Luki 17:3 - The Keyagana NT and 25 OT books

³ Lapakaitapileʼmo alagepa huta yagaita lapateyo. Konagakamoʼmo kagaetegamo hosu kavaʼmo huʼnisigekaeʼmo hosu kavaʼmo huʼnane, huka ge hauvo. Aipamo alino afe lesigekaeʼmo hosu kavaʼamo alika atalo.

Luki 17:3 ပူးပေါင်းရင်းမြစ်များ

Samu 141:5

Fatago vayaʼmogimo namagisayana kanalene. Nao vayaʼmogi hisaya kavaʼmo haneʼniyaʼmofeʼmae. Aliʼa api aiʼa natesaya kavaʼmoʼa alagepa uveligana huno haneʼniye. Ani kavaʼmo hisageʼnaeʼmo nakameʼyamo oʼapamiguve.

Hatu maeno apate'niya gemae 34:12

Ehetapiye, huʼna, fiku yanagetapa visaya kotegamo maiʼnisaya vayaʼeʼmo magokepi kotalakemo hu malesageno aneʼaifiʼmo hegekana huno lapatafaugiyanagi.

Mai'naya kavane 17:10

Mago vekamoʼmo afiteno ageʼniya vekamo alino api aino atesiya gemo hisigeno afaʼa afigiyaʼmonanafa negi vekamo kayotetiʼmo vani hataletiʼa afinaʼmo amagisiyaʼmoʼmo oʼafigiye.

Mai'naya kavane 27:5

Kagaefeʼmo hosu kavaʼmo huʼnane, huno nehiya vekamoʼmo kagaefeʼmo hauʼniyana ge nosiya vekamo ago aeno aga seʼniye.

Mai'naya kavane 9:8

Himuʼnamu vekaeʼmo, hosu kavaʼmo nehane, huka osuvo. Fiku yanageno kagaefeʼmo alagi ohaugiye. Kagaemo afiteno neʼageya vekaeʼmo, hosu kavaʼmo nehane, huka ha paisanagenoʼaeʼmo kagaefeʼmo haugiye.

Matiyu 18:21

Mago afinaʼmo Pitaʼa Yesutegamo eno ha painoʼaeʼmo, Ala kava nene, huno, konagaʼnimoʼmo nagaetegamo hosu kavaʼmo hisigeʼnaeʼmo na magi afinaʼmo hosu kavaʼamo aliʼna atalete atalete hisuve. Seveniʼa afinaʼmo aliʼna atalesufiye, huno afi geʼniye.

Luki 21:34

Lapakaitapileʼmo alagepa huta yagaita lapateyo. Fiku yanageta lusi yagita huge lokiya aniʼmo netetapa negi nagi gemo huge ma mopafi yafeʼmo lapakesa alaʼamo afige lapausoli huge nehisageno ani afinaʼmo malage huno kesi katetiʼmo afole aigiye.

Efasasi 5:15

Huʼniyaʼmofeʼmo muki afinaʼmo alu kava alu kavaʼmo nehutapaeʼmo alagepa hutapa yagaita maiyo. Negi vayaʼmogi kavaʼmo osutapa ageteʼa afiʼnaya vayaʼmogi kavakeʼmo hutapa maiyo.

Himulu 12:15

Fiku yanageʼa mago konagatapimogimo Gotiʼa fikumo hapa maeno neʼapamiya kavateʼmo uʼa haiʼa metalegayanagi kava yagaitapa maiyo. Fiku yanageno hafuʼyafatiʼmo ausisi aeteno hosu atu neheya yaʼmo afole aiteno hanageke yaʼmo alino lapamiteno asole vayaʼmo alino hosu huno apategaiyanagi yagaitapa maiyo.

Yemisi 5:19

Konagaʼnimogitapae, huʼna, lapakaepatiʼmo mago vekamoʼmo alagepa kaʼmo ataleno uneno nehisigenoʼaeʼmo mago vekamoʼa avalelino esiyana,

2 Yoni 1:8

Alagepa miyatimo alisunafeʼmo aliʼyaʼmo aliʼnone. Fiku yanageta oʼaligunanagi alagepa hutapa yagaitapa maiyo alopa miyatimo aligune.