Luki 16:2 - The Keyagana NT and 25 OT books

² agaefeʼmo ge huʼnigeno eʼnigenoʼaeʼmo, na agufa kavaʼmo huʼnana kavafeʼmo kava gemo afiʼnove. Huʼnisana kavafeʼmo kagesamo afika avoʼmo kaeka namiyo. Kagemi yaʼnileʼmo magoʼe huka yagaika oʼnategane, huno ha paiʼnigeno

Luki 16:2 ပူးပေါင်းရင်းမြစ်များ

Matiyu 12:36

Lapa nepauve, huno, agoti huno apatesiya afinaʼmo Gotiʼa muki gemo fikumo nehaya gelefeʼmo apakenoka huno apafi gegaiye.

Matiyu 20:8

Yegemo uno lamino falegefeʼmo huʼnigenoʼaeʼmo nofi hoyamo afoʼamoʼmo kava vekaeʼmo hunoʼaeʼmo, aliʼyaʼnimo neʼaliya vayaʼaifeʼmo ge hugeʼapao esageka henagaʼamo uʼa aliʼyaʼnimo aliʼnaya vayaʼmo miyaʼapimo apamiteka hogoteʼa uʼa aliʼyaʼmo aliʼnaya vayaʼmo miyaʼapimo apamiyo, huno ha paiʼniye.

Luki 12:20

Agesamo afiʼniyaʼmonanafa Gotiʼa hunoʼaeʼmo, negi vekae, huno, hemeni haniʼilagamo kagupi mafaʼnemo halate namiyo, huʼna hisugeka faligane. Falisanageʼapaeʼmo ina lagimo ageka maleʼnana kagemi yakamo aligae, huno ha paiʼniye, huno hapa paitenoʼaeʼmo,

Luki 12:42

aliʼyaʼmo afoʼamoʼmo alino amufa amiʼnisiya vekamo alagepa huno ageʼnisiya vekamoʼmo aliʼyaʼamo neʼaliya vayaʼaiteʼmo yagaiʼneno neʼyaʼapimo alino fako huno apamisiyafeʼmo lekana paino ategaiye.

Luki 16:1

Yesuʼa geʼamo neʼafiya vayaʼaifeʼmo hapa painoʼaeʼmo, mago alopa kagemi yaʼamo haneʼniya vekamo maiʼnigeno ani kagemi yateʼmo yagaino neʼateya vekamo maiʼniye. Maiʼnigeʼapaeʼmo mago vayaʼmogi eʼa huʼapaeʼmo, kagemi yakaleʼmo yagaino nekateya vekamoʼmo kagemi yakamo fikumo alino neʼatale, huʼa ha paiʼnagenoʼaeʼmo

Luki 16:3

kagemi yaʼaleʼmo yagaino neʼateya vekamoʼmo hunoʼaeʼmo, na agufa kavaʼmo huguve. Aliʼyaʼmo afoʼamoʼmo naha faino natalesiyafeʼmo huʼniye. Nayamufa vekamo oʼmaiʼnovaʼmofeʼmo hoya aliʼyaʼmo afaʼa oʼaliguve. Mago vayaʼmogi neʼyatefeʼmo aukaya hisuvafeʼmo navagagemo hugiye.

Lomu 14:12

Inagi mukiʼamogita lamete lamete huta Gotifeʼmo hutaeʼmo, ina kavaʼmo huʼnove, ma kavaʼmo huʼnove, huta ha paigune.

1 Kolitiyani 1:11

Konagaʼnimogitapae, huʼna, Kilovi vayaʼamogimo lapakaitapi lapakaitapimo ge neʼvaiye, huʼa lapava gemo huʼa naha paiʼnae.

1 Kolitiyani 4:2

Aliʼyaʼmo afoʼamoʼmo alino amufa apamiʼniya vayaʼmogigeʼmo ani aliʼyateʼmo afaʼa yagaigae.

1 Kolitiyani 4:5

Maiʼniyaʼmofeʼmo Gotiʼa Ala kava neʼmo eminesiya afinaʼmo lekana pai maleʼniyaʼmofeʼmo afole oʼaiʼniyanagi hogotetapa alita fako hutapa oʼapateyo. Agaemo eminenoʼaeʼmo hanipiʼmo huʼa fala nekiya kavaʼe apaipa nekaliya kavaʼapiʼeʼmo afole yateʼmo alino afole aino ategaiye. Ani afinaʼmo Gotiʼa muki vayaʼmogimo aliʼyaʼapimo aliʼnaya yatefeʼmo, alagepa aliʼyaʼmo aliʼnae, huno hapa paitesigeʼapaeʼmo apamete apamete huʼa hetamaʼapimo aligae.

2 Kolitiyani 5:10

Kalaisiʼa siyaʼaleʼmo fai maiʼnenoʼaeʼmo kavatimo alino fako huno latesiya afinaʼmo mukiʼamogita uta haita aulagaleʼmo he tita maigune. Lagufafiʼmo maiʼnetaeʼmo alagepa kavaʼmo huʼnisupi hosu kavaʼmo huʼnisupigeta mukiʼamogitamo lamete lamete huta miyatimo aligune.

1 Timoti 4:14

Yagaiʼa neʼapataya vayatama vayaʼmogi kagaeteʼmo apayaʼmo maleʼa kateteʼa Gotitegatiʼmo aliʼnaya geletiʼmo aliʼyaʼamo alisanafeʼmo lokiyaʼamo kamiʼnae. Fiku yanageno kamiʼnaya yaʼmo afaʼa hanegaiyanagi kamiʼnaya yatetiʼmo aliʼyaʼmo aliyo.

1 Timoti 5:24

Mago vayaʼai hosu kavaʼapimo hogoteno afole aiʼnigeʼa ageteʼapaeʼmo aliʼa fako huʼa neʼapatayaʼmonanafa mago vayaʼai hosu kavaʼapimo aliʼa fako huʼa neʼapataya afinaʼmo henagaʼamo afole neʼaiye.

1 Pita 4:10

Kava vekamo aepa vekatapimo yateʼmo neʼyagaiya kava hutapa asole yaʼmo fikumo lapa maeno lapamiʼniya yaʼmo alita fako hutapa apamigeʼapa anonaleʼmo lapamiyo.

1 Pita 4:5

Apakaemo Gotiʼa alo huno maiʼniyanageno alino fako huno apatesiya vekamo aulagaleʼmo faliʼnaya vayaʼe afaʼa neʼmaiya vayaʼeʼmo he tisageno hosu kavaʼapieʼmo ge huno apafi gesigeʼapaeʼmo ina kava huʼnove, ina kava huʼnove, huʼa aeʼa hakalo huʼa ha paigae.

Leveleseni 20:12

Uʼna ageʼna apakeʼnovana faliʼnaya vayaʼmo apaki haneʼniya vayanagi apaki ohaneʼniya vayanagi huʼa yagaino neʼapateya vekamo siya aulagamo he tiʼa maiʼnageno muki mukuʼamo alino vaka leteno mago alu mukumo afaʼa maisaya yaʼmo aliʼnaya vayaʼai apakiʼapimo haneʼniya mukumo alino vaka leʼniye. Agaemo faliʼnaya vayaʼmogi huʼnaya kavaʼapimo muki asole mukufiʼmo avoʼmo kae maleʼniya kavaʼapilefeʼmo agoti huno apateʼniye.