Luki 16:19 - The Keyagana NT and 25 OT books

¹⁹ Yesuʼa hunoʼaeʼmo, mago kagemi yaʼamo haneʼniya vekamoʼmo muki afinaʼmo alagepa kukena yaʼmo hogote kukenaʼageʼmo vaige alagepa neʼyaʼageʼmo nege huno maiʼniye.

Luki 16:19 ပူးပေါင်းရင်းမြစ်များ

Esata 8:15

Apakaemo kini vekamoʼa neʼvaiya agufa kukenamo yaveyave yaʼmo hanege oko yaʼamo hanege huʼniya kukenamo aliʼa Motekaiʼmo vaiʼa ateteʼapaeʼmo mago haesa kenamo yatala kenamo aliʼa kofiʼa ateʼnae. Inagi mago kini kakolitamo alopa goli kakolitamo aliʼa agenopaleʼmo maleʼa ateʼnageno Motekaiʼa kini vekamo atalenuno lamiʼniye. Susa taonifiʼmo maiʼnaya vayaʼmogimo ageteʼapaeʼmo lusi kava huʼa amuse huʼa ateteʼa apamogaga aiʼnae.

Mai'naya kavane 14:24

Afiteʼa ageʼnaya vayaʼmogi kagemi yaʼapimo kini vayaʼmogi kakolitagana huno haneʼniyaʼmonanafa negi vayaʼmogi kavaʼapimoʼmo negi kavaʼageʼmo haneʼniye.

Mai'naya kavane 31:22

Alagepa palaketiʼmo alo huteno agaiʼamo hogote kukena yaʼmo neʼvaiye.

Maki 15:17

Apakaemo haesa yatala kukenamo yagaiʼa neʼapataya kini vayaʼmogi neʼvaiya agufa kukenamo aigofe kukena vaiʼa ateteʼa aufe nofiʼmo aliʼa aigofe kakolitamo yagaiʼa apateʼnaya kini vayaʼmogi neʼmalaya agufa kakolitamo alo huteʼa agenopaleʼmo maleʼa ateʼnae.

Maki 15:20

Huʼa ami maleteʼa kigi yokalo gemo huʼa ateʼa hano huteʼapaeʼmo haesa kukenamo asagiʼa maleteʼa agaiʼa kukenamo aliʼa vaiʼa ateʼnae. Vaiʼa ateteʼa malipu yosaleʼmo nili aiteʼa aliʼa he tiʼa atesayafeʼmo avaleliʼa uʼnae.

Luki 15:13

Aise afinaʼmo utegeno henaga mafaʼneʼamoʼmo muki kagemi yaʼamo alino anupa huno alinino afagi kotegamo uno maiʼnenoʼaeʼmo muki moniʼamo fiku ataleʼniye.

Luki 16:1

Yesuʼa geʼamo neʼafiya vayaʼaifeʼmo hapa painoʼaeʼmo, mago alopa kagemi yaʼamo haneʼniya vekamo maiʼnigeno ani kagemi yateʼmo yagaino neʼateya vekamo maiʼniye. Maiʼnigeʼapaeʼmo mago vayaʼmogi eʼa huʼapaeʼmo, kagemi yakaleʼmo yagaino nekateya vekamoʼmo kagemi yakamo fikumo alino neʼatale, huʼa ha paiʼnagenoʼaeʼmo

Luki 16:18

Haiya vayaʼmogimo aʼneʼapimo hapa faiʼa apataleteʼa alu aʼnemo neʼalisafi kumai kavaʼmo nehae. Haiya vekamoʼmo hafaino ataleʼnisiya a kanomo aliʼnisifi kumai kavaʼmo nehiye, huno hapa paiʼniye.

Luki 16:20

Maiʼnigenoʼaeʼmo mago vekamo agiʼamo Layosiʼmo neʼyafeʼmo hauʼnigenoʼaeʼmo aukaya huʼniya vekamo lusi amuʼmo aleʼniye. Mago vayaʼmogimo ani vekamo avaleli uʼa kagemi yaʼamo haneʼniya vekamo lafi hiʼyanaʼamo malaga havaeʼa ateʼnageno havaeno maiʼnenoʼaeʼmo

Leveleseni 17:4

Ani a kanomoʼmo lusi moniletiʼmo miya nefaiya agufa kukenamo oko kukena yaʼe haesa kukena yaʼeʼmo vaino aliʼnigeno goli konali yanagi lusi moniletiʼmo miya nefaiya konali yafanagi alagepa sesugi huno agufaleʼmo vaino aliʼnigeno agufaletiʼmo alave alaveʼageʼmo huʼniye. Agaemo goli kapumo ayapiʼmo aliʼnigeno ani kapufiʼmo alagi hosu faipa yaʼe kumai kavaʼmo nehaya kavaʼeʼmo havai teʼniye.

Leveleseni 18:16

Kage kage nehuʼapaeʼmo, Alopa taonimoʼa alagepa kenagi oko kukenagi haesa kukenamogi huno vaino aliʼniye. Goli konali yanagi alagepa yafa konali yanagi sesumogi huno vaino aliʼniyaʼmonanafa

Leveleseni 18:7

Agaemo konali yafeʼmo haʼye huʼnigeno aliʼniya yatefeʼmo agafu kisigeno kage kage hisiyafeʼmo amiyo. Agaiʼaeʼmo hunoʼaeʼmo, Muki vayaʼaiteʼmo yagaiʼna neʼapatova a kanomo maiʼnove. Kogu aʼmo oʼmaiʼnove. Afaʼa yulagefa oʼaiʼna alagepa huʼna maige maige huʼna maiguve, huno nehiyaʼmofeʼmo