Luki 17:26 - The Keyagana NT and 25 OT books

²⁶ Novaʼa maiʼniya afinaʼmo haiya agufa kavaʼmo huʼa maiʼnafi Vemo Mafaʼnemo afinaʼeʼmo ani agufa kavakeʼmo huʼa maigae.

Luki 17:26 ပူးပေါင်းရင်းမြစ်များ

Aepa Gemae 6:5

Ani afinaʼmo Ala kava neʼmoʼa ma mopafi ve aʼnemogi hosu kavaʼapimo ageyana alagi alopa hosu kavaʼmo haneʼnigeno ageʼniye. Muki vayaʼmogimo muki apaipa apakesamo neʼafiya yaʼapifiʼmo hosu kavaʼageʼmo muki afinaʼae afinaʼaeʼmo hanelino hanelino usiya agufa kava huʼnigeno ageʼniye.

Aepa Gemae 6:7

Agesamo afinoʼaeʼmo alo huʼna apateʼnova vayaʼmo ma mopafatiʼmo aliʼna hano huʼna apatalegauve. Inagi nagaemo vayanagi yagagafagi afugi kalagi kokuʼnate namagi huʼna aliʼna hano huʼna apatalegauve. Alo huʼna oʼapateʼnovesinana kanale huʼniyesine.

Aepa Gemae 6:8

Huʼniyesinaʼmonanafa Noaʼa Ala kava neʼmo aulagaleʼmo fikumo ha maeno amiʼniya kavaʼmo ago agetenoʼaeʼmo aliʼniye.

Luki 17:22

Geʼamo neʼafiya vayaʼaifeʼmo hunoʼaeʼmo, henagaʼamo lapakaemo hutapaeʼmo, Vemo Mafaʼnemo aise afinaʼmo agesunafeʼmo nehune, hutapa hugayana oʼnagegae.

Luki 17:24

Alino alave alave nehigenoʼaeʼmo muki kokuʼnateʼmo aeno ha legeʼapaeʼmo muki vayaʼmogi neʼagaya kava huno Vemo Mafaʼnemo eminesigeʼa agegae.

Luki 17:27

Neʼyaʼmo nege aniʼmo nege aʼmo alige aʼmafaʼnemo lagauliʼa uge hume hume neʼagenoʼaeʼmo Novaʼa sipifiʼmo uno haino maiʼnigenoʼaeʼmo aniʼmo heteno muki vayaʼmo ago aeno apati kaeʼniye.

Luki 17:7

Lapakaepatiʼmo aliʼyatapimo neʼaliya vekatapimoʼmo mopafiʼmo aiʼyumo aiʼnisifi sipisipileʼmo yagaino apateʼnisifi huno maiʼneno esigekaeʼmo, malage huka eka haikeka hiʼyalamuteʼmo maiʼneka neʼyaʼmo no, huka ha paigapiye.

Luki 18:8

Lama gemo lapa nepauve, huʼna, malage huno alino fako huno apateteno hapa maegaiyaʼmonanafa Vemo Mafaʼnemo emineno apakesamo afiʼa fatago nehaya vayaʼaina kahauya huno apakesifiye, huno hapa paiʼniye.

Himulu 11:7

Gotiʼa muki vayaʼmogimo oʼageʼnaya kavafeʼmo Noafeʼmo hunoʼaeʼmo, ehekae, huno, hosu vayaʼmo alagi aliʼna hano huʼna apatalegauve, huno ha paiʼnigeno Noaʼa lusi kava huno amoʼyamo aliʼnigeno agesamo afino fatago huʼniyaʼmofeʼmo afamo anagaʼamogi apakufamo alino katino apatesiyafeʼmo mago alopa sipimo alo huʼniye. Ani kavaʼmo huʼniya kavatetiʼmo ma mopafi vayaʼaifeʼmo, lapakaemo hosu kavaʼmo nehayanagetapa faligae, huno alino apave liʼniye. Agaemo Gotitegatiʼmo fatago kavaʼmo apakesamo afiʼa fatago nehageno neʼapamiya agufa fatago kavaʼmo aliʼniye.

2 Pita 2:5

Ani kava huno akeyaʼvilaga vayaʼmogi Gotifeʼmo mono osuʼnaya vayaʼaina Gotiʼa apakeno oʼapataleʼnifa aniʼmo ho, huno huʼnigeno aniʼmo heteno muki vayaʼamo ago aeno apati kaeʼniyaʼmonanafa Novaʼa fatago kavafeʼmo aeno hakalo huno hapa paiʼniya vekaʼe seveniʼa vayaʼeʼmo anipatiʼmo apakufamo alino katino apateʼniye.