagenoʼaeʼmo Kalaisiʼa falino lateʼniya kavatetiʼmo Gotiʼa lagaefeʼmo hau ayamopafiʼmo hauʼniya kavaʼamo ago alino lave neliye.

2 Kolitiyani 7:11

Afiyo, huʼna, Gotiʼa hauʼniya agufa lapaipa kana huʼniya kavaʼmoʼa lapaipafiʼmo malage huno aliʼyaʼmo aliʼnigetapaeʼmo lapakaemo huʼnaya kavafeʼmo he titapa ava ge hutetapa lapakaitapieʼmo ge lapautetapa koli lapaipamo kaliʼnigetapaeʼmo hosu kavatapimo alitapa atalesayafeʼmo lusi kava huno lapauʼnigetapa lapayamukiki hutapa kayoʼmo amisayafeʼmo huʼnae. Alu alagepa kava alu alagepa kavaʼmo nehutapaeʼmo alagi alagepa hutapa alita api aita ateʼnae.

1 Timoti 1:15

Mani lama geeʼmo apakesamo afiʼa fatago huteʼa alisaya gemo haneʼniyana Kalaisi Yesuʼa hosu vayaʼai apakufamo alino katino apateteno hapau vaisiyafeʼmo ma mopafiʼmo emineʼniye, huta nehune. Inagi nagaemo hosu kavaʼmo nehaya vayaʼmo magoʼe huʼna ago aeʼna apakaseʼna hogote hosu vekamo maiʼnove.

Himulu 4:16

Inagi atete osuta Gotiʼa yagaino neʼapateya siyaʼaleʼmo fai maiʼnenoʼaeʼmo fikumo laha maeno nelamiya kavategamo vigetao, kana yaʼmo alisuna afinaʼmo hau huno lateteno fikumo laha maeno lamigiyaʼmofeʼmae.

Himulu 8:12

Hosu kavaʼapieʼmo nahau huʼna apateteʼna hosu kavaʼapiʼe keʼaepa geʼnimo amagiʼa neʼatalaya kavaʼapileʼefeʼmo nagesamo oʼafiʼna nage kaniʼna atalegauve, huno huʼniye.