Luki 16:15 - The Keyagana NT and 25 OT books

¹⁵ Yesuʼa apakaefeʼmo hunoʼaeʼmo, lapakaemo vayaʼmogi apaulagaleʼmo kanale vayaʼmo maisayafeʼmo muki kavaʼmo nehayaʼmonanafa Gotiʼa lapaipafiʼmo ageʼniye. Vayaʼmogimo mago kavafeʼmo agiʼaleʼmo aliʼa neʼasagayaʼmonanafa Goti aulagaleʼmo alagi hosuʼniya kavaʼmo haneʼniye.

Luki 16:15 ပူးပေါင်းရင်းမြစ်များ

Samu 10:3

Hosu kavaʼmo nehiya vekamoʼmo hosu kavafeʼmo haʼye nehunoʼaeʼmo, alagepa kavaʼmo nehuve, huno nehiye. Agaemo hapaʼye nehiya vayaʼmo aliʼa auleʼa neʼapateyaʼmonanafa Ala kava nefeʼmo hosu gemo huteno ataleno uʼniye.

Samu 49:13

Apakaemo negi nagi apakesamo neʼafigeʼapaeʼmo mafaʼne anagaʼapimogimo alagi lama gegeʼmo nehae, huʼa huteʼa apakame nehae.

Samu 49:18

Afaʼa maiʼnenoʼaeʼmo agaiʼamo alino auleno neʼate, huno nehiye. He, lapakaitapimo alagepa hutapa lapa maesageʼapaeʼmo vayaʼmogimo ala lapakitapimo lapamigae.

Samu 7:9

Kagaemo fatago Gotigamo maiʼneka apaipa apakesafiʼmo alika fako nehane. Hosu vayaʼmogi hosu kavaʼapimo alika hano huka atalegeʼa magoʼe huʼa osiyo. Alagepa vayaʼaina alagepa huʼa maisaya yaʼmo apamigeʼa alagepa huʼa maiyo.

Mai'naya kavane 16:5

Ala kava neʼmoʼa aliʼa apakiʼapileʼmo aliʼa asaga neʼapataya vayaʼaifeʼmo alagi ohauʼnigeno avenatuʼnaʼmo heno atalegekana huno neʼapatale. Apakaemo kayoʼmo apamisiya afinaʼmo afaʼa faiʼa kasalo opaegae.

Mai'naya kavane 20:6

Asole vayaʼmogimo huʼapaeʼmo, lagaemo alagepa vayaʼmo maiʼnone, huʼa hugayaʼmonanafa ina laʼmo lama gemo nehiya vekamo kahauya huno agegaiye.

Mai'naya kavane 21:2

Muki vayaʼmogi huʼapaeʼmo, alagepa kavaʼmo nehune, huʼa nehiyaʼmonanafa Ala kava neʼmoʼa apaipafi kavaʼmo alino fako huno neʼage.

Malakai 3:15

Agaemo hosu kavaʼmo nehaya vayaʼmo alino asagauno neʼapateyaʼmofeʼmo hemenimo lagaemo hutaeʼmo, himuʼnamu kava nehaya vayaʼmo hapa neʼmae, huta nehune. He, Gotiʼa amalageka nehaya vayaʼmo hosu hanageke yaʼmo oʼaliʼa hanageke kavapatiʼmo afaʼa uʼnae, huta nehune.

Matiyu 23:5

Apakaemo vayaʼmogi apakesayafeʼmo alu kava alu kavaʼmo nehae. Gotiʼa avoʼmo kae maleʼniya gemo aliʼa kesifiʼmo maleteʼa hapanileʼmo neʼmalaya aise kesimo alopa kesifiʼmo neʼmalae. Kukenaʼapimo atupaʼaleʼmo konali yaʼamo yatala yatala huʼa ae maleʼnae.

Matiyu 6:16

Aeʼa ati nekaya vayaʼmogimo neʼyaʼmo oʼneʼa mosiʼa maiʼneʼapaeʼmo neʼyaʼmo mo nesiya kavaʼapimo aliʼa apave lisayafeʼmo hosu apaugosamo nekaliye. Lama ge lapa nepauve, huʼna, miyaʼapimo ago aliʼnae. Neʼyaʼmo mosita maiʼnetapaeʼmo hosu lapaugosamo okaliyo.

Matiyu 6:2

Aeʼa ati nekaya vayaʼmogimo kagemi yaʼapimo ohaneʼnisiya vayaʼmo apamisayafeʼmo pikuli nehaya vayaʼaifeʼmo hapa paiʼapaeʼmo, hogoteta uta pikulimo hiyo, huʼa hapa nepaiye. Pikulimo huʼnageʼapaeʼmo vayaʼmogi ala apakiʼapimo apamisayafeʼmo mono nopiʼmofi kategamofi huʼa kagemi yaʼapimo ohaneʼniya vayaʼmo neʼapamiye. Ani agufa kavaʼmo osiyo. Lama gemo lapa nepauve, huno, miyaʼapimo ago aliʼnae.

Matiyu 6:5

Aeʼa ati nekaya vayaʼmogimo muki vayaʼmogi apakesayafeʼmo muki mono nopiʼmo he tiʼa maiʼneʼa nunumuʼmo huge u eʼa nehayategaʼeʼmo he tiʼa maiʼneʼa nunumuʼmo huge nehae. Ani kava hutapa nunumuʼmo osiyo. Lama ge huʼnaeʼmo, miyaʼapimo ago aliʼnae.

Luki 10:29

agaemo avagage osisigeno agiʼamo alagepa huno hanesiyafeʼmo Yesufeʼmo hunoʼaeʼmo, nahaopaleʼmo maiʼniya vekamo ina laʼae, huno ge huno afi geʼniye.

Luki 11:39

Ala kava neʼmoʼa hunoʼaeʼmo, Falasi vayaʼmogitapamo kapumo agotofuʼalegaʼe yuvapamo agotofuʼalegaʼeʼmo sese nehayaʼmonanafa lapaipafiʼmo lapaʼye nehiya kavaʼe hosu kavatapiʼeʼmo havai teʼniye.

Luki 18:11

Falasi vekamoʼmo he tino maiʼneno agaiʼaeʼmo nunumuʼmo huʼniye. Nunumuʼmo hunoʼaeʼmo, Gotiyo, huno, muki alu vayakana huʼna oʼmaiʼnovaʼmofeʼmo kahao keʼmo nehove. Mago kanale kavaʼmo osuge aigofe gemo huteʼa kumayaʼmo alige kumai kavaʼmo huge nehaya vayakana huʼna oʼmaiʼnove. Ani takesi monimo neʼaliya vekagana huʼna oʼmaiʼnove.

Luki 18:14

Lapa nepauve, huno, Gotiʼa takesi moni neʼaliya vekaeʼmo hunoʼaeʼmo, naulagaleʼmo fatago vekamo maiʼnane, huno ha paiʼnigeno noʼalegamo fatago vekamo uno maiʼniyaʼmonanafa alu vekamo mago yaʼmo oʼalino afaʼa uʼniye. Gotiʼa muki vayaʼmogimo apakaiʼapi apakiʼapileʼmo aliʼa asaga huʼa neʼatesaya vayaʼai apakiʼapileʼmo alino afepi apategaiyaʼmonanafa Gotiʼa apakaiʼapi apakiʼapileʼmo aliʼa afepi neʼatesaya vayaʼai apakiʼapileʼmo alino asaga huno apategaiye, huno hapa paiʼniye.

Luki 18:21

mafaʼnemo maiʼnova afinatetiʼmo muki ani keʼaepa gemo akame hume hume eʼna hemeniʼeʼmo akame nehuve, huno ha paiʼnigeno

Luki 18:9

Mago vayaʼmogi Gotifeʼmo apakesamo oʼafiʼa apakaiʼapiyekeʼmo aliʼa amufa apamiʼapaeʼmo, lagaemo alagepa vayaʼmo maiʼnonageʼa alu vayaʼmo afaʼa ina agufa vayaʼmo maiʼnae, huʼa nehaya vayaʼaifeʼmo Yesuʼa ina gemo huno aeno kalafefa gemo huno hapa paiʼniye.

Luki 20:20

Kalavusi huʼa atesaya kavafeʼmo amasa hisaya vayaʼmo aliʼa apateʼnageʼa uʼa maiʼneʼapaeʼmo Yesuʼa alagepa huʼa eʼa maiʼnae, huno apakesiyafeʼmo aigofe kavaʼmo huʼa maiʼneʼa geʼamo afiʼnae. Geʼamo afiteʼapaeʼmo, hosu gemo nehisigetaeʼmo atafauta kalavusi huta ateteta Lomu vekamo yagaino nelateya vekamo avalelita uta amigune, huʼa huʼnae.

Luki 20:47

Apakaemo kogu aʼne anagaʼaifeʼmo humi apateteʼa kagemi yaʼapimo kumayaʼmo aliteʼa aigofe gemo huʼa yatala nunumuʼmo nehae, huno hapa paiʼniye.

Yoni 2:25

Mago gemo afino alagepa huteno apakesiyafeʼmo mago vayaʼmogi apava gemo huʼa ha opaigafa agaiʼageʼmo muki ma mopafi vayaʼai apaipafiʼmo ago apakeʼniye.

Yoni 21:17

Halate napa tali afinaʼmo Yesuʼa hunoʼaeʼmo, Yoni mafaʼneʼamo Saimoniyo, huno, nagaefeʼmo kahauʼnifiye, huno afi geʼnigenoʼaeʼmo Pitaʼa Yesuʼmo napa tali afinaʼmo nagaefeʼmo kahauʼnifiye, huno afi geʼniyaʼmofeʼmo aipamoʼmo kana huʼnigenoʼaeʼmo, Ala kava nene, huno, kagaemo muki kavaʼamo ago ageʼnanana kagaefeʼmo nahauʼniye, huno ha paiʼnigenoʼaeʼmo, nahauʼniya sipisipi vayaʼaina neʼyaʼmo apamiyo.

Apa 1:18

Yutasiʼa ani agufa hosu kavaʼmo hisiyafeʼmo miyaʼmo amiʼnae. Miyaʼmo aliteno uno mago mopamo miya faiteno ani mopaleʼmo asagauno aiʼnigeno aipamo aino lakufaeno asagauno aiʼniye.

Apa 1:24

Lekana paiʼa anateʼneʼana nunumuʼmo huʼapaeʼmo, Ala kava nene, huʼa, Muki vayaʼai apaipafiʼmo neʼapakane. Mani lole vekalapatiʼmo lekana paika ateʼnisana vekamo alika lave liyo.

Apa 15:8

Gotiʼa muki vayaʼai apaipafiʼmo neʼapakeya vekamoʼa kanalene, huno huteno Aunemeʼamo lamiʼniya agufa kavaʼmo huno apamiʼniye.

Lomu 3:20

Hapa nepaiyaʼmofeʼmo Gotiʼa muki vayaʼmogimo keʼaepa geʼamo akame nehisaya kavatetiʼmo, naulagaleʼmo fatago vayaʼmo maiʼnae, huno osugiyaʼmonanafa keʼaepa geʼaletiʼmo vayaʼai hosu kavaʼapimo alino apave neliye.

Lomu 8:27

Lavayaʼaletikeʼmo ge nosunaʼmonanafa Gotiʼa apaipafikeʼmo neʼapakeya vekamo Aunemeʼamoʼmo agesa neʼafiya kava huno agesamo neʼafiye. Aunemeʼamoʼmo Gotiʼa hauʼniya kavafeʼmo nunumuʼmoʼmo huno nelategenoʼaeʼmo Gotiʼa neʼafiye.

1 Kolitiyani 4:5

Maiʼniyaʼmofeʼmo Gotiʼa Ala kava neʼmo eminesiya afinaʼmo lekana pai maleʼniyaʼmofeʼmo afole oʼaiʼniyanagi hogotetapa alita fako hutapa oʼapateyo. Agaemo eminenoʼaeʼmo hanipiʼmo huʼa fala nekiya kavaʼe apaipa nekaliya kavaʼapiʼeʼmo afole yateʼmo alino afole aino ategaiye. Ani afinaʼmo Gotiʼa muki vayaʼmogimo aliʼyaʼapimo aliʼnaya yatefeʼmo, alagepa aliʼyaʼmo aliʼnae, huno hapa paitesigeʼapaeʼmo apamete apamete huʼa hetamaʼapimo aligae.

1 Pita 3:4

Lapakaetegamo hosu kavaʼmo afole aisigetapaeʼmo yuna lapaipa falu lapaipamo kaligenoʼao, konali yakana huno hanege hanege huno haneno. Gotiʼa ani kavafeʼmo hunoʼaeʼmo, alagi hogote alagepa kavaʼmo haneʼniye, huteno amuse nehiye.

1 Pita 5:5

Neya vayaʼmogitapae, huʼna, vayatama vayaʼai apaiyafiʼmo maiʼnetapa geʼapimo afiyo. He, muki vayaʼamogitapae, huʼna, ina agufa vayaʼmo maiʼnone, nehutapa aliʼyaʼmo neʼaliya vayaʼmogimo aliʼa neʼvaiya kukenamo aliʼa neʼvaiya kava hutapa konagatapimogi apaiyafiʼmo maiʼnetapa geʼapimo afiyo. Na kava nehiyaʼmofeʼmae. Gotiʼa ala vayaʼmo maiʼnone, huʼa apakesamo neʼafiya vayaʼaifeʼmo kame huno neʼapateyaʼmonanafa ina agufa vayaʼmo maiʼnone, huʼa apakesamo neʼafiya vayaʼaina fiku hapa maeno neʼapamiye.

Leveleseni 2:23

Ani kavaʼmo huteʼna mafaʼne anagaʼamo apamagisugeʼa faligae. Inagi siosiʼafi siosiʼafiʼmo maiʼnaya vayaʼmogimo nagaemo hisuva kavaʼmo ageteʼapaeʼmo, agaemo vayaʼai apaipa apakesafiʼmo neʼageya vekamo maiʼniye, huʼa nagegae. Na agufa kavaʼmo huʼnisafigeʼna anonatapilefeʼmo lapamete lapamete huʼna lapamiguve.

1 Samiyo 16:7

Agesamo afiʼniyaʼmonanafa Ala kava neʼmoʼa Samiyofeʼmo ha painoʼaeʼmo, kagaemo amega agufalefeʼmo kagesamo oʼafika yatala vekaeʼmo alagepa kaulagamo oʼago. Nagaemo kini vekamo maisiyafeʼmo nagesamo oʼafiʼnove. Vayaʼmogi neʼapakaya agufa kavaʼmo huʼna oʼageʼnove. Ma mopafi vayaʼmogi amega apakufaʼalefekeʼmo neʼapakayaʼmonanafa Ala kava neʼmoʼnamo apaipa apakesafikeʼmo neʼapakove.