Luki 16:17 - The Keyagana NT and 25 OT books

¹⁷ Ani gemo nehuvaʼmonanafa kokuʼnaʼe ma mopaʼeʼmo hano hisiya kavaʼmo alagi kana osuʼniyaʼmonanafa keʼaepa gemoʼmo aiseʼatoʼamo hano hisiyafeʼmo lusi kava huno magoʼe huno kana huʼniye.

Luki 16:17 ပူးပေါင်းရင်းမြစ်များ

Aiyeya 40:8

Kahaumo vaige ausemo hifalige nehiyaʼmonanafa Gotitimo geʼamoʼmo muki afinaʼaeʼmo hano osuno afaʼa hanege hanege huno hanegaiye.

Aiyeya 51:6

Kokuʼnaʼmo halinagana huno alagi hano hisigeʼa oʼagegayaʼmofeʼmo lapakaemo anaga kokuʼnategamo alita maku hutapa ageyo. Ma mopamo kukena yakana huno atafa hegaiyaʼmofeʼmo lapakaemo afelaga mopafiʼmo aulu heyo. Muki ma mopafi vayaʼmo ani kava huʼa faligayaʼmonanafa nagaemo hanege hanege huno hanesiya fatago kavaʼniletiʼmo vayaʼnimo alagi apakufamo aliʼna katiʼna apatesugeʼa muki afinaʼmo maige maige huʼa maigae. Maisageʼa vayaʼmogi fatago kavaʼnimo aliʼa hano huʼa oʼatalegae.

Matiyu 5:18

Lama ge lapa nepauve, huno, Keʼaepa gemoʼa aise yaʼatomo alagena yaʼmo magoke yaʼatomo alagi hano osuno afaʼa haneme haneme neʼvisigeno kokuʼnaʼe mopaʼeʼmo hano hugiye. Hogoteno muki keʼaepa geʼamo afole aite afole aite huno afole aino hano hugiye.

Luki 21:33

Kokuʼnaʼe ma mopaʼeʼmo hano hugiyaʼmonanafa geʼnimo alagi hano osuno afaʼa hanege hanege huno hanegaiye.

Lomu 3:31

Inagi lagaemo apakesamo afiʼa fatago hisaya kavafeʼmo ava gemo nehutaeʼmo keʼaepa geʼamo aeta ati nekaopiye. Alagi atalegeno hano hino. Lagaemo keʼaepa geʼamo ha maeta alita he tita neʼatone.

2 Pita 3:10

Kumaya vayaʼmogimo kava noʼyagaiya afinaʼmo neʼaya kava huno Ala kava neʼmo agaiʼa afinaʼmo afole aisigenoʼaeʼmo lusi kava huno avamusa gemoʼmo nehisigenoʼaeʼmo kokuʼnaʼmo alagi hano hugiye. Muki ma mopaʼe muki ma mopafiʼmo haneʼniya yaʼeʼmo atamoʼmo leno sagalino hano hugiye.

Leveleseni 20:11

Hutegeʼnaeʼmo ageʼnovana alopa yaveyave siyamo yagaino neʼapateya vekamo siyaʼamo haneʼnigeno mago vekamo ani siyateʼmo fai maiʼnigeʼna ageʼnove. Ma mopaʼe kokuʼnaʼeʼmo ani vekamo augosamo neʼageʼanaeʼmo anaune heʼana uʼana alagi lageso huʼnaʼae.

Leveleseni 21:1

Agovana saufa kokuʼnaʼe mopaʼeʼmo haneʼnigeʼna ageʼnove. Hogote kokuʼnaʼe mopaʼeʼmo alagi uʼana lageso hisaʼategamo haneʼnaʼagenoʼaeʼmo solovala aniʼmo hano huʼniye.

Leveleseni 21:4

Agaemo apaulagafatiʼmo apaunumo alagi alino laneno atalegaiye. Muki vayaʼamo halate magoʼe huʼa ofalige magoʼe huʼa yulagefa oʼaige magoʼe huʼa aviʼyaʼmo osuge magoʼe huno apakafu okige hugiye. Muki kavaʼamo atafa kavaʼmogeno alagi hano huʼniye, huno huʼnigeʼna afiʼnove.