Luki 17:30 - The Keyagana NT and 25 OT books

³⁰ Ani agufa kavakeʼmo huʼa maiʼnisageno Vemo Mafaʼnemo afole aigiye.

Luki 17:30 ပူးပေါင်းရင်းမြစ်များ

Matiyu 16:27

Vemo mafaʼnemoʼmo afoʼamo ha le konali yaʼamo aliteno enisole vayaʼamogiʼeʼmo eminenoʼaeʼmo aliʼyaʼapilefeʼmo apamete apamete huno miyaʼapimo apamigiye.

Matiyu 24:3

Yesuʼa Alifiʼaepa avefiʼmo itopaleʼmo maiʼnigeʼapaeʼmo geʼamo neʼafiya vayaʼmo apakaiʼapigeʼmo agaetegamo eʼapaeʼmo, ina afinaʼmo afole aigiye, huka laha paiyo. Emikegefeʼmo hisana afinaʼe hano hugefe hisiya afinaʼeʼmo na agufa alagena kavaʼmo afole aigiye, huʼa ge huʼa afi geʼnae.

Matiyu 24:37

Novaʼa maiʼniya afinaʼmo ma mopafi vayaʼmo maiʼnaya agufa kavakeʼmo huʼa maiʼnisageno Vemo mafaʼnemo eminegaiye.

Matiyu 24:39

Apakaemo alopa aniʼmo hegaiye, huʼa apakesamo oʼafiʼa fikugeʼmo maime maime neʼvagenoʼaeʼmo aniʼmo heteno muki vayaʼamo aniʼmoʼa alinino uʼniye. Ani agufa kavakeʼmo huʼa maiʼnisagenoʼaeʼmo Vemo mafaʼnemo eminegaiye.

Matiyu 26:64

ani gemo ago alagi nehane. Inagi nagaemo mukiʼamogitapaeʼmo magoʼe gemo lapa paiguve, lapakaemo agegayana Vemo mafaʼnemo lokiyaʼamo haneʼniya vekamo lamaga haopaleʼmo fai maiʼnenoʼaeʼmo he tino kokuʼnapi hiya mopaleʼmo eminesigetapa agegae, huno hapa paiʼniye.

Maki 13:26

Neʼatalesigeʼapaeʼmo agesayana Vemo mafaʼnemoʼmo ha le konali yaʼamo aliteno himamuʼaʼeʼmo hiyateʼmo eminesigeʼa agegae.

Luki 17:24

Alino alave alave nehigenoʼaeʼmo muki kokuʼnateʼmo aeno ha legeʼapaeʼmo muki vayaʼmogi neʼagaya kava huno Vemo Mafaʼnemo eminesigeʼa agegae.

Luki 17:29

Lotiʼa Sotomi taonifatiʼmo ataleno neʼvigenoʼaeʼmo ani afinaʼmo ataʼe atamo neleya yafaʼeʼmo ko aigekana huno kokuʼnapatiʼmo emineno muki vayaʼmo apaleno pasaga liʼniye.

Luki 21:22

Goti mukufiʼmo avoʼmo kae maleʼnaya gemo afole aisiyafeʼmo Gotiʼa ani afinaʼmo anonaʼapilefeʼmo lusi kava huno kayoʼmo apamigiye.

Luki 21:27

Ani kavaʼmo hutesigenoʼaeʼmo Vemo Mafaʼnemo hiyateʼmo himamuʼaʼe alopa ha le konali yaʼaʼeʼmo eminesigeʼa agegae.

1 Kolitiyani 1:7

Ani kava hutapa maiʼnetapaeʼmo lapaunelapameʼmo yafeʼmo kafu osutapa Ala kava netimo Yesu Kalaisiʼa afole aisiyafeʼmo agava maiʼnae.

1 Kolitiyani 1:8

Agaemo atupa afinaʼmo he titapa maisayafeʼmo lokiya vaino lapateme lapateme neʼunoʼaeʼmo Ala kava netimo Yesu Kalaisiʼa agaiʼa afinaʼmo vaiʼmo afaʼa olapamigiye.

Kolosi 3:4

Kalaisiʼa afaʼa neʼmauna yaʼmo afoʼamoʼmo vekamo afole aisigetapaeʼmo ha le konali yaʼamo agaeʼeʼmo alisageʼa lapakegae.

2 Tesaloniyani 1:7

Ala kava neʼmo Yesu Kalaisiʼagi himamuʼapiʼe enisole vayanagi huʼa ata vaipiʼmo kokuʼnapatiʼmo emiʼeʼa muki vayaʼai apaulagaleʼmo afole neʼaisagenoʼaeʼmo Gotiʼa lapakaemo kana yaʼmo aliʼnaya vayaʼmo alino falu huno lapatesigeta lagaeʼe lapakaeʼeʼmo magokepi maita haga legaune.

1 Pita 1:13

Ani alagepa faigoko gemo afole aiʼniyaʼmofeʼmo alagepa huta afisayafeʼmo lapakesamo alo hutetapa lapakufaleʼmo yagaita lapateyo. Yesu Kalaisiʼa emineno vayaʼai apaulagaleʼmo afole aitenoʼaeʼmo fikumo laha maeno lamigiye, huta ani geʼaekeʼmo lapakesamo afitetapa agava maiʼnetapa lapavayagunagu hutapa maiyo.

1 Pita 1:7

Gotiʼa lapakesamo afita fatago nehaya kavafeʼmo amalageka huno agegenoʼaeʼmo, Lama ge kavaʼmo haneʼniye, huno hisiyafeʼmo hanageke yaʼmo lapamiʼniye. Vayaʼmogimo hano hisiya goli yafaʼmo atafiʼmo kaeʼa age nekaya kava huno Gotiʼa lapakesamo afita fatago nehaya kavaʼmoʼa alopa monileʼyaʼmo aeno agaseʼniya kavaʼmo goli yafaʼmo ago aeno agaseʼniya kavaʼmogeno amalageka huno age neke. Agegenoʼaeʼmo lama ge kavaʼmo haneʼninagenoʼaeʼmo Yesu Kalaisiʼa afole aisiya afinaʼmo ala lapakitapimo lapamige ha le konali yaʼamo lapamige lapakitapileʼmo alino asagauno lapatege hisiyafeʼmo amalageka huno age neke.

1 Pita 4:13

Kana yaʼmo aliʼniya kava huno kana yaʼmo neʼalitapa agaeʼeʼmo magoke agufa kana yaʼmo aliʼnayaʼmofeʼmo lapamogaga aiyo. Kalaisi ha le konali yaʼamo afole aisiya afinaʼmo lusi kava hutapa lapamogaga aigayaʼmofeʼmo magoʼe hutapa lapamogaga aiyo.

1 Yoni 2:28

Aise mafaʼneʼnimogitapae, huʼna, Eminesigetaeʼmo lokiya vaita maiʼneta fala okisunageno aulagaleʼmo lavagage osisiyafeʼmo hemenimo agaepiʼmo alagi maigetao.

1 Yoni 3:2

Nahauʼniya vayaʼmogitapae, huʼna, hemenimo Goti mafaʼneʼamo maiʼnonanageta henagaʼamo haiya agufa vayaʼmo maisupi, huta oʼafiʼnonaʼmonanafa agaemo emineno afole aisigetaeʼmo agaekana huta maigune, huta afiʼnone. Haiya agufa vekamo maiʼnifi, huta ageta aeto hugunaʼmofeʼmo agaekana huta maigune.

Leveleseni 1:7

Afiyo, huʼna, Hiyapiʼmo eminesigeʼa muki vayaʼmogimo agesageʼapaeʼmo agufafiʼmo nili aige faiteʼa atege huʼnaya vayaʼmogiʼeʼmo agegae. Muki ma mopafi alu nofi vaya alu nofi vayaʼmogimo ageteʼapaeʼmo yulagefa aigae. He, alagi lama ge, huno ani kavaʼmo afole aigiye.